Тенис

Енди Мареј го освои првиот трофеј откако се пензионира, но не победи во тенис (ФОТО)

Енди Мареј го освои својот прв спортски турнир откако пред два месеци реши да стави крај на тениската кариера.

Овој пат наместо трофеј од тенискиот терен, Мареј славеше за голфот. Трикратниот Грен слем шампион триумфираше на првиот ден на голфот Мајк Диксон, настан организиран од Британското здружение на тениски новинари (BTJA). Овој турнир се одржа на теренот за голф Ханбери Манор во Херефордшир и собра бројни познати личности и спортски ѕвезди, за да му оддадат почит на Мајк Диксон, легендарниот тениски новинар на Дејли Меил кој почина во јануари оваа година на 59-годишна возраст.

Диксон, познат по прекарот „Дико“, беше сакан член на редакцијата и еден од најпознатите тениски дописници, работејќи за Дејли Меил повеќе од три децении. Неговата смрт се случи само неколку недели пред неговиот 60-ти роденден додека го покриваше Австралија опен, турнир што тој особено го сакаше.

BTJA објави на социјалната мрежа X дека Мареј триумфирал, на големо задоволство на фановите на Шкотланѓанецот по неговото префрлување на голф. Во пораката им се заблагодарија на сите кои учествуваа и истакнаа дека Мареј го освоил својот прв трофеј во голфската кариера, истакнувајќи дека очекуваат да ги има уште многу.

Мареј, кој моментално има хендикеп 7, истакна дека целта му е да стигне до „нула“ (нула хендикеп) во следните неколку години. Попатно, на Мареј му помага 16-от светски голфер Боб Мекинтајр, неговиот сонародник, кој му одржува редовни лекции и го забрзува неговиот напредок.

Минатиот месец Мареј играше на турнирот Pro-Am на BMW PGA шампионатот во Вентворт, каде што го привлече вниманието на Мекинтајр, кој ја пофали неговата игра. "За некој кој нема големо искуство, играше одлично. Бев навистина импресиониран од неговата игра. Мислам дека наскоро ќе дојде до нула хендикеп", изјави Мекинтајр.

За Мареј ова е нов предизвик во кој ужива. „Чувството на нервоза е поинакво, бидејќи се чувствувам безбедно на тенискиот терен. Никогаш не мислев дека можам да заборавам како да играм тенис“, рече тој на турнирот во Вентворт.

Енди Мареј ја заврши тениската кариера во август оваа година, откако загуби во двојки на Олимписките игри, каде што играше со сонародникот Ден Еванс.

Неговата биографија на социјалната мрежа Х сега ја отсликува промената во спортот: порано пишуваше „Играм тенис“, но сега пишува „Играв тенис. Сега играм голф“.

Македонија

Привршува уредувањето на просторот околу Спомен-костурницата од НОВ кај Велес

Градежните активности за партерно уредување на Спомен-костурницата од Народноослободителната војна кај Велес се во финална фаза, информирмира градоначалникот на Велес Марко Колев.

Средствата се обезбедени од општинскиот буџет.

-Со завршувањето на овој проект велешани и сите посетители ќе имаат уште едно модерно уредено катче за одмор и релаксација. Просторот околу Спомен-костурницата го добива својот нов лик, потенцира градоначалникот Колев.

Спомен-костурницата од НОВ е место каде почиваат стотина загинати борци во текот на НОВ од Велес и Велешко, меѓу нив и поетот и револуционер Коста Солев Рацин. Таа е репрезент на градот и култно место за граѓаните на Велес, најпосетувано место од домашни и странски туристи. Место каде се прават многу културни манифестации, меѓу кои и Рациновите средби и се снимаат музички спотови и се прават перформанси.

Неговата околина е и омилено место за одмор и рекреација на жителите од овој дел на Велес и сите велешани, посебно во долгите топли денови.

Регион

Србија: Горан Весиќ во притвор започна штрајк со глад

Српскиот министер во заминување Горан Весиќ, кој од вчера е во притвор, почна штрајк со глад, пренесува српскиот весник „Политика“.

Вишото обвинителство во Нови Сад вчера нареди апсење на 13 лица поради трагедијата на Главната железничка станица на 1 ноември во тој град, а меѓу уапсените се и досегашниот министер за градежништво и инфраструктура Горан Весиќ, в.д директор на „Српска Железничка инфраструктура“ Јелена Танасковиќ и Анита Димоски, в. д. помошник министер за железница и интермодален транспорт.

По веста дека е уапсен, се огласи и самиот Весиќ кој рече дека доброволно одговорил на повикот на полицијата.

„Не сум уапсен, доброволно се одзвав на повикот на полицајците со кои дојдов во Нови Сад и се ставив на располагање на истражните органи за целосно да се истражат сите околности кои довеле до несреќата во Нови Сад. Секогаш, како и досега, ќе бидам на располагање на надлежните органи и ќе докажам дека не сносам никаква кривична одговорност за овие трагични настани. Адвокатската канцеларија што ме застапува во овој случај ќе комуницира со јавноста и медиумите за понатамошниот развој на настанот“, рече Весиќ.

Македонија

Таравари: Проблемот со недостигот на специјалисти во одредени болници е наследен

Откако ДСЗИ ја казни детската клиника и директорот реџеп мемеди со 5.200 евра.

Поради недоследности во делот на дежурање на специјализанти без специјалист и несоодветно пополнет лекарски извештај. Министерот за здравство Таравари објасни дека проблемот со недостиг на специјалисти во одредени области е стар, а за неправилно водење на медицинска документација треба да има казна за докторот кој не постапил правилно.

притисни ентер