Технологија

Советот на ЕУ предлага зголемени инвестиции во вештачката интелигенција

Советот се согласува со заклучокот на Судот дека ЕУ мора да ги зголеми инвестициите во вештачката интелигенција.

Советот на ЕУ ги одобри заклучоците од Извештајот на Европскиот суд на ревизори (ЕЦА) поврзани со зајакнување на амбициите околу употребата на вештачката интелигенција во Унијата, пред се преку подобрување на управувањето и обезбедувањето поголеми и фокусирани инвестиции на ова поле.

- Советот се согласува со заклучокот на Судот дека ЕУ мора да ги зголеми инвестициите во вештачката интелигенција и да го олесни пристапот до дигиталната инфраструктура за да биде конкурентен актер со глобално влијание, да преземе лидерство во развојот и користењето на вештачката интелигенција, да поттикнува таленти и да создаде систем на совршеност и доверба, се наведува во соопштението.

Советот потенцира дека влијанието на системите за вештачка интелигенција врз животната средина, нивната примена за зголемување на енергетската ефикасност, како и обезбедувањето сигурно снабдување со хардвер, се важни фактори што треба да се земат предвид во политиките поврзани со вештачката интелигенција.

Според, Европскиот совет потребна е поблиска соработка на ЕУ и земјите членки со меѓународните организации, со цел да се обезбеди максимално можно влијание на инвестициите на ниво на Унијата, како клучен елемент за обезбедување на нејзиното глобално лидерство во сферата на вештачката интелигенција

- Конечно, сфаќајќи дека вештачката интелигенција може да ја зајакне европската конкурентност доколку резултатите од проектите за истражување и развој се комерцијализираат или експлоатираат директно или индиректно, Советот се согласува со Судот за потребата од мерливи цели и индикатори за перформансите. Меѓутоа, Советот додава дека таквите показатели треба да бидат дизајнирани внимателно, без пречки за севкупната цел на проектите, на начин што нема да доведе до дополнителни оптоварувања на корисниците, земјите членки и субјектите, посочува Советот.

Европскиот суд на ревизори на 29 мај годинава објави специјален извештај насловен „Амбицијата за вештачка интелигенција на ЕУ – Посилното владеење и поголеми и фокусирани инвестиции се од суштинско значење за напредокот“, со кој се врши проценка на ефикасноста на активностите на Еврокомисијата за поддршка на истражувањето и иновациите во вештачката интелигенција во периодот помеѓу 2018 и 2023 година.

Во документот се дава позитивна оценка за координацијата и регулирањето на инвестициите во вештачката интелигенција, но се оценува дека тие имале ограничени ефекти. Според Судот, во сегашните услови дури и ако Комисијата го зголеми финансирањето на истражувањето и иновациите во вештачката интелигенција, таквата финансиска поддршка немаа да обезбеди ефикасност. /МИА

Свет

Итно предупредување на шефовите на разузнувачките служби на САД: Русите се вмешаа во изборите

Шефовите на американското разузнавање предупредија дека „странските противници“, меѓу кои е Русија, спроведуваат операции што ги „загрозуваат“ изборите во САД предизвикувајќи поделби меѓу Американците.

Тие, како што наведоа, спроведуваат операции за „поткопување на довербата на јавноста во интегритетот на американските избори и предизвикување поделба меѓу Американците“.

Во заедничката изјава, Канцеларијата на директорот на националното разузнавање (ODNI), ФБИ и Агенцијата за кибер-безбедност и инфраструктурна безбедност соопштија дека групите поврзани со Русија поттикнуваат насилство против изборните службеници и повторуваат лажни тврдења за измама со гласови.

Агенциите наведуваат дека „руските влијателни лица“ неодамна објавија напис во кој лажно тврделе дека функционерите во клучните држави планираат да ги наместат претседателските избори во вторник со полнење на гласачки кутии.

Од ОДНИ понатаму велат дека очекуваат овие напори да се интензивираат во наредните денови. Тие, исто така, го обвинуваат Иран дека претставува „значајна закана од странско влијание“ за САД.

Техеран и Москва негираа обиди за попречување на изборите.

Шоу биз

Лејди Гага пееше на завршниот митинг на Камала Харис, ја испеа „God Bless America“ (ВИДЕО)

Обожавателите на Лејди Гага кои се прашуваа која песна ќе ја изведе на последниот митинг на Камала Харис во Филаделфија вчера вечер ја добија Бог да ја благослови Америка.

Но, таа не ги разочара ниту оние кои сакаа да го слушнат Edge of Glory. Таа се врати на сцената по говорот на Харис и пееше точно на полноќ, кога официјално започна изборниот ден.

„Во поголемиот дел од историјата на оваа земја, жените немаа глас“, рече Гага додека седеше на клавирот и ја пееше Бог да ја благослови Америка. Таа зборуваше за жените од таа ера кои воспитуваа деца: "Ги одржувавме семејствата. Ги поддржувавме мажите додека тие носеа одлуки. Но утре, жените ќе бидат дел од таа одлука. Денес ги носам во моето срце сите силни, решителни жени кој ме натера да гласам за некој што ќе биде претседател на сите Американци, па ајде секој глас да се слушне.“

Гага таа вечер беше во друштво на познати личности, додека седумчасовниот пренос во живо од клучните земји вклучуваше говор на Опра Винфри и музички изведби на Кети Пери, Кристина Агилера, Рики Мартин, Шугарленд, како и необична комбинација на Џон Бон Џови, Мајкл Стајп и групата The War and Treaty.

Опра Винфри на сцената ги поздрави младите кои првпат гласаа, а потоа одржа говор. „Знам дека некои од вас се чувствуваат исцрпено, повредено и можеби безначајно. Ништо не може да биде подалеку од вистината. Ако не се појавиме утре, можеби никогаш повеќе нема да гласаме“, рече Винфри.

Во Детроит, Бон Џови пееше Livin' on a Prayer. Во Питсбург, Кејти Пери ги отпеа Dark Horse, Part of Me, Firework и преработката на Greatest Love of All на Витни Хјустон. Агилера ја изведе песната Stronger во Питсбург.

Регион

Голем протест во Нови Сад: Со фекалии ја полија Градската куќа, полицијата фрла солзавец(ВИДЕО)

Поединечни учесници на вечерашниот протест на опозицијата во Нови Сад ги скршиле стаклата на вратите и прозорците на градското собрание во Нови Сад.

Дел од учесниците на вечерашниот протест на опозицијата во Нови Сад ги скршиле стаклата на вратите и прозорците на градското собрание во Нови Сад, а потоа ја полиле зградата со измет и фрлале црвена боја и камења.

Истовремено ги искршиле стаклата. Претходно тие повторно ги нападнаа просториите на СНС при што фрлаа камења, јајца и други предмети и ги кршеа стаклата од просториите. Пред почетокот на протестот беа искинати српските знамиња кои беа пред просториите на СНС.

Во Нови Сад, во тек е протестот организиран од опозицијата во врска со смртта на 14 лица во уривањето на настрешницата на железничката станица во тој град, со барање да бидат казнети сите виновници за несреќата и премиерот. Министерот на Србија и градоначалникот на Нови Сад поднесоа оставки.

Тие побарале овие барања да се исполнат во рок од 48 часа.

притисни ентер