Новогодишната порака на министерката за образование и наука Весна Јаневска:

Новата година ја почнуваме со надежи, очекувања и верба дека ќе биде година за паметење по добро, исполнета со радост и убави случувања.

По половина година заедничко работење за да го направиме образованието подобро и поквалитетно, во 2025 заедно со учениците и студентите, наставниците и родителите, со сите граѓани кои веруваат дека можеме да имаме напреден воспитно-образовен систем - продолжуваме.

Градиме образование на можности, во кое секое дете може да ги реализира своите потенцијали, кое го цени и вреднува придонесот на секој наставник, образование кое сплотува. Во септември почнавме со учебници за сите ученици, во јуни да ја завршиме учебната година со подобри резултати од лани. Тоа е целта на воведувањето едносменска настава и продолжениот престој во училиште, на растот на платите на вработените во училиштата, на реконструирањето и градењето нови училишни објекти, на промените во регулативата, на јакнењето на образовната асистенција и оптимизацијата на училишната мрежа. Во високото образование почнавме со промени кои ќе им понудат на студентите програми какви што бараат на странски универзитети, а нашите професори да можат да се одмеруваат на меѓународно ниво.

За да направиме стабилен воспитно-образовен систем во чии темели се вткаени најдобрите решенија што низ годините дале резултати и да го доградиме со нови решенија што ги бара дигиталното доба, треба да се здружиме сите што сакаме образовен исчекор.

Во новата година да се обединиме и да ги надминеме поделбите, затоа што сите имаме иста желба - нашите деца да добијат образование кое ќе им отвори животни и професионални можности какви што посакуваат.

Посакувам Новата година да Ви донесе добро здравје, многу моменти на среќа, радост и успех во остварувањето на сите ваши цели.

Министерка за образование и наука

Проф. Д-р Весна Јаневска

Министерство за образование и наука

-Ја чекаме одлуката на Тајсон Фјури за неговата кариера, како и борбата меѓу Даниел ДуБоа и Џозеф Паркер на 22 февруари. Планираме две борби во 2025. Една во лето и една во зима, изјави менаџерот.

Претседателот на промотивната компанија „Мечрум Боксинг“ додаде дека средбата меѓу Џошуа и Фјури може да стане најголемата борба во боксот во последните години.

-Никој не би бил заинтересиран за трета борба меѓу Фјури и Усик. Нема друг противник кој е посоодветен за Фјури од Џошуа, категорично изјави Херн.

Потсетуваме, Тајсон Фјури во 2024 година претрпе два порази од неприкосновениот шампион во дивизијата Александар Усик. Џошуа (35) беше нокаутиран од Даниел Дубоа.

Со концерт, со традиционален огномет, но оваа година за првпат бесшумен и со спектакуларно шоу со дронови, Атина ја дочека Новата година на плоштадот Синтагма, додека во Солун се одржа забава со диџеи кај Белата кула, јави дописничката на МИА од Атина.

На плоштадот Синтагма, општина Атина, организираше новогодишен концерт со учество на познати грчки пејачи, а градоначалникот Харис Дукас беше првиот што на граѓаните им ја честита Новата година.

На полноќ, стотици дронови го осветлија небото над Атина, упатувајќи желби за 2025 година, а огнометот годинава за првпат беше бесшумен.

Во Атина имаше дочек со концерти и на друга локација, организирана од периферијата Атика.

Во Солун, кај Белата Кула на која беа поставени специјални светла и рефлектори, се одржа забава со електронска музика и учество на познати диџеи, дочек поразличен од претходните години, а не изостана и огнометот.