Од ЈП „Лајка“ објавија видео од кучето, кое веќе изгледа подобро и ги надминува тешките повреди кои ги доби од насилникот, откако за него се погрижија ветеринарните лекари

Немилиот настан се случи пред два дена, а на социјалните мрежи беше објавено видео на кое се гледа, како едно лице зема метална шипка, му ја дава на друг маж кој безмилосно започнува да го тепа кучето по главата.

Директорката на ЈП „Лајка“, Радмила Пешева за Канал 5 кажа дека Феликс полека застанува на цврсти нозе, иако било донесено во страшна состојба пред умирање.

Пешева информираше дека случајот бил пријавен во МВР, и се надева дека службите ќе постапат соодветно кон насилникот, за кого од „Лајка“ најавија и приватна тужба.

Инаку, во полициските билтени се зачестени случаите на малтретирање на животни, а судската пракса не бележи затворска казна за насилници кои тепаат, најчесто кучиња.

Според Кривичниот законик во земјава, тој што ќе злоупотребува животно и ќе му нанесе непотребни болки, ќе се соочи со парична или со затворска казна од шест месеци.

Градоначалникот Горан Герасимовски вели дека веќе се изготвени и доставени предлози за измени на Законите за семејство, основно и средно образование со кои доколку некое дете направи штета на јавните добра ќе врши општествено корисна работа како метење улици, фарбање на огради.. Покрај ова од општината на темата вандализам се држат и обуки и работилници на наставниот кадар и учениците.

-Почнавме одредени програми за држење на обуки и на наставниот кадар, ќе продолжиме со учениците за да се подигне свеста. Отпочнавме одредени предлог законски измени со цел да се вметнат поригорозни мерки за прекршување односно оштетување на јавното добро.. Законски измени не само во делот на зголемување на казните за оштетување на урбана опрема, туку општествено одговорна работа каде што би се вклучиле и децата и родителите за да ја подигнеме свеста на што повисоко ниво, - Горан Герасимовски – градоначалник на општина Центар.

Иако општествено корисната работа е добра воспитна мерка, во пракса таа ретко наоѓа примена, а за нејзино користење во вакви случаи неопходни се законски измени - објаснува адвокатот Јанаки Митровски. Она што во моментов постои како санција на малолетни лица при уништување на урбанистичка опрема е посебна одредба од Законот за прекршоци на јавен ред и мир, со која родителот на малолетното лице кој го извршил прекршокот, одговара поради запуштеност. Сепак, Митровски вели дека и ова ретко се случува во пракса, па смета дека е потребно да се генерираат повеќе вакви постапки.

-Општествено корисна работа е алтернативна мерка која што се дава наместо казна затвор и е предвидена со Кривичен законик од тие причини не може да се изрекува за прекршоците за јавен ред и мир, меѓутоа треба да се размислува во правец да се направат законски измени на тој закон и како санкција покрај глоба да биде и општо корисна работа која воглавно се прави во слободни, денови празници, викенди,- Јанаки Митровски – адвокат.

Градоначалникот на општина центар Горан Герасимовски на брифинг со новинарите покрај справувањето со вандализмот кај младите, кажа дека приоритетни проекти на општината во периодот кој следи се и изградба на нова општинска зграда, поставување на смарт улично осветлување, изградба на подземни паркинзи, реконстукција на спортски сали, училишта и градинки..

Утрена, со света божествена литургија, отслужи отец Алексо Темелко, по што во трпезаријата на црквата имаше богата трпеза за сите верници, а потоа и музичка програма со македонски песни и ора.

- Ја продолжуваме традицијата на одбележување на овој голем празник, посветен на Свети Архангел Михаил – водач на небесните сили, чувар на сите болни и заштитник на Македонците во Пустец. Запаливме свеќа и се помоливме за здравје и напредок. Посакувам сите да бидеме блгословени и од големиот Архангел Михаил заштитени, рече за МИА, Едмонд Темелко претседател на друштвото „Преспа“ и поранешен градоначалник на Пустец.

Според Темелко, кој, кога тој беше градоначалник почна обновата на црквата, е еден од најубавите божји храмови во Албанија и се наоѓа во центарот на Пустец, на плоштадот кој гордо го носи името „Гоце Делчев“. Обновен е на темелите на старата црква, која била урната за време на комунистичкиот период.

Празникот на своите сограѓани, преку објава на Фејсбук им го честиташе и актуелниот градоначалник на општина Пустец, Пали Колефски, како и лидерот на органокот на Партијата на слободата за Мала Преспа, Панди Јани.