Живот

Северниот магнетен пол се движи побрзо, но тоа не би било причина за „Судниот ден“

Со цел да го следат движењето, т.е. поместувањето на Северниот магнетен пол на Земјата, американски и британски научници објавија надграден модел со којшто го предвидуваат местото на магнетните полови до 2029 година.

Така, за северниот сега се очекува сè повеќе „да се лизга“ кон Сибир (во Русија).

Северниот магнетен пол официјално ја промени својата местоположба, тврдат научниците, кои предупредуваат дека може да има уште промени во магнетното поле на Земјата што би можеле значително да влијаат на животот тука. „Светскиот магнетен модел“ на Националната океанска и атмосферска администрација на САД - НООА, е главниот уред за следење на промените во магнетното поле на нашата планета и тоа е од клучно значење за светските системи за навигација, обезбедувајќи правилно функционирање на многуте технолошки системи коишто зависат од магнетното поле на Земјата.

Моделот се ажурира на секои неколку години, што беше неопходно последниве десетлетија, бидејќи се чини дека магнетните полови на Земјата се поместуваат. Американската Национална воздухопловно-вселенска администрација - НАСА предупредува и дека целосно враќање на магнетните полови може да предизвика бројни проблеми ширум светот.

Јужниот магнетен пол, се наведува, е релативно неподвижен, но спротивниот се движи. И покрај тоа дека тенденцијата е да се поместува, во просек околу 10 километри годишно, последниве години се движи многу побрзо - околу 55 километри годишно - во подрачјето меѓу северна Канада и Сибир, јави „Српската радиотелевизија - РТС“.

Од 1830-тите, северниот магнетен пол се придвижил 2.250 километри ширум северната хемисфера. Она што ги загрижува научниците е дека меѓу 1990. и 2005 година, брзината на движење се зголемила на 50 до 60 километри годишно.

Поради тоа побрзо движење, научниците велат дека навигациските системи, како на пр. ГПС, треба почесто да се ажурираат. Поместувањето е проблем за паметните телефони и сличните уреди, авионите и бродовите, бидејќи сите тие зависат од навигациските системи коишто мора да бидат усогласени со локацијата на магнетните столбови.

Иако промената може да предизвика проблем во ГПС-системите на кус рок, многу поголема е загриженоста за она што се чини како идно, претстојно поместување на магнетниот пол.

Природата, исто така, би била погодена, бидејќи многу животни, како што се птиците, пчелите, китовите, лососот, желките, зависат од магнетното поле за сопствената ориентација. Нарушувањето на местоположбата на Северниот и Јужниот магнетен пол може да насочи јато, рој или стадо на погрешна страна за време на нивните преселби. Сепак, НАСА и други научни средишта истакнуваат дека засега нема причина за загриженост. Имено, се тврди оти е погрешна претпоставката дека ова движење на магнетните полови одеднаш би ја оставило Земјата без магнетното поле, коешто, инаку, ја штити од сончевите бранови.

„Иако магнетното поле на Земјата навистина може да ослабне и зајакне со текот на времето, нема показатели дека некогаш би исчезнало. Послабо поле сигурно води до мало зголемување на сончевото зрачење, но тоа не би било смртоносно. Дури и со ослабено магнетно поле, и густата атмосфера на Земјата нѐ штити од честичките што доаѓаат од Сонцето“, соопшти НАСА.

Промената на магнетните полови не е тоа што би предизвикало катаклизмични проблеми на Земјата, но исто така, не се очекува да се случи нешто драстично наскоро во тој поглед, според научниците. Тоа, велат, би можело да потрае и повеќе од 1.000 години.

Свет

Властите во Газа: Во израелски напад се убиени петмина новинари

Властите во Газа соопштија дека во израелски воздушен напад загинале пет палестински новинари пред болница, но израелската војска соопшти дека нападнала возило со милитанти на Исламски џихад.

Лекарите рекоа дека најмалку 21 лице загинало во израелските воздушни напади врз палестинската енклава додека Хамас и Израел меѓусебно се обвинуваат за одложување на постигнувањето договор за прекин на огнот.

Синдикатот на палестинските новинари објави дека пет новинари на каналот Ал-Кудс Тудеј биле убиени во напад пред болницата Ал-Авда во бегалскиот камп Ал-Нусеират во центарот на Газа.

Од почетокот на војната во октомври 2023 година, убиени се повеќе од 190 палестински новинари. Израелската армија објави дека „извршила прецизен напад врз возило со терористичка група Исламски џихад во областа Нусејрат“.

Израел редовно ги негираше нападите врз новинарите и тврди дека презема чекори за да избегне напади врз цивили.

Групата Исламски џихад, поддржана од Иран и сојузник на Хамас, се приклучи на борбата против Израел во октомври 2023 година.

На видеото од местото на нападот се гледаат остатоци од бело комбе со, како што изгледа, остатоците од зборот ПРЕСС на задната врата.

На погребот на петтемина новинари присуствуваа десетици роднини и колеги новинари. На нивните тела бил ставен панцир со натпис PRESS.

„Израелската армија го оправдува овој напад со тврдењето дека е насочен кон поединци вклучени во палестински организации и групи. Сепак, овие лица биле на задачи, во возила за новинари и известувале за настани“, рече дописникот на каналот Ал-Араби, Абед Мекдад за време на погребот.

Лекарите во енклавата соопштија дека уште осум лица се убиени, а 20 се ранети во израелски воздушен напад врз куќа во населбата Зејтун во Газа. Тие додадоа дека бројот на жртвите може да се зголеми бидејќи многу луѓе се заробени под урнатините.

Хамас и Израел меѓусебно се обвинуваат за неуспехот да се постигне договор за прекин на огнот и покрај напредокот што го пријавија двете страни.

Хамас рече дека Израел поставил нови услови, додека израелскиот премиер Бенјамин Нетанјаху ја обвини групата дека се откажува од веќе постигнатите договори.

Свет

Перу прогласи еколошка катастрофа по излевање на нафта во океанот (ВИДЕО)

Владата на Перу денеска прогласи еколошка катастрофа во крајбрежната област на северот на земјата, каде што минатиот викенд пратката сурова нафта од државната нафтена компанија се излеа во Тихиот Океан.

Брод кој маневрирал пред да испушти нафта предизвика излевање во саботата на терминалот на перуанската рафинерија Талара во северниот дел на Перу.

Петроперу не откриваат колку сурова нафта се излеала во океанот, но перуанската еколошка организација ОЕФА во првичниот извештај рече дека околу 10.000 квадратни метри вода се контаминирани, а Министерството за животна средина соопшти дека се погодени најмалку седум плажи и локална фауна.

Локалните власти соопштија дека нафтата се излеала врз крајбрежни растенија и загрозени животни како што се раковите. Рибарите, пак, се пожалија дека не можат да работат поради инцидентот.

„Не можеме да одиме на риболов веќе шест дена“, изјави рибарот Мартин Пасос за локалното радио РПП. „Она што се случи во Лобитос е хаос“.

Живот

Отишол на работа, се вратил побогат за 30.000 долари: Се шокирав, цело време проверував

Неименуваниот жител на Либертитаун, во американската сојузна држава Мериленд, неодамна отишол на работа, а на пат застанал во продавницата „7-Eleven“.

Нашол ситни пари во џебот и решил да ги потроши на грепки. Избрал Diamond Bingo и по неколку моменти бил побогат за 30.000 долари.

„Дефинитивно бев шокиран. За малку ќе испаднав од возилото. Нон-стоп ја проверував грепката, дури и кога стигнав на работа“, објасни тој.

Кога се вратил дома, лозот и го покажал на баба му, која како 18-годишник го „заразила“ со коцкање, пренесува UPI.com.

„Таа веднаш заплака“, откри тој.