Водата во Охридското Езеро со одличен квалитет и безбедна за спорт и рекреација

Водата во Охридското Езеро е микробиолошки и хемиски исправна и со највисок квалитет, односно од прва категорија и тоа на сите примероци земени на потегот од Свети Наум до Радожда. 

Тоа го покажуваат анализите што секоја година во овој период пред летната туристичка сезона ги спроведува Центарот за јавно здравје во Охрид.

Според она што беше кажано на денешната прес-конференција, она што постојано е јавува како проблем е квалитетот на водата од реките на езерскиот слив, каде се забележува деградација и загадување на реките Велгошка, Сатеска и Коселска, со незадоволителни микробиолошки параметри и хемиска категоризација од трета класа. Како такви тие се најголеми загадувачи на езерото.

- Критична точка има и кај мостот на Студенчишкиот канал, каде години наназад во водата се одливаат фекалии од цевка на канализицискиот систем. Квалитетот на водата од примерокот земен од цевката е од петта категорија, додека примерокот на водата кај во каналот на тоа место е хемиски е од трета категорија, незадоволителен микробиолошки, посочи Сашо Точков од Центарот за јавно здравје во Охрид.

Високата моќ на самопрочистување на езерото резултира со одличен квалитет на водата во Охридското Езеро, така што се исполнети сите предвидени стандарди за спорт и рекреација.

Што се однесува на струшкиот дел од крајбрежјето што се уште не е вклучено во колекторскот систем за собирање и третман на отпадните води, водата сега е одлична според квалитетот, но се очекува како и изминатите години во летниот период да дојде до деградација во квалитетот, пред се поради зголемениот број посетители во тој дел од езерото.

- Фекалната вода од канализациите од објектите, населбите што не се вклучени во колекторот понира и ги загадува подземните води и езерото, еко-системот што има ограничен капацитет за прием и самопрочистување... Тој капацитет одамна е надминат, така што мора надлежните да размислуваат за во иднина и да се менува нешто во тој дел , истакна Точков.

Како што беше посочено, Колекторскиот систем за заштита на Охридското Езеро проектиран за опслужување некаде 30 илјади жители сега истиот опслужува над 50 илјади лица и десетици илјади туристи во летниот период, што јасно покажува дека неговото оптеретување е многу поголемо од допуштеното.

Во Сенатот на САД поднесен нацрт-закон за прогласување на Русија за држава спонзор на тероризмо

 Во Сенатот на САД е поднесен нацрт - закон за прогласување на Русија за држава спонзор на тероризмот. Документот беше претставен синоќа од сенаторот републиканец Линдзи Грем и неговиот демократски колега Ричард Блументал.

Според мислењето на авторите на оваа иницијатива, со давањето таков статус на Русија „САД значајно ќе го зголемат достапот до инструменти за казнување“ на рускиот претседател Владимир Путин за војната во Украина, „деструктивните дејствија во Африка“ и низ целиот свет.

Грем изјави дека неодамнешниот договор на Русија за воена алјанса со Северна Кореја, „еден од најрепресивните режими на планетата“, е последна капка и САД повеќе не треба да бидат да се воздржуваат во своите оценки.

-Ја повикувам администрацијата да го земе во предвид она што Путин го направи на 19 јуни, да игра само на таа карта и да признае дека неговиот режим е таков како што е: држава спонзор на тероризмот, изјави сенаторот.

Блументал истакна дека Русија го „заслужила“ своето место во „клубот на земји отпаднички“, со тоа што разврза „жестока кампања на насилство и агресија“ во Украина причинувајќи многубројни ѕверства и злосторства против човештвото, сеејќи ужас и смрт меѓу илјадници невини мирни жители“.

-Признавањето на Русија држава спонзор на тероризмот ќе овозможи САД да водат поагресивна борба со жестокоста на Путин како и со заканата што тој ја претставува за слободата и демократијата, истакна сенаторот.

Ако биде усвоен овој законски проект, тоа ќе овозможи воведување пожестоки санкции против Русија и засилување на борбата со избегнување на веќе актуелните ограничувачки мерки, се вели во документот. /МИА

Хоџај: Курти и Вучиќ го користат северот на Косово за да ја задржат власта

Хоџај, кој е и поранешен министер за надворешни работи на Косово, изјави дека косовскиот премиер го искористил северот на Косово како платформа за консолидирање на својата власт.

Потпретседателот на Собранието на Косово и Член на Претседателството на опозициската Демократска партија на Косово (ПДК), Енвер Хоџај, во врска со ситуацијата на северот на државата и прашањето за Заедницата на општини со српско мнозинство, вели дека премиерот Албин Курти во овие три години владеење делувал „целосно спротивно на меѓународните трендови и геополитичките промени“, јави дописникот на МИА од Приштина.

Хоџај, кој е и поранешен министер за надворешни работи на Косово, изјави дека косовскиот премиер го искористил северот на Косово како платформа за консолидирање на својата власт.

- Со војната во Украина, со војната во Газа, со евентуална војна во Тајван, меѓународниот поредок се распаѓа и господинот Курти дејствуваше целосно во спротивна насока од меѓународните трендови, од геополитичките промени, а пред се решил во име на една политика да го користи северот на Косово како платформа за консолидирање на својата власт, се цитира Хоџај од приштинскиот портал „Телеграфи“.

Според поранешниот шеф на косовската дипломатија. денес ситуацијата на северот на земјата им помага на Курти во Приштина и на српскиот претседател Александер Вучиќ во Белград да останат на власт.

Хоџај нагласи дека кога неговата партија била на власт, никогаш не ја искористила ситуацијата на северот на земјата за политички популизам.

- Ние (ПДК) дејствувавме во однос на северот на Косово, демонтирајќи паралелни структури, борејќи се против криминалот и организираниот криминал на северот на земјата, правејќи сé за да ја заокружиме државноста на Косово на северот на земјата, интегрирајќи ја српската заедница. Никогаш не сме ја искористиле ситуацијата на северот на Косово за политички популизам. Ова што се случува на северот на земјата не е во прилог на националниот интерес на косовската држава, рече Хоџај./МИА

Димитријевиќ по две години го напушти УНИКС

Македонскиот кошаркар Ненад Димитријевиќ по две години го напушти УНИКС, соопштија од рускиот клуб.

Во претходните две сезони Димитријевиќ беше најдобар играч на клубот и во ВТБ лигата. Тој одигра вкупно 50 натпревари во ВТБ лигата со просек од 18,6 поени, 3,6 скока и 1,2 украдени топки на 30 минути игра.

Италијанските медиуми објавија дека Димитријевиќ веќе има договор со челниците на Олимпија и дека до крајот на неделата ќе стане член на клубот од Милано. /МИА

притисни ентер