-Нека 2025 година донесе здравје, среќа и благосостојба во вашите домови, сплотеност во нашата заедница и напредок во нашата борба за зачувување и унапредување на македонскиот идентитет и култура во Албанија, стои во честитката.

Се додава дека годината што е зад нас „беше исполнета со предизвици, но и со моменти на заеднички успеси и гордост“.

-Остануваме решителни во нашите напори за јакнење на положбата на Македонците во Албанија и зајакнување на врските со нашата татковина Македонија. Ви посакуваме празниците да ги поминете во кругот на вашите најмили, со радост и љубов, а Новата година да ни донесе нови можности за заеднички успеси. Среќна Нова година, посакува МАЕИ во честитката потпишана од претседателот Васил Стерјовски.

Честитка за среќна Нова година упати и претседателот на македонското друштво „Илинден“- Тирана, Никола Ѓурѓај како и градоначалникот на општина Пустец, Пали Колефски.

-Новата 2025 нека ви биде исполнета со многу здравје, радост, успеси и незаборавни моменти на среќа. Посакуваме подобра и помирна година насекаде, хуманоста и разбирањето да надвладеат во светот. Среќна Нова 2025, стои меѓу другото во честитките.

Таа потврди дека била запозната со кривичните дела на неколкуте осудени лица кои се помилувани по повод новогодишните празници.

- Се разбира дека знам. Работата е во рацете на Комисијата за помилување. Претходно стигна предлог од Министерството за правда, се видов дури и со министерот за правда. Ми ги опишаа сите случаи и да објаснам за јавноста- кога човек ќе чуе помилување мисли дека некој е целосно ослободен. Овие помилувања главно се однесуваат на три месеци, рече Сиљановска Давкова на новинарско прашање по посетата на припадниците на Армијата во касарната „Јане Сандански“ во Штип.

Според неа, една од основните забелешки на нашиот систем на помилувања или на намалувања на казните е многу кусиот период, затоа што, како што посочи, правото на помилување или на милост е човечко право и се оценува социјализацијата или ресоцијализацијата откако ќе се најдете во затвор. Она што е најважно, вели таа, при помилувањето е судот.

- Ниту Министерството за правда, ниту Комисијата за помилување можат или смеат да играат улога на истражни органи - да се јавуваат во АНБ или АР за да ги проверуваат луѓето. Тоа е работа на судот - значи судијата го креира профилот, досието што доаѓа кај нас. Само судот може да ги проверува фактите и доказите, не ние. За мене најважно е кој и како ја прави селекцијата во затворите - кога ќе побараат или самите затвореници или нивните најблиски намалување на казната и кој го ниже досието. Ако внатре ги немате сите потребни елементи, тогаш ниту Министерството за правда, ниту ние може навистина да имаме вистинска претстава за луѓето. Затоа, велам дека во иднина дури и во рамки на Судскиот совет би можело да се разгледува начинот на кој што судиите ги креираат досиејата за луѓето, бидејќи од тоа зависи како ќе постапуваме ние, потенцира претседателката на државата.

Според претседателката, потребен е нов модерен закон за помилување во кој што суштината ќе бидат луѓето затвореници.

Во однос на тоа дали би требало да се предвиди поголем период од три месеци за помилување, таа додава дека тоа треба да го предложат овластените предлагачи на закони, но вели, можеби е потребно да се преиспита и самата казнена политика.

- Ние не сме имале случај на помилување на луѓе кои биле доживотно осудени или на многу долги казни. Прашањето во Советот на Европа е зошто некому на 70 години да не овозможите да ја види светлината на денот и да си ги види своите. Сите тие прашања и многу други ќе дојдат на дневен ред и тоа ќе биде еден хуман пристап на една одговорна држава која води сметка за сите граѓани, вели Сиљановска Давкова.

Од Кабинетот на претседателката вчера информираа дека по повод новогодишните празници помилувани се седум лица од кои едно потполно, а шест делумно. Шестемина осудени лица се помилувани во траење од три месеци, а едно лице три месеци и четири дена, што кај него доведува до потполно ослободување од извршување на казната затвор.

Комисијата за помилување е дел од телата на претседателката, која по предлог на Министерството за правда одлучува кој и какво помилување ќе добијат затворенците со правосилни пресуди.

Сите членови на првата Комисија за помилување што беше формирана од Сиљановска Давкова, поднесоа оставка од функцијата по критиките во јавноста за дел од имињата на листата за помилување кои беа објавени по повод празникот 23 Октомври. Новиот состав на Комисијата беше формиран на крајот на ноември, а го предводи д-р Милка Ристова.

-Прекинување на транзитот на гас низ Украина ќе има драстично влијание врз сите нас во ЕУ, не само врз Руската Федерација, рече тој во видеото објавено на Фејсбук.

Од друга страна, полскиот министер за надворешни работи Радослав Шикорски го поздрави прекинот на транзитот на руски гас преку Украина, оценувајќи дека тоа е „уште една победа“ во однос на Москва.

Прекинувањето на капацитетот на Москва да испорачува гас директно до ЕУ е „нова победа по проширувањето на НАТО во Финска и Шведска“, напиша Шикорски на „Х“.

Киев и Москва во две одделни соопштенија потврдија дека испораките на руски гас преку Украина утринава дефинитивно се прекинати, по истекот на петгодишниот договор што двете страни го потпишаа на крајот на 2019 година.

Во последните недели Унгарија и Словачка се жалеа дека гасот ќе им биде прекинат на 31 декември без можни алтернативи.

Словачкиот премиер Фицо, кој е близок со Владимир Путин и чија земја е многу зависна од испораките на руски гас, на 22 декември отиде во Москва за да се обиде да најде решение за ситуацијата.

Неговата ненајавена посета го налути украинскиот претседател Володимир Зеленски, кој го обвини Фицо дека сака „да му помогне на Путин“.