Шоу биз

Диди на Божик имал нервен слом, ги молел затворските чувари да го однесат во болница

Музичкиот магнат Диди, со вистинско име Шон Комбс, овој Божиќ го помина зад решетки.

Заедно со Денот на благодарноста, тоа му беше втор празник што го минува во затвор, а медиумите сега пишуваат дека поради тоа доживеал нервен слом.

Неименуван извор изјавил за Мирор дека Диди дури ги молел чуварите да го однесат во затворската болница на набљудување, што тие го одбиле. „Празниците зад решетки за него беа вистински кошмар. Конечно успеа да се смири со техниката на медитација што ја користеше за време на неговиот престој во затвор“, рекол изворот.

Според изворот, на раперот му биле потребни неколку часа длабоко дишење за да се смири. Извори блиски до Диди, сепак, рекоа дека тврдењата за сломот се лажни: „Тој сè уште останува силен и фокусиран на својата одбрана. Сè уште му недостигаа децата на Божиќ, празник што традиционално го поминуваше со своето семејство“.

Да потсетиме, Диди е во затвор во Бруклин од 16 септември. Се очекува тој да биде зад решетки до последното судење кое е закажано за 5 мај следната година. Неодамна беше одржано ново рочиште за неговиот случај, каде Диди покажа многу поинаква слика.

На сослушувањето присуствуваше новинарката Елизабет Милнер од мрежата Law&Crime. „Изгледаше неверојатно послаб, што беше и очекувано со оглед на тоа дека е во федерален затвор неколку месеци“, рече Милнер, истакнувајќи дека имал и повеќе седа коса.

Фудбал

Реал договори супер летно засилувања: Александар-Арнолд е новиот „крал“

Поранешниот десен бек на лидерот во Премиер лигата Ливерпул, Трент Александер-Арнолдод следната сезона ќе го носи дресот на Реал Мадрид, пренесуваат „Марка“ и „Ас“.

Договорот на англискиот репрезентативец со „црвените“ истекува на крајот на сезоната, а извесно е дека нема да биде продолжен, а тој е слободен да избере нов клуб од 1 јануари, а изборот падна на „кралевите“ од Мадрид.

Шпанска „Марка“ пишува дека Александар-Арнолд веќе ги известил клупските челници за својата одлука, додека „Ас“ наведува дека неговиот трансфер во Реал е 90 отсто завршен.

Операцијата е забрзана во последните недели, а голема улога одигра актуелната ѕвезда на Реал, Џуд Белингам, кој веќе неколку сезони е еден од најдобрите фудбалери на гигантот од „Бернабеу“.

Сепак, трансферот нема да се случи во јануари, бидејќи Трент сака на соодветен начин да го напушти клубот во кој израсна. Арнолд во Мадрид го гледаат како долгорочна замена за репрезенативецот на Шпанија, во моментов повредениот Дани Карвахал, а останува да видиме кога ќе биде официјализиран трансферот и кога 26-годишниот Англичанец ќе се пресели во Мадрид и ќе стане нов член на Реал.

Македонија

Пронајдени десет мигранти во две товарни возила на граничниот премин Богородица

Десет мигранти во две товарни возила биле пронајдени вчера од страна на полициски службеници од Полициската станица за гранични проверки и граничен надзор Богородица.

Како што соопштуваат од Министерството за внатрешни работи, во едното товарно возило со полуприколка, со скопски регистарски ознаки, сопственост на правен субјект од Скопје, управувано од Б.А. (49) од Скопје, биле пронајдени пет лица од Сирија и едно лице – турски курд. Во второто товарно возило со полуприколка, со српски национални ознаки, управувано од П.Н. (41) од Република Србија, сопственост на правен субјект од Република Србија, биле пронајдени четири лица од Сирија.

Од МВР дополнуваат дека мигрантите се предадени во Одделението за прекуграничен криминал, миграции, странци и реадмисија за понатамошна постапка и се работи на расчистување на случајот.

Македонија

Волонтери на Црвен Крст со посебен проект на „Зимска приказна“ во Битола

Општинската организација на Црвен Крст-Битола прв пат со свој проект учествува во програмата на „Зимска приказна“ организирана од Општина Битола и за најмладмладите битолчани во старата чаршија беше одиграна претставата „Зошто Дедо Мраз носи црвено?

Претседателката на ОО на Црвен Крст Лилјана Ристевска истакна дека 2024 е многу успешна година за нивната организација.

-Нашите волонтери ја подготвија и одиграа театарската претстава „Зошто Дедо Мраз носи црвено?“, а идејата произлезе од секојдневните активности кои ја промовираат хуманоста, заедништвото и желбата секогаш да се помогне. Во претставата на сцената настапија десет волонтери, но во целиот проект беа ангажирани околу 50 волонтери. Веруваме дека и в година повторно ќе учествуваме во програмата „Зимска приказна“ изјави за МИА, Лилјана Ристевска, претседателка на ОО на Црвен Крст-Битола.

Општинската организација на Црвен Крст годинава за прв пат организираше мини-олимпијада која во Битола ќе се одржува на секои две години.

-Оваа 2024 година ја оценуваме како успешна година, ги реализиравме сите проекти, а имавме и една новина, односно организиравме мини-олимпијада на Црвен Крст која планираме да прерасне во олимпијада со меѓународно учество. Според нас оваа активност е симбол и обележје за 2024 година затоа што беа вклучени 400 учесници, а сите средства што ги собравме ги дониравме на ЈЗУ Клиничка болница-Битола, посочи Ристевска.