Живот

Словачка „тужена“ пред Еврокомисијата за варварски однос кон мечките

Зоолошката градина од јужно чешкиот град Табор поднесе жалба до Европската комисија поради новата регулатива во Словачка со која се олабавуваат правилата за контролиран отстрел на мечки.

Според директорот на Зоолошката градина, Евжен Корец, ваквиот нивни потег се должи на фактот кафената мечка е заштитен вид во Европската Унија, која троши многу пари за заштита на сите загрозени животински видови.

- Словачка тргна по патот на средниот век, кога беше вообичаено да се пука во се што се движи во шумата и е само малку повлакнесто од човекот, изјави Корец, додавајќи дека според него, масовното убивање на загрозените видови претставува варварски чин.

Корец оцени дека Словачка избрала да го игнорира европското законодавство, нарекувајќи го словачкото Министерство за животна средина, кое е предлагач на новите правила за отстрел на мечки - „Министерство за непромислено истребување“.

Во мај годинава Словачка ги измени правилата за отстрел на мечки, по регистрирањето на зголемен број напади на овие животни врз луѓе во земјата.

Со новите правила, кога мечка ќе биде забележана како се приближува до населено место, во тој реон може да биде прогласена вонредна состојба, како во случај на земјотрес или терористички напад.

По усвојувањето на новите правила словачкиот министер за животна средина Томаш Тараба изјави дека успеале „да го надминат големиот правен проблем“ што спречуваше отстрел на мечка во случај ако таа не извршила напад врз лице.

- Повеќе нема да треба да реагираме по нападот. Отстрелот ќе се врши превентивно и однапред во интерес на заштита на животот, здравјето и имотот на граѓаните, рече Тараба.

Според правилата на ЕУ, за да биде овозможен отстрел на заштитен вид на животно, потребно е тоа да „покажува проблематично однесување“.

Иако оваа одредба повеќе не важи во словачките правила, Европската комисија реши да ги одобри во замена за, како што се тврдеше тогаш, поддршка од Словачка за Предлог-законот за обнова на природата, кој беше одобрен со тесно мнозинство благодарение на гласот „за“ на Братислава. Комисијата тогаш ги отфрли ваквите тврдења како инсинуации.

Во пресрет на изборите за шеф на државата во март и за Европскиот парламент во јуни годинава, проблемот со нападите на мечки стана еден од главните политички теми. Екстремно десничарската Словачка национална партија (СНС), од чии редови доаѓа и Тараба, обвини дека проблемот со мечките се должи на одлуките на „бирократите во Брисел и на зелените правила на ЕУ“.

Според проценките, во Словачка има меѓу 1.000 и 1.300 кафени мечки. По стапувањето во сила на новите правила, словачкото Министерство за животна средина издало околу 100 дозволи за отстрел на мечки, при што веќе се убиени 86.

Свет

Две лица уапсени откако без дозвола влегле во космодромот Бајконур

Две лица се уапсени откако без дозвола влегле во космодромот Бајконур во Казахстан, соопшти Обвинителството.

Во соопштението од казахстанското обвинителство се наведува дека уапсени се 21-годишен Французин и 26-годишен Германец откако влегле во космодромот за да ја видат руската ракета Енергија.

Во јули, двајца холандски државјани и еден Белгиец беа уапсени кога се обиделе да влезат во комплексот Бајконур.

Космодромот Бајконур се наоѓа во Казахстан, но е изнајмен од Русија. Пристапот до комплексот е ограничен, иако платени тури се достапни за оние кои сакаат да гледаат лансирање на вселенско летало. /МИА

Фудбал

Португалецот Аморим официјално нов тренер на Манчестер јунајтед

Англискиот фудбалски гигант Манчестер Јунајтед денеска официјално за нов тренер го назначи Португалецот Рубен Аморим, кој ќе се пресели во премиерлигашот од клупата на Спортинг од Лисабон.

Аморим доаѓа на Олд Трафорд на местото на холандскиот стратег Ерик тен Хаг, кој беше отпуштен од должноста по поразот од Вест Хем.

Аморим официјално ќе го преземе клубот од „Олд Трафорд“ на 11 ноември, а дотогаш со тимот ќе раководи поранешниот напаѓач на Јунајтед и Холандија, Руд ван Нистелрој.

Како што е соопштено, Аморим потпиша договор до лето 2027 година, со опција за продолжување на уште една година.

„Рубен е еден од највозбудливите и најпочитуваните млади тренери во европскиот фудбал. Беше успешен и како играч и како тренер, со Спортинг двапати го освои португалскиот шампионат, а првата титула беше прва по 19 години“, се вели во соопштението на Јунајтед. /МИА

Македонија

Гаши им порача на студенти од Филозофски да бидат поагилни, погласни, покритични

Претседателот на Собранието, Африм Гаши оствари средба со студенти на Институтот за безбедност од Филозофскиот факултет, информираат попладнево од собраниската прес-служба.

Гаши потенцирал дека успехот во политиката се мери со тоа што е направено за идните генерации.

- Во тој контекст, истакна дека претседателската функција бара државнички пристап, еднаквост за сите. Затоа и неговите заложби како претседател на законодавниот дом, се посветеност во работата во насока на подигнување на Собранието на повисоко ниво, со професионална служба, политички неутрална. Тој е поборник за департизација на институциите, за повисок стандард, владеење на правото, имплементација на Националната стратегија, сѐ во насока на задржување на младите во земјава, затоа што тие се иднината, наведуваат од собраниската прес-служба.

Студентите имале можност да му поставуваат прашања на претседателот на Собранието, а тој ги охрабрил младите да бидат поагилни, погласни, покритични, да организираат дебати, да зборуваат гласно, затоа што нивниот глас е искрен.