Македонија

Во Собранието ќе заседаваат две комисии

Во Собранието денеска ќе заседаваат две комисии - Комисијата за култура и туризам и Законодавно- правната комисија.

Членовите на Комисијата за култура и туризам ќе расправаат по Предлог на законот за изменување на Законот за заштита на културното наследство, Предлогот на законот за изменување на Законот за употребата на македонскиот јазик, Предлог на законот за изменување на Законот за музеите, Предлог на законот за изменување на Законот за издавачката дејност, Предлог на законот за изменување на Законот за филмската дејност, Предлог на законот за изменување и дополнување на Законот за аудиовизуелните добра, Предлог на законот за изменување и дополнување на Законот за прогласување на Старата скопска чаршија за културно наследство од особено значење, Предлог на законот за изменување на Законот за прогласување на Старото градско јадро на Охрид за културно наследство од особено значење, Предлог на законот за изменување на Законот за прогласување на споменичката целина Kрушево за културно наследство од особено значење, Предлог на законот за изменување на Законот за прогласување на старото градско јадро на Кратово за културно наследство од особено значење, Предлог на законот за изменување на Законот за прогласување на Старото градско јадро на Битола за културно наследство од особено значење и Предлог на законот за изменување на Законот за основање на агенција за промоција и поддршка на туризмот во Република Македонија, сите во второ читање.

На дневен ред на Законодавно-правната комисија се 50 точки - Предлог на законот за изменување и дополнување на Законот за Централен регистар на население, Предлог на законот за изменување на Законот за финансиска дисциплина, Предлог на законот за изменување на Законот за административните такси, Предлог на законот за изменување на Законот за даночна постапка, Предлог на законот за изменување на Законот за заштита на потрошувачите при договори за потрошувачки кредити, Предлог на законот за изменување на Законот за супервизија на осигурување, Предлог на законот за изменување на Законот за придонеси од задолжително социјално осигурување, Предлог на законот за изменување на Законот за државната ревизија, Предлог на законот за изменување на Законот за хартии од вредност, Предлог на законот за изменување на Законот за Управата за јавни приходи, Предлог на законот за изменување на Царинскиот закон, Предлог на законот за изменување на Законот за задолжување на Република Македонија со заем кај Меѓународната банка за обнова и развој – Светска банка по Договорот за заем за финансирање на Проектот за администрирање на социјалното осигурување, Предлог на законот за изменување на Законот за задолжување на Република Македонија со заем кај Меѓународната банка за обнова и развој – Светска банка по Договорот за заем за финансирање на Проектот за енергетска ефикасност во јавниот сектор, Предлог на законот за изменување на Законот за задолжување на Република Македонија со заем кај Меѓународната банка за обнова и развој - Светска банка по Договорот за заем за финансирање на Проектот за унапредување на социјалните услуги, сите во второ читање.

Свет

Кина гради три пати поголема хидроцентрала од онаа која ја забави ротацијата на Земјата

Кина ја одобри изградбата на најголемата хидроцентрала во светот, започнувајќи амбициозен проект на источниот раб на Тибетската висорамнина, кој може да влијае на милиони луѓе во Индија и Бангладеш.

Според проценката на Power Construction Corp of China за 2020 година, браната, која ќе се наоѓа во долниот тек на реката Јарлунг Зангбо, може да произведува 300 милијарди киловат часови електрична енергија годишно. Тоа е три пати повеќе од проектираниот капацитет од 88,2 милијарди kWh на најголемата хидроцентрала во светот, Трите клисури, лоцирана во централна Кина. Таа хидроцентрала е толку огромна што ја забавила ротацијата на Земјата за 0,06 микросекунди, пренесе Јутарњи.

Проектот ќе игра клучна улога во исполнувањето на целите на Кина за јаглеродна неутралност, ќе ги зајакне поврзаните индустрии како што е инженерството и ќе создаде работни места во Тибет, објави официјалната новинска агенција Ксинхуа. Дел од реката Јарлунг Зангбо се спушта на драматични 2.000 метри на краток распон од 50 километри, обезбедувајќи огромен хидроенергетски потенцијал, но и уникатни инженерски предизвици.

Трошоците за изградба на браната, вклучувајќи ги и инженерските трошоци, се очекува да бидат повисоки од браната Три клисури вредна 35 милијарди долари. Ова вклучуваше преселување на 1,4 милиони луѓе и беше четири пати повеќе од првичната проценка. Властите не прецизираа колку луѓе ќе треба да бидат раселени поради проектот и како тој ќе влијае на локалниот екосистем, кој е еден од најбогатите и најразновидните на платото.

Според кинеските власти, хидроенергетските проекти во Тибет, за кои тврдат дека имаат повеќе од една третина од хидроелектричниот потенцијал на Кина, нема да имаат големо влијание врз животната средина или снабдувањето со вода.

Сепак, Индија и Бангладеш се загрижени за браната, бидејќи проектот потенцијално ја менува не само локалната екологија, туку и текот на реката. Јарлунг Зангбо станува река Брамапутра кога излегува од Тибет и тече на југ во индиските држави Аруначал Прадеш и Асам, и на крајот во Бангладеш.

Кина веќе започна со изградба на хидроцентрали на горниот тек на реката Јарлунг Зангбо, која тече од запад кон исток во Тибет, и планира повеќе проекти возводно.

Шоу биз

Хрватски актер запроси колешка пред преполната театарска сала: Знаев дека е луд (ВИДЕО)

На премиерата на претставата во Вараждин, актерот и комичар Александар Лазиќ ја изненади својата партнерка Наташа Поповиќ, која му беше колешка во претставата.

Актерот клекнал на едно колено пред полн театар и ја запросил.

Публиката беше воодушевена, а на Наташа ѝ требале неколку моменти да се свести и да ја прифати ненадејната понуда.

- Ова е најубавиот момент. Актерот ја запроси актерката на сцената. Честитки, Алекс и Бара, за големата љубов, за одличното шоу и на сите во публиката за прекрасните реакции - пишува на Фејсбук страницата на Театар Керекеш, која го сподели видеото.

- Знаев дека е луд, но ова не го очекував! Ова е она за што сонува секоја девојка, а јас во моментов го живеам мојот сон. И, реков да – изјавила самата актерка.

Живот

Мистерија на Тајланд:По невреме, нашле црни камења во дворот- лекуваат и даваат енергија(ВИДЕО)

Мистериозните црни камења кои „паднаа од небо“ при невреме во тајландската провинција Паталунгу, целосно го збунија локалното население.

Пронајдени се во дворот на Вичета и Манерат Сирипувадон, а тежат околу 20 килограми. Сопружниците веруваат дека тоа „дошло од вселената“, пренесува New York Post.

„Врнеше многу дожд, а два часа удираа громови, што предизвика пожар. Утрото најдовме паднато дрво и траги од горење на земјата. Имаше и необична јама од која нешто чадеше. Го покрив со земја и си заминав“, изјави Вичета.

Две недели подоцна, повторно ја посетил јамата и ги пронашол мистериозните црни камења. Манерат се исекла додека ги собирала, но крварењето брзо престанало.

Камењата ги чуваат во својата куќа и тврдат дека по еден месец се чувствуваат поздрави, поенергични и ментално поконцентрирани.

Затоа ги повикуваат надлежните да ги истражат „невообичаените предмети“ и да го утврдат нивното потекло.

Инаку, мештаните ги забележале шарите на камењата и ги протолкувале како „среќни бројки“ со кои планираат да играат лотарија. Тие мислат дека тоа ќе им донесе среќа.

притисни ентер