Јавен допис до Владата на РМ и Министерство за здравство, во кое изразуваме особено незадоволство од Буџетот за 2025 година за инсулунска терапија, во година кога следи нов тендер за набавка на инсулинска терапија, планирани се исти средства 860 мил. денари, кои се истите од 2022 година за набавка 2023 и 2024 година!

Се надеваме дека ова наше барање и предупредување ќе најде можност да допре до јавноста.

Сојузот на Здруженија на лица со дијабетес на Македонија (СЗДСМ), во името на 23 локални организации на лица со дијабетес и во името на над 130.000 лица со дијабетес во државата, ИЗРАЗУВА ОГРОМНО НЕЗАДОВОЛСТВО од усвоениот Буџет на РМ во делот за програмата за инсулинска терапија. Имено сумата од 860 милиони денари е оставена истата како и претходната година, а во 2025 очекуваме распишување на нов тендер за набавка на инсулинска терапија за периодот 2025-2027, а имавме и ветувања и од Mинистерот за здравство д-р Таравари, за зголемување на опфатот на бројот на лица со дијабетес со модерни помагала (CGM сензори и инсулински пумпи) кои се соочуваат со сериозни здравствени компликации од оваа хронична болест.

Со ваков буџет нема да можат да се покријат и досегашните потреби од инсулин и терапија за лицата со дијабетес, да не зборуваме за помагала кои веќе се достапни во земјите околу нас (Босна и Херцеговина, Косово и Србија). Согласно искуството од претходните години буџетот се зголемувал од година во година, а сега е оставен ист како од претходната година, во година кога знаеме дека ќе требаат поголеми средства. Како Сојуз семе загрижени дека, поради недостаток на буџет, ќе се намали квалитетот на инсулин и терапија за лицата со дијабетес, што ќе предизвика трагични последици по здравјето и животот на 8% од населението (а претпоставките од лекарскиот кадар се дека има не-дијагностицирани уште минимум 2-3%). Трендот на појава на дијабетесот во нашата држава е нагорен, а за жал не гледаме дека Владата има соодветен одговор за да оваа популација да има најсовремена терапија и помагала за живот.

Како најголема пациентска организација во Македонија во изминатиот период ги следевме и објавуваме реакција на наши членови за периодични недостатоци на инсулинска и анти-дијабетна терапија. Од нашите локални здруженија се добиени очекувања дека ќе биде зголемен бројот на пациенти кои се поставени или ќе бидат поставени на терапија со најновата генерација на инсулини и на анти –дијабетна терапија и дека конечно ќе може да добиеме, CGM за сите со Тип 1 дијабтес (тоа се околу 3.500 лица во МК) и модерни глукомери и ленти од најновата генерација (кои во согласнотс со ISO стандардите, и тие на ЕМА и ADA) кои се со подобар квалитет.

Апелирме до сите инволвирани страни при проекцијата на новиот тендер да ги следат нашите потреби и очекувања и да го запазиме континуитетот во подоврувањето на третманот на нашите пациенти. Ние како СЗСДМ сме сериозен и посветен партнер во грижата за пациентите со дијабетес и поради тоа бараме и очекуваме да бидеме активно вклучени во сите чекори при дефинирањето на новиот тендер. Бараме наш претсавник/ци да биде дел на средбите и работата на Националната комисија за дијабтес. Само со ваква соработка ќе покажеме дека декларативната поддршка на сите наши партнери и владини институции ќе биде демонстрирана во реалност.

Во спротивно, Сојузот, локалните здруженија, ќе ги организира сите над 130.000 лица со дијабетес и членовите на нивните семејства, во активно покажување на нашиот револт пред здравствените и владините институции во Македонија.

Дополнително, ќе ги известиме сите меѓународни здравствени институции на Европско и светско ниво за третманот на лицата со дијабетес во МК, како и за не обезбедувањето предуслови за задржување и зголемување на потребниот квалитет на терапија и помагала за лицата со дијабетес во нашата држава.

Ви се нудиме на располагање со сите свои ресурси (и логистички и човечки), во зедничко решавање и надминување оваа состојба и проблеми на лицата со дијабетес во Република Македонија.

Сојуз на здруженија на дијабетичари на Македонија

Израелскиот министер за надворешни работи Гидеон Саар тврди дека новата администрација во Сирија „го измамила Западот“ по соборувањето на режимот на партијата Баас.

Во изјава за весникот „Џерусалем пост“, Саар даде своја оценка за новата администрација во Сирија.

Обвинувајќи ја администрацијата предводена од Ахмед ал-Шар како „екстремистичка“, Саар рече дека се сомневаат во новата администрација и дека „има причини“.

„Знаеме дека Западот е измамен“, нагласи Саар, истакнувајќи дека многу владини претставници заминале во Дамаск за да се сретнат со сириската администрација.

Одговарајќи на прашањето дали други земји му предложиле на Израел да воспостави односи со Дамаск, Саар рече „постојат тие кои сакаат тоа да се случи“.

Од денеска започнува со работа новата подрачна канцеларија на Агенцијата за катастар на недвижности, лоцирана во скопската населба Гази Баба, која првенствено е наменета за граѓаните на Гази Баба, но и за околните општини Чаир и Бутел.

Подрачната канцеларија, како што соопшти Агенцијата за катастар на недвижности, се отвора по цели 12 години и во неа граѓаните ќе можат поблиску, побрзо и полесно да ги добијат услугите на Агенцијата од сите организациски единици.

Станува збор за целосно нов, опремен и реновиран простор, лоциран во скопската населба Автокоманда (улица „Трифун Хаџи Јанев“ бр. 10), веднаш до дирекцијата на Агенцијата за катастар на недвижности.

-Отворањето на новата подрачна канцеларија е чекор напред во процесот на доближување на услугите до граѓаните, преку кои тие ќе бидат подостапни за секого. Оваа новина е во насока на доближување на услугите на агенцијата до граѓаните на една од најголемите и економски развиени општини во државата. И, не само Гази Баба, туку и Чаир и Бутел. Посебно задоволство ми е што на крајот на годината реализираме еден важен проект на кој заедно со мојот тим макотрпно работевме во изминатиот период, истакна директорот на Агенцијата за катастар на недвижности, Иван Живковски.

Тој додаде дека и во следната година ќе продолжи фокусот на подобрување на корисничкото искуство, доближување на услугите до граѓаните, како и нивна модернизација и дигитализација, процеси кои веќе започнаа оваа година.

Живковски информираше дека подрачната канцеларија во населбата Автокоманда ќе биде отворена за граѓаните секој работен ден во периодот од 07:30-15:30 часот.