Шоу биз

Жените лудуваа по него во 2000-тите (видео)

Го доби седмото дете, гази во шестата деценија и сè уште мами воздишки каде и да се појави! 

Џуд Ло (51) брилираше на Венецијанскиот филмски фестивал со извонредната изведба во криминалистичкиот трилер „The Order“. Филмот ја следи приказната за еден агент на ФБИ кој се соочува со неонацистички терористи, а актерот доби големи пофалби од публиката и критичарите за оваа улога.

На премиерата одржана во Лидо, филмот „The Order“ предизвика седумминутни овации, додека публиката громогласно аплаудираше по завршувањето на проекцијата. Пред да започне филмот, Џуд Ло се прошета по црвениот тепих пред „Палацо дел Синема“, каде трпеливо се сликаше со своите обожаватели - пренесува „Variety“.

Потсетуваме дека актерот влезе во шестата деценија, а изгледа подобро отколку на почетокот на кариерата. Тој се појави во црн костум кој се состоеше од сако и панталони со висок сјај, под закопчаното сако тој носеше црна атлетска маичка, над која носеше црна вратоврска. Тенот можеби му беше и прилично исончан, па се чини дека актерот често престојува на море.

Џуд (51) го доби своето седмо дете со сопругата Филипа, која е 14 години помлада од него, три години претходно тие го добија нивното прво дете. Преостанатите пет деца ги дели со други жени со кои бил во врска и брак. Познатиот актер е поврзан со бројни афери, една од најпознатите е аферата со дадилката додека беше во врска со познатата актерка Сиена Милер.

Овој пат ноншалантно им позираше на фоторепортерите со едната рака во џебот, додека го имаше истиот заводлив поглед со кој кршеше женски срца во 2000-тите.

Инстаграм веднаш беше преплавен со реакции.

- Згоден е и го знае тоа!

- Стар со стил.

- Што крие под сакото?

- Тој сега изгледа уште подобро отколку кога беше млад, како е тоа можно?

- Овој човек има харизма и самодоверба.

-Сè уште ми треперат колената кога ќе го видам!

„The Order“ е адаптација на книгата „The Silent Brotherhood“ од 1989 година на Кевин Флин и Гери Герхарт. Џуд претходно се појави на филмскиот фестивал во Венеција во 2016 година кога ја промовираше серијата „Младиот папа“. Неговиот камбек со филмот „The Order“ повторно ја потврди неговата способност да толкува комплексни и провокативни улоги.

Забава

Актерка го шокира светот кога се омажи за својот полубрат, сега роди ќерка (ФОТО)

Австралиската актерка Скарлет Вас, која е најпозната по улогата во серијата „Соседи“, минатата година ги запрепасти сите кога се омажи за својот полубрат Тај Ричи, а денес тие двајца добија ќерка, но не открија кое име ѝ го дадоа.

Сепак, Скарлет моментално е попозната како високоплатен модел на OnlyFans, а не пропушта прилика секогаш да потенцира дека е меѓу најплатените жени на оваа страница.

Штом нивното прво дете се родило на католички Божиќ, двајцата веднаш објавиле слики од болницата. Скарлет зрачи од среќа додека Тајо ги гушка неа и ќерката.

За чудо, гордите родители не го открија името на бебето, а Ричи на Инстаграм напиша:

- Нашето божиќно чудо конечно пристигна, среќен Божиќ од нашето семејство.

Инаку, Скарлет и Тајо се познаваат уште од тинејџерските години во Мелбурн и станаа семејство кога нивните родители започнаа врска.

Во септември ја објавија веста за бременоста, а потоа објавија видео во кое ја снимиле нивната реакција на позитивен тест за бременост. Иако во серијата „Соседи“ една сезона ја глумеше полицајката Мисти Шарма, тоа беше отскочна штица за Скарлет, која забележува дека заработува повеќе од 200.000 долари месечно на сајтот за возрасни, пренесува Дејли Мејл.

Свет

Сѐ помали се надежите дека ќе бидат пронајдени Лука и Кристијан, изгубени на планина во Италија

Италијанските медиуми денеска објавија дека има сѐ помалку надеж дека ќе бидат спасени двајцата италијански планинари кои од 22 декември се заробени на планината Гран Сасо.

Кристијан Гвалди и Лука Перачини доживеале несреќа додека планинареле кога се лизнале и паднале во бездна, а се претпоставува дека еден од нив е повреден.

Напорите на спасувачките екипи да стигнат до нив, како и претходните денови, се отежнати поради лошите временски услови и опасноста од лавина, а само хеликоптер можеше да се обиде да ги пронајде доколку се подобри времето, објави АНСА.

Како што се наведува, најголемиот ризик со кој се соочуваат планинарите е хипотермијата и дека потрагата ќе продолжи штом се подобрат временските услови.

Кристијан Гвалди и Лука Перачини се од регионот Емилија Ромања. Се вели дека тие се заглавени во клисурата на Вале дел Пеколно, под масивот Гран Сасо, откако се лизнале додека се обидувале да стигнат до врвот Корно Гранде, кој е на 2.914 метри. Инаку, планината Гран Сасо се наоѓа на околу 150 километри источно од Рим, во регионот Абруцо, во близина на градот Аквила.

Моменталната температура во регионот е минус 10, а дува ветер со неверојатна сила од дури 140 километри на час. Иако техничарите успеале да го решат проблемот кој ја блокирал жичарницата, временските услови не дозволиле да се спуштат.

Шоу биз

Натали Портман го дочека Божиќ на Карибите, снимена е во бикини (ФОТО)

Холивудската актерка Натали Портман (43) реши да го помине Божиќ во летно издание.

Фотографите ја снимиле како доаѓа со нејзината ќерка Амалија (7) на плажата во Сент Бартс, популарно одморалиште на Карибите.

Актерката дошла на плажа во црна маица, тексас здолниште и очила за сонце. Таа за кратко време влезе во морето облечена во црно бикини во кое ја покажа својата витка линија.

Ова беше прв одмор за актерката по разводот, кој беше финализиран во март годинава. Минатото лето таа објави дека се разведува од францускиот танчер Бенџамин Милепид, со кого беше во брак 12 години. Двојката се запознала во 2009 година на сетот на филмот Црн лебед, во кој Натали ја играше балерината Нина, а Бенџамин беше еден од танчерите.

Покрај ќерката Амали, парот заедно го доби и синот Алеф (13). Извесен период живееле во неговата родна Франција, каде во октомври оваа година Милепид бил снимен како се бакнува со непозната жена. Извор близок до актерката тогаш изјави за Us Weekly дека Натали не била изненадена.

„Таа мислеше дека тој брзо ќе продолжи понатаму“, рекол еден извор. Друг тврдеше дека актерката не се замара за потенцијалните врски на нејзиниот поранешен сопруг: „Таа е многу среќна со својот живот и има приоритет со семејството и пријателите“.

притисни ентер