Регион

Грчки медиуми: Мицкоски инсистира на терминот Македонија

Ставовите на премиерот Христијан Мицкоски за употребата на придавката „македонски“ и терминот „Македонија“, изразени на вчерашната собраниска седница посветена на пратенички прашања, се најдоа во дел од онлајн изданијата на грчките медиуми.

Ставовите на премиерот Христијан Мицкоски за употребата на придавката „македонски“ и терминот „Македонија“, изразени на вчерашната собраниска седница посветена на пратенички прашања, се најдоа во дел од онлајн изданијата на грчките медиуми, кои го пренесуваат текстот од државната новинска агенција АНА-МПА под наслов „С. Македонија: Премиерот Мицкоски инсистира на терминот Македонија“, јави дописничката на МИА од Атина.

„Скопје: Напади од националистите кон Мицкоски, затоа што оди на одмор...на Халкидики“; „Нова провокација од Мицкоски: Договорот од Преспа не го забранува терминот Македонија“; „Инсистира на Македонија, Христијан Мицкоски“; „С. Македонија: Нова провокација од премиерот Мицкоски – Повторно зборуваше за „Македонија“ и „Македонци“ се дел од насловите во медиумите во Грција кои ја презедоа веста од државната агенција.

АНА-МПА пишува дека Мицкоски истакнал дека „при секоја негова изјава и интервју досега земјата ја нарекува Македонија, а граѓаните Македонци“ и во целост пренесува дел од неговите ставови.

-Можам да ви кажам дека никаде во Договорот од Преспа не е забранета придавката „македонски“ или „Македонија“. Тоа е регулирано со член 7, став 2 и 3 од Договорот и конечно можеме да се согласиме дека и ние имаме право да ја користиме придавката „македонски“ како што и тие (во Грција) имаат исто право, изјави Христијан Мицкоски од говорницата на Собранието, одговарајќи во четвртокот попладне на соодветно прашање поставено од пратеникот и лидер на ултранационалистичката опозициска партија „Левица“, Димитар Апасиев, кој Мицкоски го нарече „северномакедонски премиер“ и го обвини дека додека во минатото отворено застана против Договорот од Преспа, сега вели дека го „почитува“, пишува АНА-МПА.

Во продолжение пренесен е ставот на Мицкоски дека Апасиев секој месец, како пратеник на С. Македонија потпишува за да добие пратеничка плата, но ги споменува и меѓусебните обвинувања за летните одмори на Халкидики и изјавата на лидерот на Левица дека оди на Халкидики, бидејќи е средна класа.

АНА-МПА потсетува дека „националистичката левичарска партија Левица“ на последните парламентарни избори во С. Македонија го зголеми рејтингот на околу седум отсто./МИА.

Македонија

За еден отсто зголемен бројот на работници во индустријата

Бројот на работници во индустријата во периодот јануари – септември 2024 година е за еден отсто повисок во однос на истиот период лани.

Во септември 2024 година во однос на септември 2023 година е намален за 2,1 процент, соопшти Државниот завод за статистика.

Бројот на работниците во секторот Рударство и вадење на камен во септември 2024 година, во однос на септември 2023 година, бележи пораст од 4,6 % и во секторот Снабдување со електрична енергија, гас, пареа и климатизација пораст од 1,0 %, додека опаѓање бележи во секторот Преработувачка индустрија за 2,7 %.

Според главните индустриски групи, бројот на работниците во индустријата во септември 2024 година, во однос на септември 2023 година, бележи пораст кај Енергија за 4,6 %, Капитални производи за 6,1 % и Tрајни производи за широка потрошувачка за 24,2 %, додека опаѓање бележи кај Интермедијарни производи, освен енергија за 6,9 % и Нетрајни производи за широка потрошувачка за 8,6 %.

Свет

Најмалку деветмина загинати во експлозија на бомба во Пакистан

Најмалку девет лица загинаа денеска, меѓу кои пет деца, кога моќна бомба прикачена на мотоцикл експлодирала во близина на полициско возило во југозападен Пакистан, соопштија официјални лица.

Началникот на локалната полиција Фатех Мохамад изјави дека нападот, во кој беа повредени 17 други луѓе, се случил во областа Мастунг во провинцијата Белучистан.

Тој појасни дека во близина на експлозијата имало возило со ученици, при што загинале пет деца, а загинал и еден припадник на полицијата./МИА

Македонија

Дали е можно догодина заедно со локалните да се одржат и предвремени парламентарни избори

Дали е можно догодина наесен заедно со локалните да се одржат и предвремени парламентарни избори?

По понудата на Мицкоски упатена до Филипче за ново изборно соочување, засега одговор од опозицката СДСМ засега нема, а дел аналитичарите се со став дека шансите да имаме предвремени избори за само година и половина се многу мали и дека СДСМ нема да ја прифати фрлената ракавица .

Според новинарот Зоран Иванов предлогот на Мицкоски за предверемени избори е само политички маркетинг и смета дека тие не би би оделе во прилог ниту на власта, ниту на опозицијата, а нивното евентуално одржување освен закочување на економијата и евроинтеграциите, може да донесе и политика криза во државата.

„Мислам дека тоа е само маркетинг, прерано почнаа партиите но никому не ми одговараат предвремени избори, ниту на СДСМ поради актуелниот рејтинг кој тешко дека до локалните може да се ревитализира нешто радикално, а на ВМРО-ДПМНЕ пак уште помалку би им одговарале нови избори затоа што ги демне ДУИ кои за малку гласови може да го земе приматот на Вреди и Мицкоски да мора да смета и на некоја друга коалициска варијанта што не ја посакува. Така што мислам дека сите блефираат во овој момент“, смета Зоран Иванов.

Аналитичарот Владимир Божиновски пак, во повикот за повторно изборно соочување на Мицкоски гледа само укажување до опозицијата на огромната предност која ВМРО-ДПМНЕ ја ужива пред СДСМ на анкетите.

„Таа изјава ја гледам повеќе од аспект на перцепцијата којашто е кај граѓаните, а кои што сметаат дека во моментот власата е далеку подобра алтернатива од сегашната опозицијата, а од друга страна тврдењата на Филипче дека валаста треба да си даде оставка и дека не работи во интерес на граѓаните. Не верувам дека ќе има парламентарни избори заедно со локалнит. Со секои парламентарни избори се закочува едноставно државата и не функционира со месеци што најмногу може да и наштети токму на економијата“, смета Владимир Божиновски.

Понудата повторно да се соочат на предвремни параламентарни избори Мицкоски му ја упати на неговиот политички ривал Венко Филипче на вчерашната седница за пратенички прашања, како одговор на обвинуавњата од лидерот на СДСМ дека ги лажеле гласачите дека никогаш нема да ја употребат придавката „северна“, а по изборите почнале да го користат новото уставно име на државата, при што го повика премиерот да го врати мандатот.