Македонија

Иницијативата на ВМРО-ДПМНЕ за хаосот со пасошите не помина на уставен

Уставните судии ја отфрлија иницијативата на ВМРО ДПМНЕ за хаосот со пасошите и личните документи на граѓаните која ја поднесе во јануари годинава кога беше во опозиција. 

Партијата сметаше дека дел од граѓаните биле дискриминирани затоа што биле обврзани на свој двоен трошок повторно да извадат патна исправа, но и дека им било ограничено правото да ја напуштат земјава поради метежот при аплицирање и подигање на документите. Судијата известител Јадранка Дабовиќ – Анастасовска предложи да не се поведува постапка бидејќи оспорениот член 3 од Законот за патни исправи е во согласност со Преспанскиот договор, а неговата примена и сите несакани ситуцаии требало да ги решава Владата.

-Околу тоа дека граѓаните чии патни исправи важеа подолг временски период а се почувствувале нееднакви со оние кај кои се поклопило времето на истекување на важноста, се работи за практична примена на одредбата и Владата требало да одлучи дали тие граѓани требало да плаќаат или не,- -Јадранка Дабовиќ – Анастасовска – Судија во Уставен суд.

Дебата по предлогот да се отфрли иницијативата немаше. Уставните судии со мнозинство гласови ја донесоа одлуката.

-Временскиот период во кој граѓаните можеле да ги заменат своите постојни патни исправи за да имаат валидни исправи е периодот од 1 јули 2021 година кога е издадена првата патна исправа со новото име на државата до 12 февруари 2024 година, што значи дека граѓаните имале две години и седум месеци за менување на своите патни исправи. Уставниот суд не може да цени дали граѓаните биле доволно информирани и во какви услови се одвивал тој процес, стои во образложението на Уставен.

Најголемите метежи пред пунктовите за фотографирање беа на почетокот на годинава и во периодот до 12 февруари до кога важеа документите со старото имена државата. Од Владата неодамна информираа дека застојот е надминат и пасошите и личните документи сега се вадат во законскиот рок од 15 дена.

Забава

Актерка го шокира светот кога се омажи за својот полубрат, сега роди ќерка (ФОТО)

Австралиската актерка Скарлет Вас, која е најпозната по улогата во серијата „Соседи“, минатата година ги запрепасти сите кога се омажи за својот полубрат Тај Ричи, а денес тие двајца добија ќерка, но не открија кое име ѝ го дадоа.

Сепак, Скарлет моментално е попозната како високоплатен модел на OnlyFans, а не пропушта прилика секогаш да потенцира дека е меѓу најплатените жени на оваа страница.

Штом нивното прво дете се родило на католички Божиќ, двајцата веднаш објавиле слики од болницата. Скарлет зрачи од среќа додека Тајо ги гушка неа и ќерката.

За чудо, гордите родители не го открија името на бебето, а Ричи на Инстаграм напиша:

- Нашето божиќно чудо конечно пристигна, среќен Божиќ од нашето семејство.

Инаку, Скарлет и Тајо се познаваат уште од тинејџерските години во Мелбурн и станаа семејство кога нивните родители започнаа врска.

Во септември ја објавија веста за бременоста, а потоа објавија видео во кое ја снимиле нивната реакција на позитивен тест за бременост. Иако во серијата „Соседи“ една сезона ја глумеше полицајката Мисти Шарма, тоа беше отскочна штица за Скарлет, која забележува дека заработува повеќе од 200.000 долари месечно на сајтот за возрасни, пренесува Дејли Мејл.

Свет

Сѐ помали се надежите дека ќе бидат пронајдени Лука и Кристијан, изгубени на планина во Италија

Италијанските медиуми денеска објавија дека има сѐ помалку надеж дека ќе бидат спасени двајцата италијански планинари кои од 22 декември се заробени на планината Гран Сасо.

Кристијан Гвалди и Лука Перачини доживеале несреќа додека планинареле кога се лизнале и паднале во бездна, а се претпоставува дека еден од нив е повреден.

Напорите на спасувачките екипи да стигнат до нив, како и претходните денови, се отежнати поради лошите временски услови и опасноста од лавина, а само хеликоптер можеше да се обиде да ги пронајде доколку се подобри времето, објави АНСА.

Како што се наведува, најголемиот ризик со кој се соочуваат планинарите е хипотермијата и дека потрагата ќе продолжи штом се подобрат временските услови.

Кристијан Гвалди и Лука Перачини се од регионот Емилија Ромања. Се вели дека тие се заглавени во клисурата на Вале дел Пеколно, под масивот Гран Сасо, откако се лизнале додека се обидувале да стигнат до врвот Корно Гранде, кој е на 2.914 метри. Инаку, планината Гран Сасо се наоѓа на околу 150 километри источно од Рим, во регионот Абруцо, во близина на градот Аквила.

Моменталната температура во регионот е минус 10, а дува ветер со неверојатна сила од дури 140 километри на час. Иако техничарите успеале да го решат проблемот кој ја блокирал жичарницата, временските услови не дозволиле да се спуштат.

Шоу биз

Натали Портман го дочека Божиќ на Карибите, снимена е во бикини (ФОТО)

Холивудската актерка Натали Портман (43) реши да го помине Божиќ во летно издание.

Фотографите ја снимиле како доаѓа со нејзината ќерка Амалија (7) на плажата во Сент Бартс, популарно одморалиште на Карибите.

Актерката дошла на плажа во црна маица, тексас здолниште и очила за сонце. Таа за кратко време влезе во морето облечена во црно бикини во кое ја покажа својата витка линија.

Ова беше прв одмор за актерката по разводот, кој беше финализиран во март годинава. Минатото лето таа објави дека се разведува од францускиот танчер Бенџамин Милепид, со кого беше во брак 12 години. Двојката се запознала во 2009 година на сетот на филмот Црн лебед, во кој Натали ја играше балерината Нина, а Бенџамин беше еден од танчерите.

Покрај ќерката Амали, парот заедно го доби и синот Алеф (13). Извесен период живееле во неговата родна Франција, каде во октомври оваа година Милепид бил снимен како се бакнува со непозната жена. Извор близок до актерката тогаш изјави за Us Weekly дека Натали не била изненадена.

„Таа мислеше дека тој брзо ќе продолжи понатаму“, рекол еден извор. Друг тврдеше дека актерката не се замара за потенцијалните врски на нејзиниот поранешен сопруг: „Таа е многу среќна со својот живот и има приоритет со семејството и пријателите“.

притисни ентер