На смрт е осудена вдовицата на озлогласениот водач на Исламската држава

Ирачки суд осуди на смрт една од вдовиците на бруталниот водач на Исламската држава (ИСИЛ), Абу Бакр ал-Багдади, велејќи дека таа била соучесничка во злосторствата извршени врз жените Јазиди, заробени од милитантната група.

На почетокот на август, ИД започна серија напади врз верското малцинство Јазиди во северниот ирачки регион Синџар. Тие убиле и заробиле илјадници жртви, меѓу кои и жени и девојки кои биле тргувани и сексуално злоупотребувани, пишува Би-Би-Си.

Обединетите нации тврдеа дека кампањата против Јазидите е геноцид. Во соопштението за печатот се наведува дека Кривичниот суд во Карх ја осудил жената за „затворање на жените Езиди во нивниот дом“ и олеснување на нивното киднапирање од страна на „ИСИЛ во Синџар“.

Во соопштението не се наведува името на обвинетата, но двајца судски службеници ја идентификувале како Асма Мохамед, која беше уапсена во 2018 година во Турција. Официјален претставник на ирачката безбедност потврди за Асошиетед прес дека Мохамед им била предадена на ирачките власти минатата година.

Преживеаните од нападот на ИСИЛ во Ирак ја критикуваа одлуката, донесена на барање на ирачката влада, да ја прекине истрагата на ОН за злосторствата на ИСИЛ, вклучително и наводната употреба на хемиско оружје.

Во исто време, групите за човекови права изразија загриженост за недостигот на правична постапка во судењата на наводните членови на ИСИЛ во Ирак и особено ги критикуваа масовните егзекуции на осудените за тероризам.

Амнести интернешенел и Хјуман рајтс воч предупредија дека пресудите често се добиваат преку тортура. Тие го повикаа Ирак да ја укине смртната казна. На 29 јуни 2014 година, Ал Багдади, познат како еден од најефикасните џихадистички водачи на модерното време, прогласи калифат на милитантната група во големи делови од Ирак и Сирија.

Во 2019 година, тој беше убиен во американски напад врз Сирија, нанесувајќи ѝ голем удар на милитантната група, која сега ја изгуби контролата врз сите области што претходно ги контролираше, иако некои од нејзините ќелии продолжуваат да вршат напади.

Вонредни контроли во Дојран, Охрид, Струга и Преспа, уништени 8,7 тони небезбедна храна

Со контролите се проверуваше имплементацијата на добра производствена и хигиенска пракса (ДПП/ДХП) базирана на НАССР принципите, инфраструктурните услови во објектите, а се спроведуваа и контроли на активностите согласно регистрацијата.

Инспекциски тимови на Агенцијата за храна и ветеринарство (АХВ) во периодот од 16 до 19 јули спроведоа вонредни засилени контроли во објекти и оператори со храна (хотели, ресторани, времени - кетеринг објекти, месарници и маркети) во туристичките центри Дојран, Охрид, Струга и Преспа со кои беа опфатени 112 објекти. При тоа беа изречени 54 глоби на 54 оператори со храна, од кои на осум им беше изречена забрана за работа до отстранување на констатираните недоследности.

-Со контролите се проверуваше имплементацијата на добра производствена и хигиенска пракса (ДПП/ДХП) базирана на НАССР принципите, инфраструктурните услови во објектите, а се спроведуваа и контроли на активностите согласно регистрацијата на операторите со храна. Во услови на високи надворешни температури, акцент со контролите беше ставен на условите на чување и складирање на производите и роковите на употребливост на храната, соопшти АХВ.

Со контролите, се посочува во соопштението, беше утврдено неисполнување на општите и посебните хигиенски барања во сите фази на производство ,преработка и дистрибуција на храна, неимплементирање на сите процедури на ДПП/ДХП базирани на НАССР принципите, храна со поминат рок на употреба, промет на храна без декларација и означување согласно Законот за безбедност на храна и подзаконските акти според кои ваквите производи се прогласуваат за небезбедни за човечка употреба и нештетно се уништуваат.

-Од страна на инспекторите за храна и официјалните ветеринари констатирана беше и работа на објекти - оператори со храна кои не се регистрирани или одобрени за работа од страна на АХВ, поради што беа изречени мерки забрана за работа, а затекнатите производи беа забранети за промет и нештетно уништени. Утврдени беа и лоши инфраструктурни и хигиенски услови во кујните, производствените простории, за што некои оператори добија времена мерка забрана за работа, се наведува во соопштението.

Како што нагласуваат од АХВ, од промет беа отстранети 8.700 килограми небезбедна храна која беше нештетно уништена.

Од АХВ најавуваат дека и во наредниов период ќе продолжат со спроведување на вонредни контроли и во другите туристички центри, а поради високите температури, како што велат, на сила останува мерката за засилени контроли кај операторите со храна на целата територија на земјава.

Фото: Севе во секси бикини

Мегапопуларната пејачка Северина  повторно ги воодушеви и израдува фановите на социјалните мрежи со свои фотографии и видеа.

Атрактивната Севе овој пат воодушеви со фотки во бикини.

Хрватската музичка ѕвезда објави фотки на кои таа позира во секси бикини на островот Врник.

Севе изгледа совршено во интересниот бел костим за капење во кој ја покажа нејзината импресивна фигура.

Пејачката носи голема капа на главата, а на нозете има скапи сандали од брендот Гучи.

-Шеширот го штити телото...“, напиша пејачката во описот на објавата.

Пет лица убиени во дом за стари лица во Дарувар, Хрватска

Пет лица загинаа во дом за стари и изнемоштени лица во Дарувар, 130 километри југоисточно од Загреб, јавија хрватските медиуми.

Според нив, маж влегол во домот за стари и изнемоштени лица и почнал да пука во луѓето. Пет лица загинаа на лице место, а на некои се уште им се укажува лекарска помош.

Напаѓачот потоа побегнал, но полицијата набрзо го уапсила во близина на кафуле во градот. Низ градот одекнуваат сирени на служби за итна медицинска помош.

притисни ентер