Зошто Ашер носеше ракавици на настапот на Супербоул, фановите со неколку теории (ФОТО)

Ашер настапи на полувремето од Суперболот, а фановите забележаа интересен детал кој предизвика дебата на интернет.

Иако за време на настапот се пресоблече неколку пати, а во еден момент ја соблече и кошулата, Ашер цело време носеше ракавици.

Има различни теории зошто ги носел, а неговите обожаватели веруваат дека има посебна причина за тоа. Имено, во пресрет на својот настап на Супер Боул, Ашер им откри на фановите што можат да очекуваат од неговиот настап.

„Размислувам што преттавуваше нашата земја за црните уметници. Тие во некој момент морале да поминат низ кујните за да може воопшто да настапат пред публика, но мораа да се вратат низ истата таа врата и да одат во друга земја за да го направат истото“, рече тој.

Поради таа изјава, фановите се убедени дека Ашер ги носеше ракавиците како почит кон Мајкл Џексон. Пејачот за време на настапот смени неколку пара ракавици, а една од нив беше бела и светкава ракавица, слична на онаа што ја носеше Мајкл Џексон.

Покојната поп ѕвезда често излегуваше на сцената носејќи само една бела ракавица, а фановите пишуваа дека Ашер со тоа му оддаде почит на Џексон. Некои дури напишаа како забележале дека Ашер имал слични танцови движења со Џексон за време на неговиот настап.

Инаку, Џексон имаше настап на полувремето на Суперболот во 1993 година и на тој начин ги постави стандардите за оние кои дојдоа по него. Тој настап беше прогласен за еден од најдобрите во историјата на НФЛ.

Саливан: САД, Израел, Египет и Катар се договорија за „контурите“ на договорот за заложници

САД, Израел, Египет и Катар се договорија за „основните контури“ на договорот за заложниците.

Соединетите Американски Држави, Израел, Египет и Катар постигнаа договор за „основните контури“ на договорот за заложниците и привремен прекин на огнот во Појасот Газа, изјави денеска за Си-Ен-Ен советникот за национална безбедност на Белата куќа, Џејк Саливан.

„За договорот сè уште се преговара“, рече Саливан, додавајќи дека се планирани индиректни разговори со палестинското исламистичко движење Хамас, а како посредници ќе бидат Катар и Египет.

Во меѓувреме, израелскиот премиер Бенјамин Нетанјаху рече дека се уште е нејасно дали тековните разговори ќе доведат до договор.

Во интервју за Си-Би-Ес Њуз, Нетанјаху рече дека подоцна денеска ќе се сретне со неговиот тим за да разговара за воениот план за евакуација на палестинските цивили во Газа и операцијата за уништување на преостанатите формации на Хамас.

„Ако имаме договор, тој ќе биде малку одложен, но тоа ќе се случи. Ако не се постигне договор, сепак ќе го направиме“, рече израелскиот лидер. /МИА

Во Шпанија уапсен еден од најбараните криминалци од марсејскиот клан

Французин за кој се верува дека е „главниот член на марсејскиот клан“, вклучен во шверц на дрога, е уапсен денеска во Шпанија, соопшти шпанската полиција, која го опиша како „еден од најбараните бегалци во Франција“.

„Криминалецот, против кого е распишана европска потерница, е уапсен во бар на брегот јужно од Барселона, а идентификуван е како Жан-Ентони Блас, роден 1990 година“, се вели во соопштението на шпанската полиција.

Уапсениот е осуден на 10 години затвор во Франција за трговија со дрога, недозволено поседување оружје, дела против јавниот ред и безбедност и припадност во организирана криминална банда.

Тој избега за време на полициска операција против него во март 2023 година во Франција. За време на бегството користел четири различни идентитети.

Марсејскиот клан наводно шверцува канабис во Шпанија и поседува голем арсенал на воено оружје, се вели во соопштението на шпанската полиција. /МИА

Реакција на СДСМ на изјавата на Христијан Мицкоски за енергетиката

Добро е да се дебатира на евтина тарифа, во недела, но енергетиката е поле каде што Христијан Мицкоски и ДПМНЕ се убедливо најслаби и со најлоши резултати.

Во времето на ДПМНЕ струјата беше поскапена за 100%, иако немаше глобална енергетска криза.

Дополнително дневната евтина тарифа на струјата за граѓаните беше укината.

Тоа е времето кога Мицкоски беше советник на Груевски за енергетика а потоа и директор на ЕСМ.

Кога наместо во енергетски капацитети се планираа градби на „рајски градини“ и паркови со мајмуни вредни 14 милиони евра.

Колку е големо непознавањето на енергетиката од страна на Мицкоски говорат сите негови промашени прогнози дека струјата ќе поскапи за 40%.

СДСМ не само што не дозволи да поскапи струјата туку со успешни енергетски политики во време на глобална криза го заштити стандардот на граѓаните и го одржа енергетскиот сектор.

Над 600 илјади домаќинства добиваат субвенционирана цена на струјата и до 90%.

СДСМ го зголеми домашното производство на струја за 45%, за прв пат после 12 години беше активирана ТЦ Неготино а со тоа увозот на струја е драстично намален.

Тоа е време на СДСМ кога ДПМНЕ спроведуваше активна блокада на Собранието и кога се постигнаа најдобрите резултати во енергетиката во нашата земја.

Во изминатите две години имаме најголемо инвестирање и најмногу обновливи извори на енергија кои што произведуваат електрична енергија.

До 2016 година во време на владата на ДПМНЕ имало само 16 мегавати инсталирани обновливи извори на енергија.

Само во изминатите две години во мандатот на СДСМ се исталирани 600 мегавати обновливи извори на енергија, кои може да снабдуваат околу 170 илјади домаќинства со струја.

Над 270 километри гасовод изгради СДСМ а ДПМНЕ само 35 километри.

270 километри гасовод е многу значајно за гасификацијата која е при крај, цела делница Куманово па преку Неготино и Битола долга 188 километри, делницата Скопје-Тетово-Гостивар од 76 километри, кракот кон Тетово.

Единствено она што беше впечатливо на денешниот настан на ДПМНЕ е што сите ангажирани експерти беа истите кои ги промашија сите прогнози кога јавно велеа дека струјата ќе поскапи а тоа никогаш не се случи.

Центар за комуникации со јавноста на СДСМ

притисни ентер