Подводниот кабел за електрична енергија што ги поврзува Финска и Естонија од вчера не е во функција.

Гардијан пренесува дека ова го соопштил финскиот премиер Петери Орпо. Британскиот весник наведува дека ова е последен во низата инциденти поврзани со кабли, гасоводи и нафтоводи во Балтичкото Море.

Арто Пахкин, менаџер на финската електрична мрежа „Фингрид“, за јавниот медиумски сервис „Yle“ изјавил дека не е исклучено да се работи за саботажа.

Премиерот Орпо рече дека снабдувањето со електрична енергија во Финска не е загрозено.

– Властите остануваат будни и за време на Божиќ и истражуваат што се случило – напиша Орпо на социјалната мрежа Х. „Фингрид“ изјави дека во средата бил прекинат кабелот „ЕстЛинк 2“, кој ја снабдувал Естонија со струја.

Сличен инцидент се случи и минатиот месец кога беа исечени два телекомуникациски кабли во Балтичкото Море, кои ги поврзуваа Шведска и Данска.

Сомнежот брзо падна на кинескиот брод „Џи Пенг 3“, кој, според податоците од веб-страниците за следење на бродовите, во моментот на нивното сечење бил над каблите.

Партијата соопшти дека целта е гласањето за импичмент да се одржи утре.

Претходно, со ваква процедура беше сменет од функцијата претседателот Јун Сук-јеол, кој на 3 декември прогласи воена состојба во земјата, што беше причина за парламентарците да гласаат за негово отстранување.

Бајден ги повика Американците на размислување и обединување, додека Трамп ги поздрави со серија објави на социјалните мрежи.

Пораката на Бајден беше проследена со прошетка низ Белата куќа, украсена за празникот. Тој ги повика граѓаните да се обединат и да заборават на несогласувањата.

„Каде и да сте на Земјата, грижете се еден за друг“, изјави Бајден, истакнувајќи дека премногу често гледаме на другите како на непријатели наместо како на соседи, на сонародници. Тој повика овој Божик да биде момент на тивко размислување за Американците да се потсетат да се однесуваат едни со други со достоинство и почит, да живеат со светлина во нивните души и да запомнат дека има повеќе работи што ги обединуваат Американците отколку што ги делат.

Од друга страна, Трамп објави божиќна честитка со фотографија на која позира со сопругата Меланија. Потоа сподели низа објави кои ги поддржуваат неговите политички ставови.

По фотографијата со Меланија, следуваа серија ретвитови на написи или објави на други социјални медиуми кои ги поддржуваа неговите политички позиции за теми како што е контроверзната номинација на Пит Хегсет за секретар за одбрана или изјавите на Трамп за Гренланд и Панамскиот канал.

Една од повторно објавените пораки го исмева Барак Обама и покажа фотографија од претседателот Обама и Трамп на инаугурацијата на Трамп во 2017 година, придружена со зборовите: Кога ќе го сретнете на вашата церемонија оној кој рекол дека никогаш нема да бидете претседател“.