Македонија

Следната година почнува собраниската процедура за разрешување на 5 членови на Судскиот совет

Се поизвесно е дека по празниците Собранието ќе започне постапка за разрешување на членовите на Судскиот совет кои се избрани од пратениците. 

Откако не беше усовен извештајот за работата на ова највисоко судско тело, по премиерот Христијан Мицкоски, денеска и собранискиот спикер Африм Гаши рече дека неусвојувањето на извештајот е основ пратениците да гласаат за разрешување и да изберат нови членови на Советот.

-Негативниот извештај за работата на Судскиот совет значи дека Собранието на некој начин ги отповикува и дека може да почне процедурата за нивно разрешување и назначување на нови. Процедурата е одредена во Деловникот. Во Комисијата за избори и именувања како биле назначени, така ќе бидат разрешени и така ќе оди повторното назначување на новите членови на Судскиот совет. Од Комисијата за избори и именувања ќе зависи кога ќе почне процедурата, на дневен ред ќе биде штом има услови за тоа прашање,- изјави – Африм Гаши – Претседател на Собрание.

Но пред да се оди на варијантата за нивно разрешување во Собрание, Гаши најави дека ќе се консултираат со Уставниот суд и експерти дали тоа би било противуставно или спротивно на закон. Дел од познавачите велат дека овој начин на разрешување би бил спорен со оглед дека постапката за престанок на функцијата и разрешувањето, која според уставот е уредена со закон. Во законот за Судски совет се утврдени основите за престанок на мандат и дисциплинските постапки, но ваков начин на разрешување не е предвиден. Но од друга страна пак поранешната судијка Вера Коцо вели дека неусвојувањето на извештајот е доволна основа пратениците да започнат постапка на членовите на Судскиот совет кои тие ги избрале.

-Ако се тргне од она што значи уставна определба односно оние функционери што се избрани од страна на Собранието, може да биде покрената постапка за нивно разрешување, односно да се покрене импичмент за секој или сите од нив ако најдат дека истите се одговорни во однос на она што била нивна надлежност во вршење на нивната работа. Исто така и во Законот за Судски совет пишува дека тие својот извештај за работата односно Судскиот совет за својата работа доставува извештај до собранието кое го разгледува тој извештај и врз основа на истиот може да оцени дали тие ја извршувале солидно нивната надлежност или пак имало некакви пропусти- изјави – Вера Коцо – Поранешен судија.

Од вкупно 15 членови во Судскиот совет од кои двајца, претседателот на Врховен суд и министерот за правда се по функција, осум члена судиите избираат сами, а петмина ги избира Собранието. Во овој состав на Советот тоа се доскорешната претседателка Весна Дамева и Селим Адеми, кои ги предложи екс претседателот Пендаровски, како и Павлина Црвенковска, Миљазим Мустафа и Тања Чачарова Илиевска, кои директно ги избра Собранието.

Забава

Актерка го шокира светот кога се омажи за својот полубрат, сега роди ќерка (ФОТО)

Австралиската актерка Скарлет Вас, која е најпозната по улогата во серијата „Соседи“, минатата година ги запрепасти сите кога се омажи за својот полубрат Тај Ричи, а денес тие двајца добија ќерка, но не открија кое име ѝ го дадоа.

Сепак, Скарлет моментално е попозната како високоплатен модел на OnlyFans, а не пропушта прилика секогаш да потенцира дека е меѓу најплатените жени на оваа страница.

Штом нивното прво дете се родило на католички Божиќ, двајцата веднаш објавиле слики од болницата. Скарлет зрачи од среќа додека Тајо ги гушка неа и ќерката.

За чудо, гордите родители не го открија името на бебето, а Ричи на Инстаграм напиша:

- Нашето божиќно чудо конечно пристигна, среќен Божиќ од нашето семејство.

Инаку, Скарлет и Тајо се познаваат уште од тинејџерските години во Мелбурн и станаа семејство кога нивните родители започнаа врска.

Во септември ја објавија веста за бременоста, а потоа објавија видео во кое ја снимиле нивната реакција на позитивен тест за бременост. Иако во серијата „Соседи“ една сезона ја глумеше полицајката Мисти Шарма, тоа беше отскочна штица за Скарлет, која забележува дека заработува повеќе од 200.000 долари месечно на сајтот за возрасни, пренесува Дејли Мејл.

Свет

Сѐ помали се надежите дека ќе бидат пронајдени Лука и Кристијан, изгубени на планина во Италија

Италијанските медиуми денеска објавија дека има сѐ помалку надеж дека ќе бидат спасени двајцата италијански планинари кои од 22 декември се заробени на планината Гран Сасо.

Кристијан Гвалди и Лука Перачини доживеале несреќа додека планинареле кога се лизнале и паднале во бездна, а се претпоставува дека еден од нив е повреден.

Напорите на спасувачките екипи да стигнат до нив, како и претходните денови, се отежнати поради лошите временски услови и опасноста од лавина, а само хеликоптер можеше да се обиде да ги пронајде доколку се подобри времето, објави АНСА.

Како што се наведува, најголемиот ризик со кој се соочуваат планинарите е хипотермијата и дека потрагата ќе продолжи штом се подобрат временските услови.

Кристијан Гвалди и Лука Перачини се од регионот Емилија Ромања. Се вели дека тие се заглавени во клисурата на Вале дел Пеколно, под масивот Гран Сасо, откако се лизнале додека се обидувале да стигнат до врвот Корно Гранде, кој е на 2.914 метри. Инаку, планината Гран Сасо се наоѓа на околу 150 километри источно од Рим, во регионот Абруцо, во близина на градот Аквила.

Моменталната температура во регионот е минус 10, а дува ветер со неверојатна сила од дури 140 километри на час. Иако техничарите успеале да го решат проблемот кој ја блокирал жичарницата, временските услови не дозволиле да се спуштат.

Шоу биз

Натали Портман го дочека Божиќ на Карибите, снимена е во бикини (ФОТО)

Холивудската актерка Натали Портман (43) реши да го помине Божиќ во летно издание.

Фотографите ја снимиле како доаѓа со нејзината ќерка Амалија (7) на плажата во Сент Бартс, популарно одморалиште на Карибите.

Актерката дошла на плажа во црна маица, тексас здолниште и очила за сонце. Таа за кратко време влезе во морето облечена во црно бикини во кое ја покажа својата витка линија.

Ова беше прв одмор за актерката по разводот, кој беше финализиран во март годинава. Минатото лето таа објави дека се разведува од францускиот танчер Бенџамин Милепид, со кого беше во брак 12 години. Двојката се запознала во 2009 година на сетот на филмот Црн лебед, во кој Натали ја играше балерината Нина, а Бенџамин беше еден од танчерите.

Покрај ќерката Амали, парот заедно го доби и синот Алеф (13). Извесен период живееле во неговата родна Франција, каде во октомври оваа година Милепид бил снимен како се бакнува со непозната жена. Извор близок до актерката тогаш изјави за Us Weekly дека Натали не била изненадена.

„Таа мислеше дека тој брзо ќе продолжи понатаму“, рекол еден извор. Друг тврдеше дека актерката не се замара за потенцијалните врски на нејзиниот поранешен сопруг: „Таа е многу среќна со својот живот и има приоритет со семејството и пријателите“.

притисни ентер