На територијата на имало 33 приведувања и 28 сообраќајни незгоди од кои три со тешки телесни повреди.

-Од кривично-правно аспект на територија на државата се направени 29 кривични дела и приведени се 33 лица од кои 14 се поврзани со трговија со дрога на различни локации. Имало околу 28 сообраќајни незгоди од кои три со тешки телесни повреди, а за среќа немавме сообраќајни несреќи со најтешки последици така што генерално можам да заклучам дека имавме мирна и стабилна безбедносна состојба на теротирија на Македонија,- изјави – Панче Тошковски – Министер за внатрешни работи.

Но и оваа година пукањето петарди е сериозен проблем по здравјето и безбедноста на граѓаните посебно помладите. Тринаесет годишно момче останало без делови од прстите како последица од петардата која испукала во неговата десна дланка. Детето е примено на Ургентниот центар од каде велат дека генерално дежурните лекари за разлика од лани имале 30 отсто помалку пациенти, третирани од повреди во сообраќајки и физички пресметки но и странски државјанин во алкохолизирана состојба со повреди на главата.

-Имаме едно дете 13 – годишно коешто е со тешка повреда на раката од петарда кое е оперирано на Детската клиника за хирургија и најверојатно ќе биде со инвалидитет на раката. Направени се околу 35 прегледи од кои девет се сообраќајки со лесни телесни повреди и тие пациенти се пуштени на домашно лекување. Имаме двајца пациенти со физички напад од кои едниот е задржан на опсервација и денеска ќе биде пуштен дома,- изјави– Игор Мерџановски – Ургентен центар.

81 итен пациент имале на УК за хируршки болести Свети Наум Охридски од каде велат е вообичаен број како и во другите денови. Имале петмина повредени во сообраќајки и тројца повредени во тепачки. Дежурните доктори извршиле три оперативни интервенции. Д-р Небојша Настов сепак алармира на зголемениот број на малолетни пациенти поради повреди предизвикани од петарди во изминатите денови.

-Пред новогодишните празници педесетина повредени лица од петарди претежно малолетници на возраст од 12 до 17 години. За жал, тоа е најверојатно некој тренд, се користат се поголеми петарди со се поголемо барутно полнење и оставаат многу поголеми оштетувања односно траен инвалидитет кај децата за жал,- изјави – Небојша Настов – ГХБ Наум Охридски Скопје.

Од Токсикологија пак велат дека граѓаните ги послушале советите за умерено конзумирање на алкохол. Во текот на новодишната ноќ 18 лица се затруле со алкохол, најмладиот бил четиринаесетгодишник.

-Прегледани се 21 пациент од кои 18 како акутни труења со алкохол. Од тие 18 четири се од женски пол, 14 се од машки пол. Најмладата пациентка е 17 години а најстарата е 26 години. А кај машките најмладиот пациент е 14 години а најстариот е 38 години. Морам да потенцирам дека имаме помалку пациенти од минатата година,- изјави – Андон Чибишев – Клиника за токсикологија.

Од примените пациенти на Токсикологија еден е третиран поради тоа што измешал алкохол и таблети.

Персоналот на клиниката среќни што бебето е во добро здравје и малиот Дедо Мраз е во прегратката на мајката. Бебето е тешко 3190 грама и е долго 50 сантимери и прво бебе на Сања и Александар.

Традиционално, гости во Клиниката за гинекологија. Сопругата на премиерот Мицкоски Рози Мицкоски која му подари на бебето златник и подарок за семејството, министерот за здравство Таравари неговата сопруга Нора Тарвари, замениците министери Андовски и Велковски кој им подари златник. Директорката на клиниката со благодарност до дежурниот пресонал. И со голема радост раскажа дека по полноќ се родиле уште четири бебиња.

Некоја минута по полноќ и семејството Етем со радости на нивната рожба во новата година. Нивната ќерка Аја е првото дете во болницата за гинекологија Чаир тешка 3.110 и долга 50 сантимери.

- На мајката за која ова е прво дете и бебето Јаков во новата година им посакавме многу здравје и радости, со штедна книшка и пригодни подароци. Наша желба за младата Сања Талевска и за целото семејство е заедно да се радуваат на успесите на Јаков во годините кои претстојат, напиша Арсовска во објава на Фејсбук.

Првороденото бебе во Скопје го посетија и министерот за здравство Арбен Таравари со сопругата и сопругата на претседателот на Владата Христијан Мицкоски.