Единицата за интервентна полиција денес се одликува со оперативна мобилност и широк оперативен опфат, координираност, професионалност, а се во насока на поголема функционалност и ефикасност на севкупниот полициско-безбедносен систем на подрачјето на главниот град. Како во смисол на спроведување на законите на сите нивоа, односно домени на надлежности, така и во поглед на остварување на зацртаните проекции и планови на Секторот за внатрешни работи Скопје.

Ова денеска меѓу другото го истакнал министерот за внатрешни работи Панче Тошковски во своето обраќање по повод одбележувањето на јубилејот- пет години од формирањето на Единицата за интервентна полиција, што се одржа во седиштето на оваа организациона единица при СВР Скопје во касарната „Ѓорче Петров“ во Скопје.

Нагласувајќи го уверувањето дека ЕИП како високообучена формација ќе продолжи да се надградува и да еволуира со цел да одговори на новите предизвици на безбедноста кои ги наметнува новото време и динамиката на животот, како и позитивните статистички показатели во работата на единицата, како што соопшти МВР, Тошковски потенцирал дека таквите резултати не обврзуваат да ја потврдиме неопходноста од вложување во модернизирање и надградување на нејзините капацитети за натамошно ефикасно справување со сите облици на криминално делување.

На свеченоста се обратил и командантот на Единицата за интервентна полиција, Васко Наумовски, кој пак се осврнал на конкретните показатели од секојдневното работење на Единицата, посочувајќи дека во периодот од почетокот на годинава заклучно со ноември 2024 припадниците на ЕИП на подрачјето на СВР Скопје извршиле легитимирање на 22.662 лица, 20.985 прегледи на лица и уште 9.096 - прегледи на патнички моторни возила, како и 477 непосредно забележани лица, а дополнително како резултат на извршувањето на работните задачи по разни основи од слобода се лишени и приведени вкупно 1.816 лица.

- За нас како припадници на Единицата, од огромна важност е фактот што актуелното раководство на Министерството за внатрешни работи препознавајќи го овој позитивен тренд јасно најави, а и практично делуваше во насока на мотивационо наградување на колегите, на нужноста од натамошни инвестирање во развојот и унапредувањето на Единицата, односно на нејзините професионално-технички капацитети, а се со цел натамошно подигање на безбедносните стандарди на подрачјето на главниот град, во името на сигурноста и спокојот на нашите сограѓани, истакнал Наумовски.

Полицаецот кој го симна албанското знаме во Куманово не прекрпшил процедури, утврдила внатрешната контрола.

И претседателката исто како и премиерот и собранискиот спикер смета дека по неусвојувањето на извештајот во Собранието треба да се почне постапка и да се изберат нови членови наместо петмината актуелни – Весна Дамева, Селим Адеми, Павлина Црвенковска, Миљазим Мустафа и Тања Чачарова Илиевска. Претседателката ветува дека следните двајца кандидати кои треба да ги предложи таа, ќе бидат професионалци.

„ Идејата е добра, треба да се започне со интерпелации за оние членови за кои навистина има основани сомненија, или тоа ќе се утврди, за разрешување, ако сакаме да отвориме пат. Кога се работи за претставниците на претседателот, номинацијата е многу важна.

Прашање: Какви ќе номинирате вие, Пендаровски претходно сум го прашувал за неговите кандидати, велеше „морам да се консултирам бидејќи нема да поминат“..

- Но, ако не номинирам јас, нема да има избор. Кандидати ќе бидат познати врвни правници, држете ме за збор. “ - Гордана Сиљановска Давкова – претседателка на Македонија

Канал 5 контактираше дел од лично засегнатите членови на Судскиот совет, но тие засега не сакаат да коментираат.

Наспроти најавите на власта, опозицијата е децидно против разрешување на членови на Судскиот совет. Од СДСМ обвинија дека се работи за партизација и директен удар врз демократијата, со оценка дека овој потег е спротивен на реформската агенда на земјава.

Во меѓувреме, работна група на министерството за правда подготвува нов закон за судски совет кој треба да ги заостри критериумите за избор на членовите, дисциплинските постапки, транспарентноста, должината на мандатот, како и дефиницијата „истакнат правник“. Најавено е дека нацрт верзијата ќе биде испратена до Венецијанската комисија пред да биде пуштена во собраниска процедура, но најдоцна до јуни овој закон треба да биде изгласан.