Шоу биз

Некогашниот топ модел Алесандра Амбросио ни одблизу не изгледа како што сме мислеле

Додека опуштено тренирала со својата другарка, не ги забележала папараците.

Бразилската манекенка Алесандра Амбросио (43) многу добро знае дека витко и атлетско тело не се гради лесно. Затоа таа сака редовно да вежба и да спортува иако повеќе не се занимава професионално со манекенство. Да потсетиме, таа се пензионираше на 36 години, а омилено место за вежбање ѝ е плажата каде често игра одбојка со другарките. Овој пат папараците ја уловиле како трча на плажа во друштво на пријателка.

Познато е дека Амбросио напорно работи да го одржи своето тело во завидна состојба. Таа е мајка на две деца, но и покрај сите обврски не се откажува од своето идеално тело. Таа повеќе пати кажа дека не верува во диети, но се труди да се храни здраво и да има редовни тренинзи. Обично вежба пред ручек, а кога сака да се заслади, јаде „енергетски плочки“ и овошје.

- Не исклучувам никаков вид на храна - ако ми се јаде темно чоколадо или ми се пие вино, ќе си го дозволам тоа, но важно е да се контролирате и да каснете или да се напиете малку, никогаш премногу – изјавила таа некогаш.

На новите фотографии кои ги направија папараците, таа беше забележана во беж шорцеви и бела блуза на раскопчување. Нејзините витки нозе се во преден план, а не се ни обидела да го ниту сокрие стомакот.

Овој пат фотографиите изгледа ја покажуваат вистинската состојба на работите. Иако таа е неспорно една од најзгодните манекенки на денешницата, фотографиите покажуваат дека и таа не е совршена. Мускулестите нозе реално изгледаат поинаку од она што е прикажано кај неа на социјалната мрежа Инстаграм.

На нозете има видливи вени, а на бутините се забележува и целулит. Инаку, целулитот е честа појава и кај слабите луѓе, а најчесто е резултат на недоволно внесување вода и лоши навики во исхраната.

Исто така, на една од фотографиите се гледа нејзиниот стомак со опуштена кожа, што не е ни чудо со оглед на тоа што се пораѓаше двапати. И покрај наведеното, таа и понатаму е една од најубавите и најзгодните манекенки, и на ваква линија во 43-тата година би и позавиделе многумина.

Македонија

ВМРО-ДПМНЕ: Ја враќаме довербата и професионалноста во безбедносните служби, заврши партизирање

Ја враќаме довербата и професионалноста во безбедносните служби, заврши партизирањето спроведувано од СДС.

СДС се видени и прочитани дека единствено што знаат на власт е да лажат, манипулираат, да ги злоупотребуваат и партизираат институциите. А, во тоа македонските граѓани повторно се уверија и во изминатото нивно седумгодишно владеење.

Не за џабе кај народот се познати како симбол на лаги, манипулации и партизирање на државата и институциите на системот.

СДС покажаа и докажаа дека се симбол на злоупотреба на државните ресурси за приватни и партиски цели, а институциите на системот ги претвори во партиски штабови.

Од нивната лакомост да злоупотребуваат и партизираат не ги поштедија ни едни од најклучните институции, кои се столбовите за државната безбедност, меѓу кои и Агенцијата за национална безбедност (АНБ).

Поранешниот директор на АНБ назначен, Виктор Димовски беше долгогодишен партиски функционер и тоа на највисоките тела на СДС, меѓу кои на нивниот Извршен одбор.

Тоа го потврдуваат и фактите кои ги потврдуваме со фотографии на кои убаво, јасно и прецизно се гледа Димовски меѓу останатите членови на ИО на СДС. Од фотографиите во прилог можеме да видиме дека освен во ИО, Димовски беше член и на нивниот Дипломатскиот совет. Партиските ангажмани на Виктор Димовски не завршуваат тука, тој учествуваше и во креирањето на политиките на СДС кој учествувал на јавни настани и на партиски дебати.

СДС ја партизираше и Агенцијата за разознавање со назначувањето за директор Еролд Муслиу, кој злоупотребувајќи ја позицијата, агенцијата ја претвори во нивен партиски штаб. Потсетуваме и за партизацијата на УБК кога СДС за директор го постави Миле Зечевиќ, кој своевремено беше висок партиски функционер, кој потоа стана и генерален секретар.

Затоа пак, Владата предводена од ВМРО-ДПМНЕ е одлучна да ја врати довербата на граѓаните во институции и затоа приоритет е стручноста, професионалноста и компететнтноста на кадрите. Така се постапува и при изборот на раководните кадри во во безбедносните служби, кои ќе го вратат професионализмот и интегритетот во служби и истите ќе работат независно за заштита на државните интереси.

Центар за комуникации на ВМРО-ДПМНЕ

Култура

МНТ со „Народен непријател“ учествува на Интернационалните театарски средби „Брчко Дистрикт“

Со претставата „Народен непријател“, Македонскиот народен театар вечер ќе биде дел од Интернационалните театарски средби „Брчко Дистрикт“ што се одржува во БиХ. 

Претставата е од Хенрик Ибзен, а во режија на Нина Николиќ. Играат Никола Ристановски, Звездана Ангеловска, Дарја Ризова, Јана Вељановска, Ана Арсовска, Благој Веселинов, Петре Арсовски, Сашка Димитровска, Александар Михајловски, Нино Леви и Мартин Ѓоргоски.

Фестивалската програма ќе трае од 17 до 25 октомври, а за Македонскиот народен театар ова е второ учество на овој фестивал.

Свет

Американската морнарица прогласи за мртви двајца пилоти чиј борбен авион се урна

Американската морнарица прогласи за мртви двајца пилоти чиј борбен авион се урна за време на тренажен лет.

Двајца воздухопловци кои исчезнаа откако борбен авион се урна на планински терен во државата Вашингтон за време на рутински тренинг лет се прогласени за мртви, соопшти денеска американската морнарица.

Авион EA-18G Growler се урна источно од планината Рение во вторникот попладне. Тимовите за пребарување, вклучително и хеликоптер на американската морнарица, беа лансирани во обид да го пронајдат екипажот и местото на несреќата.

Спасувачите ги лоцираа остатоците во средата во оддалечена, стрмна и пошумена област источно од планината Рение, соопштија официјални лица.

-Имињата на воздухопловците нема да бидат објавени дури еден ден откако ќе бидат известени нивните најблиски, се вели во денешното соопштение на морнарицата, додавајќи дека причината за несреќата сè уште е под истрага.

притисни ентер