Свет

Смит: Долготрајното присуство на НАТО во Западен Балкан има стабилизирачка улога

Русија употребува цела плејада хибридни тактики да го дестабилизира Западен Балкан, додека воената алијанса е длабоко ангажирана во стабилизација на регионот, изјави денеска на брифинг за новинарите Џулијана Смит, амбасадор на САД во НАТО.

- НАТО има долготрајно присуство во Западен Балкан, сојузниците неодамна беа во посета на Босна каде НАТО има своја мисија, покрај присуството на КФОР во Косово. И навистина уште од 1990-те Алијансата е фокусирана да направи сѐ што може да обезбеди стабилност во регионот, изјави Смит.

За да го дестабилизира регионот Русија се служи со „класичен список на инструменти“ од кои на прво место е дезинформацијата, укажа таа.

-Кремљ ја користи дезинформацијата нашироко во регионот за да ги подели општествата одвантре, да ја подели Европа одвнатре и како таа гледа на регионот, да ги подели Соединетите Држави од европските сојузници и нашите пријатели во Западен Балкан, изјави Смит.

Според неа, во списокот такви инструменти се и кибер нападите, злонамерните кибер напади и принудата. „Но Алијансата работи напорно во обратна насока, да го стабилизира регионот, затоа внимателно ја набљудуваме ситуацијата“, истакна Смит,

САД на ова поле работат со НАТО членките кои се во регионот, но и со аспирантот Босна и Херцеговина „на нејзините тековни реформи и мислиме и бараме начини да помогнеме Босна да ја модернизира нејзината војска“. Смит укажа дека НАТО има постоечко партнерство и со Србија.

Воеаната алијанса утре во Брисел одржува министерски состанок на кој меѓудругото ќе се дискутира и за војната во Украина, но и за одбележувањето на 75 - годишнината од создавањето на НАТО, на самитот во Вашингтон во јули. Ќе биде поздравен и влезот на Шведска во Алијанста, која стана 32 членка на воениот блок.

Регион

За две недели во Косово регистрирани 19 заразени од Ковид-19

Од ИКШПК соопштија дека најголем број случаи, четири, се регистрирани кај возрасната група од 30 до 39 години, меѓутоа забележано е дека има позитивни случаи и кај децата.

Институтот за јавно здравје на Косово (ИКШПК) соопшти дека од 10 до 23 јули се регистрирани 19 позитивни случаи на Ковид-19 во Косово, при што нема пријавено ниту еден случај со смртни последивци, јави дописникот на МИА од Приштина.

Од ИКШПК соопштија дека најголем број случаи, четири, се регистрирани кај возрасната група од 30 до 39 години, меѓутоа забележано е дека има позитивни случаи и кај децата.

- На 5 мај 2023 година, СЗО го прогласи крајот на Ковид-19 како глобална здравствена вонредна состојба. Сепак, различни земји во светот и на европскиот континент неодамна регистрираа нови случаи на Ковид-19, иако нивниот интензитет не одразува зголемување на хоспитализирањата или други значителни здравствени оптоварувања. Како мерка на претпазливост, здравствените власти препорачуваат практикување превентивни мерки како наједноставен начин за намалување на здравствените ризици од Ковид-19, вклучувајќи инфекција, тешка болест, хоспитализација, или дури и смрт.

Во Косово во двонеделниот период од 10 до 23 јули се пријавени 19 позитивни случаи и ниту еден смртен случај со Ковид-19. Случаите припаѓаат на возрасните групи од 0-9 до 70-79 години, при што кај возрасната група 30-39 години, како најпогодена група, има 4 случаи, соопшти ИКШПК.

Македонија

Пожар во паркирано моторно возило во Дебар

Пожар во паркирано моторно возило е регистриран во Дебар, по што интервенирала противпожарната единица.

- Вчера наутро, во 6:24 часот во Одделението за внатрешни работи-Дебар е пријавено дека на улицата „Есат Мезелџиу“ во Дебар настанал пожар во паркирано патничко возило „фиат браво“ сопственост на С.С.(48) од Дебар, информираше Стефан Димоски, портпарол на Секторот за внатрешни работи-Охрид.

Toj додава дека повредени лица нема, а интервенирала Територијалната противпожарна единица од Дебар. Истрагата околу причините е во тек.

Тенис

Ѓорческа запрена во полуфиналето на турнирот во Португалија

Лина Ѓорческа во неизвесен меч го загуби денешното полуфиналето на ИТФ фјучрс турнирот во Фигеира да Фоз, Португалија што се игра за награден фонд од 100.000 долари.

Поуспешна од македонската тенисерка беше поранешната тенисерка број 10 Кристина Младеновиќ од Франција, која мечот го доби со 2:0, по сетови 6:4 и 7:5 за еден час и 44 минути игра.

Првиот сервис беше проблем за двете тенисери во мечот во кој Французинката имаше нешто подобар процент (58% наспроти 44% за Ѓорческа) што на крајот се покажа решавачко. Во таков меч Ѓорческа имаше 7 брејка од 12 можности, а Младеновиќ 9/16. Во текот на целиот меч дуваше силен ветар што им создаваше големи проблеми на двете тенисерки во играта.

Во првиот сет по осум одиграни гема ниту една тенисерка не освои гем на свој сервис, а во таков резултатски тек Ѓорческа водеше со еден гем предност. По 4:4 во гемот број 9 Младеновиќ го освои гемот на сервис поведе со 5:4, а потоа со нов брејк го доби првиот сет со 6:4 во гемови.

Почетокот на вториот сет беше сосема поинаков и по три гема водство за Младеновиќ, но сега тенисерките освојуваа гем на свој сервис. Французинката прва напррави брејк за водство од 3:1, но кога беше најпотребно во 10.гем на свој сервис Ѓорческа успеа да изедначи на 5:5. Но, сепак следните два гема и припаднаа на Младеновиќ за 7:5 во вториот сет и конечни 2-0 во сетови.

За пласманот во полуфиналето на турнир од рангот W100, Ѓорческа ќе освои 39 поени и најверојатно на новото рангирање ќе успее да влезе меѓу првите 200 тенисерки на ВТА листата.

притисни ентер