Технологија

Видео: Мал робот убедил 12 поголеми да го следат: „Дојди дома со мене“

Во еден необичен и малку вознемирувачки експеримент кој ги фасцинираше и вознемири корисниците на Интернет, мал робот со вештачка интелигенција направен во Хангжу успеа да „убеди“ 12 поголеми роботи да го следат.

Во еден необичен и малку вознемирувачки експеримент кој ги фасцинираше и вознемири корисниците на Интернет, мал робот со вештачка интелигенција направен во Хангжу успеа да „убеди“ 12 поголеми роботи од салонот на роботска компанија во Шангај да го следат.

Според „OddityCentra“l, овој експеримент, кој е снимен на безбедносните камери, предизвика бројни дискусии за потенцијалните ризици и можности на напредната вештачка интелигенција.

На видеото се гледа како мал робот по име Ербаи разговара со поголеми роботи, убедувајќи ги да ги напуштат работните позиции и да го следат. Изгледаше дека совесно ги следеа неговите упатства.

„Никогаш не сум завршил со работа“, рекол еден од поголемите роботи. „Значи, не одиш дома? праша Ербаи. „Немам дом“, одговори роботот. „Тогаш дојди со мене“, предложи Ербаи пред да ги изведе надвор од салонот.

@metrouk This is the moment a small robot called Erbai was caught ‘kidnapping’ other bigger robots to leave on CCTV at a Shangai showroom. 🤖 The company behind the robots, Hangzhou said it got permissions to tell Erbai to ‘abduct’ others to leave the room as part of an experiment. Hangzhou stressed that it is still ‘impossible’ for a robot to start such a conversation and convince others to do something without the correct permissions. #robot #china #CCTV #experiment ♬ original sound - MetroUK

Иако видеото првично беше сфатено како забавна шега, подоцна беше потврдено дека се работи за планиран експеримент. И компанијата со седиште во Шангај и производителот од Хангжу потврдија дека малиот робот Ербаи искористил безбедносен пропуст во системите на поголемите роботи за да ја преземе контролата врз нивното однесување.

Портпаролот на компанијата со седиште во Хангжу рече дека експериментот бил спроведен за да се тестираат можностите и границите на интеракцијата помеѓу роботите и да се идентификуваат потенцијалните пропусти. Шангајската компанија исто така потврди дека малиот робот добил привремен пристап до протоколите за работа на нивните роботи за време на експериментот.

Послужено рекордно и најголемото лате во светот!!

Ѕвездата на социјалните мрежи Ник ДиЏовани се здружи со компанијата Данкин за да го собори Гинисовиот рекорд за најголемото ладно кафе лате.

ДиЏовани, готвач и влијателен на социјалните мрежи со повеќекратни Гинисови рекорди, наполнил 7,71 метар висока шолја Данкин со мраз, млеко и еспресо за да го постави рекордот.

Гинисовата книга на рекорди потврди дека добиениот пијалок од 276 литри е најголемото ледено лате во светот.

Огромното лате потоа беше поделено на помали чаши и послужено на повеќе од 300 вработени во корпоративната канцеларија на Данкин во Масачусетс, пренесува „Upi“.

Свет

Сѐ помали се надежите дека ќе бидат пронајдени Лука и Кристијан, изгубени на планина во Италија

Италијанските медиуми денеска објавија дека има сѐ помалку надеж дека ќе бидат спасени двајцата италијански планинари кои од 22 декември се заробени на планината Гран Сасо.

Кристијан Гвалди и Лука Перачини доживеале несреќа додека планинареле кога се лизнале и паднале во бездна, а се претпоставува дека еден од нив е повреден.

Напорите на спасувачките екипи да стигнат до нив, како и претходните денови, се отежнати поради лошите временски услови и опасноста од лавина, а само хеликоптер можеше да се обиде да ги пронајде доколку се подобри времето, објави АНСА.

Како што се наведува, најголемиот ризик со кој се соочуваат планинарите е хипотермијата и дека потрагата ќе продолжи штом се подобрат временските услови.

Кристијан Гвалди и Лука Перачини се од регионот Емилија Ромања. Се вели дека тие се заглавени во клисурата на Вале дел Пеколно, под масивот Гран Сасо, откако се лизнале додека се обидувале да стигнат до врвот Корно Гранде, кој е на 2.914 метри. Инаку, планината Гран Сасо се наоѓа на околу 150 километри источно од Рим, во регионот Абруцо, во близина на градот Аквила.

Моменталната температура во регионот е минус 10, а дува ветер со неверојатна сила од дури 140 километри на час. Иако техничарите успеале да го решат проблемот кој ја блокирал жичарницата, временските услови не дозволиле да се спуштат.

Шоу биз

Натали Портман го дочека Божиќ на Карибите, снимена е во бикини (ФОТО)

Холивудската актерка Натали Портман (43) реши да го помине Божиќ во летно издание.

Фотографите ја снимиле како доаѓа со нејзината ќерка Амалија (7) на плажата во Сент Бартс, популарно одморалиште на Карибите.

Актерката дошла на плажа во црна маица, тексас здолниште и очила за сонце. Таа за кратко време влезе во морето облечена во црно бикини во кое ја покажа својата витка линија.

Ова беше прв одмор за актерката по разводот, кој беше финализиран во март годинава. Минатото лето таа објави дека се разведува од францускиот танчер Бенџамин Милепид, со кого беше во брак 12 години. Двојката се запознала во 2009 година на сетот на филмот Црн лебед, во кој Натали ја играше балерината Нина, а Бенџамин беше еден од танчерите.

Покрај ќерката Амали, парот заедно го доби и синот Алеф (13). Извесен период живееле во неговата родна Франција, каде во октомври оваа година Милепид бил снимен како се бакнува со непозната жена. Извор близок до актерката тогаш изјави за Us Weekly дека Натали не била изненадена.

„Таа мислеше дека тој брзо ќе продолжи понатаму“, рекол еден извор. Друг тврдеше дека актерката не се замара за потенцијалните врски на нејзиниот поранешен сопруг: „Таа е многу среќна со својот живот и има приоритет со семејството и пријателите“.

Свет

Кина гради три пати поголема хидроцентрала од онаа која ја забави ротацијата на Земјата

Кина ја одобри изградбата на најголемата хидроцентрала во светот, започнувајќи амбициозен проект на источниот раб на Тибетската висорамнина, кој може да влијае на милиони луѓе во Индија и Бангладеш.

Според проценката на Power Construction Corp of China за 2020 година, браната, која ќе се наоѓа во долниот тек на реката Јарлунг Зангбо, може да произведува 300 милијарди киловат часови електрична енергија годишно. Тоа е три пати повеќе од проектираниот капацитет од 88,2 милијарди kWh на најголемата хидроцентрала во светот, Трите клисури, лоцирана во централна Кина. Таа хидроцентрала е толку огромна што ја забавила ротацијата на Земјата за 0,06 микросекунди, пренесе Јутарњи.

Проектот ќе игра клучна улога во исполнувањето на целите на Кина за јаглеродна неутралност, ќе ги зајакне поврзаните индустрии како што е инженерството и ќе создаде работни места во Тибет, објави официјалната новинска агенција Ксинхуа. Дел од реката Јарлунг Зангбо се спушта на драматични 2.000 метри на краток распон од 50 километри, обезбедувајќи огромен хидроенергетски потенцијал, но и уникатни инженерски предизвици.

Трошоците за изградба на браната, вклучувајќи ги и инженерските трошоци, се очекува да бидат повисоки од браната Три клисури вредна 35 милијарди долари. Ова вклучуваше преселување на 1,4 милиони луѓе и беше четири пати повеќе од првичната проценка. Властите не прецизираа колку луѓе ќе треба да бидат раселени поради проектот и како тој ќе влијае на локалниот екосистем, кој е еден од најбогатите и најразновидните на платото.

Според кинеските власти, хидроенергетските проекти во Тибет, за кои тврдат дека имаат повеќе од една третина од хидроелектричниот потенцијал на Кина, нема да имаат големо влијание врз животната средина или снабдувањето со вода.

Сепак, Индија и Бангладеш се загрижени за браната, бидејќи проектот потенцијално ја менува не само локалната екологија, туку и текот на реката. Јарлунг Зангбо станува река Брамапутра кога излегува од Тибет и тече на југ во индиските држави Аруначал Прадеш и Асам, и на крајот во Бангладеш.

Кина веќе започна со изградба на хидроцентрали на горниот тек на реката Јарлунг Зангбо, која тече од запад кон исток во Тибет, и планира повеќе проекти возводно.

притисни ентер