Македонија

Судењето за убиствата на Вања и Панче повторно одложено, овој пат за 20 септември

Таткото на убиената Вања, Александар Ѓорчевкси и тројцата помагачи за грозоморните убиства на малолетното девојче и 74 годишниот Панче Жежовски денеска беа спроведни во скопскиот Кривичен суд каде седнаа на обвинителна клупа. 

Но, само што почна судењето за овој случај , веднаш се одложи за 20 септмеври поради тоа што судот денеска одлучи да го прифати барањето на обвинителството за спојување на обвинителниот акт за првообвинетиот за убиствата Љупчо Палевски Палчо за кое вчера беше дадено позитивно мислење од судот, заедно во еден предмет со обвинеието за останаите четворица обвинети, бидејќи доказите се истите..

-Наместо судење на денешното прво рочиште за убиствата на малата Вања Ѓорчевска и Панче Жежовски имаше спојување на предметите. Па така, на сите обвинети за овој случај ќе им се суди заедно, наместо одделно како што беа поднесени обвиненијата.

Единствено во судот денеска не беше спроведен првообвинетиот за двојното убиство Љупчо Палевски Палчо поради тоа што обвиненијата не беа споени. За него истрагата почна подоцна затоа што се чекаше да биде екстрадиран од Турција, каде што беше уапсен откако избега од државава.

Според обвинението тој се товари дека бил главниот организатор на грабнувањата како и извршител на убиствата. Останатите обвинети Боре Видевски, Велибор Манев и Влатко Кешишов се обвинети дека се соизвршители во грозоморните убиства. Според обвинителството на 22 ноември лани, тие заедно го грабнале Жежовски во Велес со намера да го присилат да им го даде неговото возило, за да го користат за грабнување на малата Вања во Скопје. Обвинетите отишле до неговата куќа го врзале и во багажник од автомобил го пренеле до местото Рудник во околоната на Велес, каде го убиле. Пет дена подоцна, обвинетите потпомогнати од таткото на девојчето, ја грабнале Вања од влезот на нејзината зграда и врзана ја однеле во близина на местото викано Дупки во атарот на селото Бразда, каде на свиреп начин ја убиле. Нивната цел, според обвинителството било да присилат член на нејзиното потесно семејство да даде пари за откуп.

Малолетната Вања која беше пријавена за исчезната на 27 ноември лани, беше пронајдена мртва во влизина на Скопје на 3 ти декември, кога беше пронајден мртов и велешанецот Панче Жеожовски кој пак беше пријавен за исчезнат на 24 ноември.

Живот

Мистерија на Тајланд:По невреме, нашле црни камења во дворот- лекуваат и даваат енергија(ВИДЕО)

Мистериозните црни камења кои „паднаа од небо“ при невреме во тајландската провинција Паталунгу, целосно го збунија локалното население.

Пронајдени се во дворот на Вичета и Манерат Сирипувадон, а тежат околу 20 килограми. Сопружниците веруваат дека тоа „дошло од вселената“, пренесува New York Post.

„Врнеше многу дожд, а два часа удираа громови, што предизвика пожар. Утрото најдовме паднато дрво и траги од горење на земјата. Имаше и необична јама од која нешто чадеше. Го покрив со земја и си заминав“, изјави Вичета.

Две недели подоцна, повторно ја посетил јамата и ги пронашол мистериозните црни камења. Манерат се исекла додека ги собирала, но крварењето брзо престанало.

Камењата ги чуваат во својата куќа и тврдат дека по еден месец се чувствуваат поздрави, поенергични и ментално поконцентрирани.

Затоа ги повикуваат надлежните да ги истражат „невообичаените предмети“ и да го утврдат нивното потекло.

Инаку, мештаните ги забележале шарите на камењата и ги протолкувале како „среќни бројки“ со кои планираат да играат лотарија. Тие мислат дека тоа ќе им донесе среќа.

Свет

Властите во Газа: Во израелски напад се убиени петмина новинари

Властите во Газа соопштија дека во израелски воздушен напад загинале пет палестински новинари пред болница, но израелската војска соопшти дека нападнала возило со милитанти на Исламски џихад.

Лекарите рекоа дека најмалку 21 лице загинало во израелските воздушни напади врз палестинската енклава додека Хамас и Израел меѓусебно се обвинуваат за одложување на постигнувањето договор за прекин на огнот.

Синдикатот на палестинските новинари објави дека пет новинари на каналот Ал-Кудс Тудеј биле убиени во напад пред болницата Ал-Авда во бегалскиот камп Ал-Нусеират во центарот на Газа.

Од почетокот на војната во октомври 2023 година, убиени се повеќе од 190 палестински новинари. Израелската армија објави дека „извршила прецизен напад врз возило со терористичка група Исламски џихад во областа Нусејрат“.

Израел редовно ги негираше нападите врз новинарите и тврди дека презема чекори за да избегне напади врз цивили.

Групата Исламски џихад, поддржана од Иран и сојузник на Хамас, се приклучи на борбата против Израел во октомври 2023 година.

На видеото од местото на нападот се гледаат остатоци од бело комбе со, како што изгледа, остатоците од зборот ПРЕСС на задната врата.

На погребот на петтемина новинари присуствуваа десетици роднини и колеги новинари. На нивните тела бил ставен панцир со натпис PRESS.

„Израелската армија го оправдува овој напад со тврдењето дека е насочен кон поединци вклучени во палестински организации и групи. Сепак, овие лица биле на задачи, во возила за новинари и известувале за настани“, рече дописникот на каналот Ал-Араби, Абед Мекдад за време на погребот.

Лекарите во енклавата соопштија дека уште осум лица се убиени, а 20 се ранети во израелски воздушен напад врз куќа во населбата Зејтун во Газа. Тие додадоа дека бројот на жртвите може да се зголеми бидејќи многу луѓе се заробени под урнатините.

Хамас и Израел меѓусебно се обвинуваат за неуспехот да се постигне договор за прекин на огнот и покрај напредокот што го пријавија двете страни.

Хамас рече дека Израел поставил нови услови, додека израелскиот премиер Бенјамин Нетанјаху ја обвини групата дека се откажува од веќе постигнатите договори.

Свет

Перу прогласи еколошка катастрофа по излевање на нафта во океанот (ВИДЕО)

Владата на Перу денеска прогласи еколошка катастрофа во крајбрежната област на северот на земјата, каде што минатиот викенд пратката сурова нафта од државната нафтена компанија се излеа во Тихиот Океан.

Брод кој маневрирал пред да испушти нафта предизвика излевање во саботата на терминалот на перуанската рафинерија Талара во северниот дел на Перу.

Петроперу не откриваат колку сурова нафта се излеала во океанот, но перуанската еколошка организација ОЕФА во првичниот извештај рече дека околу 10.000 квадратни метри вода се контаминирани, а Министерството за животна средина соопшти дека се погодени најмалку седум плажи и локална фауна.

Локалните власти соопштија дека нафтата се излеала врз крајбрежни растенија и загрозени животни како што се раковите. Рибарите, пак, се пожалија дека не можат да работат поради инцидентот.

„Не можеме да одиме на риболов веќе шест дена“, изјави рибарот Мартин Пасос за локалното радио РПП. „Она што се случи во Лобитос е хаос“.


притисни ентер