Македонија

Минчев: Време е за развој на Македонија, а не за политички манипулации

На денешната собраниска седница за пратенички прашања, министерот за јавна администрација, Горан Минчев, даде јасен одговор на прашањата и обвинувањата од пратеникот на ДУИ, Блерим Беџети.

На денешната собраниска седница за пратенички прашања, министерот за јавна администрација, Горан Минчев, даде јасен одговор на прашањата и обвинувањата од пратеникот на ДУИ, Блерим Беџети, повикувајќи на транспарентност, конструктивност и посветеност на реформи во јавната администрација.

Во своето излагање, министерот Минчев изрази загриженост за, како што го нарече, лицемерието на дел од политичките актери, посочувајќи на контрадикторните ставови на ДУИ во однос на стратегијата за реформи во јавната администрација.

„Вие, кои се декларирате како борци за правата на етничките заедници, на седница на Влада во јули 2023 година, каде министри од ДУИ активно учествуваат, усвоивте стратегија што го става начелото на стручност, компетентност и родова еднаквост како примарни критериуми за вработување и унапредување во јавниот сектор и истовремено констатирате злоупотреба на дигиталната алатка “Балансер”. - истакна Минчев.

Минчев појасни дека одлуката за укинување на алатката „Балансер“ е донесена од Уставниот суд, а Министерството за јавна администрација нема мандат да коментира или оспорува такви одлуки.

„ДУИ, наместо да дискутира за суштински теми и развојни политики, одлучи да ја драматизира ситуацијата со обвинувања за наводно одземање на етничките права. Правичната застапеност е уставна категорија и ќе остане таква. Новото законско решение што Владата ќе го предложи, ќе биде изработено од експерти и ќе опстои на долгорочна основа,“ - потенцираше Минчев.

Министерот Минчев додаде дека, според податоците, процентот на етнички вработувања бил поголем во периодот пред воведувањето на балансерот (2001–2015) отколку во периодот кога тој се применувал (2015–2024), нагласувајќи дека злоупотребите на алатката довеле до загриженост и критики, нотирани и во извештаите на Европската комисија.

„Време е да се фокусираме на суштински прашања за развојот на Македонија. Новото законско решение ќе биде квалитетно, долгорочно и поддржано од Венецијанската комисија. Само со таков пристап можеме да изградиме стабилна и правична јавна администрација,“ - заклучи тој.

Кабинет на Министер за Јавна Администрација

Здравје

Моќен еликсир кој ги чисти цревата и го регулира варењето додека трепнеш

Но едно правило мора строго да се почитува

По 40 дена, овој вреден препарат е спремен за употреба.

Наједноставните природни лекови обично се најефикасни. Еден од најстарите рецепти кој се користи за зајакнување на имунитетот, а истовремено е одличен и за темелно чистење на организмот, се базира на комбинацијата од суви смокви и маслиново масло. Важно е да се следи упатството за негово консумирање за да се добие максимален ефект.

Состојки:

15 суви смокви

250 мл екстра девствено маслиново масло

Подготовка:

Сувите смокви измијте ги под млаз ладна вода и оставете ги да се исушат. Смоквите ставете ги во стаклен сад/тегла со капак.

Потоа прелијте ги со маслиново масло така што д бидат целосно покриени. Затворете го садот и оставете го на темно и суво место. Идеално би било еликсирот да отстои најмалку 40 дена.

Употреба:

По 40 дена, еликсирот е подготвен за употреба. Земајте по една смоква дневно и пијте малку маслиново масло од истиот сад.

Здравствени придобивки

Зајакнување на имунитетот: Смоквите се богати со витамин Ц и антиоксиданси, кои играат клучна улога во зајакнувањето на имунолошкиот систем и заштитата на организмот од инфекции и болести.

Детоксикација на телото: Маслиновото масло е познато по своите детоксикациски својства. Тоа помага да се елиминираат токсините од телото и ја поддржува работата на црниот дроб, клучниот орган за детоксикација.

Подобрување на варењето: Смоквите се одличен извор на влакна, кои помагаат во регулирање на варењето на храната и спречувањето запек.

Енергија и виталност: Комбинацијата од смокви и маслиново масло обезбедува долготрајна енергија и ја подобрува општата состојба на организмот.

Антивоспалителни својства: Маслиновото масло содржи олеокантал, природно соединение кое има антиинфламаторни својства кое помага во намалувањето на воспалителните процеси во телото.

Забава

Актерка го шокира светот кога се омажи за својот полубрат, сега роди ќерка (ФОТО)

Австралиската актерка Скарлет Вас, која е најпозната по улогата во серијата „Соседи“, минатата година ги запрепасти сите кога се омажи за својот полубрат Тај Ричи, а денес тие двајца добија ќерка, но не открија кое име ѝ го дадоа.

Сепак, Скарлет моментално е попозната како високоплатен модел на OnlyFans, а не пропушта прилика секогаш да потенцира дека е меѓу најплатените жени на оваа страница.

Штом нивното прво дете се родило на католички Божиќ, двајцата веднаш објавиле слики од болницата. Скарлет зрачи од среќа додека Тајо ги гушка неа и ќерката.

За чудо, гордите родители не го открија името на бебето, а Ричи на Инстаграм напиша:

- Нашето божиќно чудо конечно пристигна, среќен Божиќ од нашето семејство.

Инаку, Скарлет и Тајо се познаваат уште од тинејџерските години во Мелбурн и станаа семејство кога нивните родители започнаа врска.

Во септември ја објавија веста за бременоста, а потоа објавија видео во кое ја снимиле нивната реакција на позитивен тест за бременост. Иако во серијата „Соседи“ една сезона ја глумеше полицајката Мисти Шарма, тоа беше отскочна штица за Скарлет, која забележува дека заработува повеќе од 200.000 долари месечно на сајтот за возрасни, пренесува Дејли Мејл.

Свет

Сѐ помали се надежите дека ќе бидат пронајдени Лука и Кристијан, изгубени на планина во Италија

Италијанските медиуми денеска објавија дека има сѐ помалку надеж дека ќе бидат спасени двајцата италијански планинари кои од 22 декември се заробени на планината Гран Сасо.

Кристијан Гвалди и Лука Перачини доживеале несреќа додека планинареле кога се лизнале и паднале во бездна, а се претпоставува дека еден од нив е повреден.

Напорите на спасувачките екипи да стигнат до нив, како и претходните денови, се отежнати поради лошите временски услови и опасноста од лавина, а само хеликоптер можеше да се обиде да ги пронајде доколку се подобри времето, објави АНСА.

Како што се наведува, најголемиот ризик со кој се соочуваат планинарите е хипотермијата и дека потрагата ќе продолжи штом се подобрат временските услови.

Кристијан Гвалди и Лука Перачини се од регионот Емилија Ромања. Се вели дека тие се заглавени во клисурата на Вале дел Пеколно, под масивот Гран Сасо, откако се лизнале додека се обидувале да стигнат до врвот Корно Гранде, кој е на 2.914 метри. Инаку, планината Гран Сасо се наоѓа на околу 150 километри источно од Рим, во регионот Абруцо, во близина на градот Аквила.

Моменталната температура во регионот е минус 10, а дува ветер со неверојатна сила од дури 140 километри на час. Иако техничарите успеале да го решат проблемот кој ја блокирал жичарницата, временските услови не дозволиле да се спуштат.

притисни ентер