Состојбата е алармантна – јавниот превоз не функционира, сведоци сме на преполни контејнери, смет насекаде, а основните услуги што ги заслужуваат граѓаните се целосно запоставени.

Ги повикуваме ВМРО-ДПМНЕ и Арсовска да се вразумат и да престанат да се инаетат на грбот на скопјани.

Не е време за политички препукувања – време е за носење итни, разумни одлуки за решавање на проблемите со кои се соочуваат граѓаните на Скопје, но и сите останати граѓани кои секојдневно престојуваат во Скопје.

Советничката група на СДСМ и коалицијата демонстрира зрелост и лидерство во овие тешки моменти. Затоа, денес пред вас изнесуваме неколку разумни предлози за надминување на кризата во Скопје.

Ви ги претставуваме трите предлози што сметаме дека се клучни за надминување на кризата:

1. Измени и дополнување на Законот за финансиска поддршка на општините и јавните претпријатија основани од нив.

(Овој закон беше донесен во 2018 година од нашата Влада, кога беа сервисирани долговите на општините, вклучително и долгот на Град Скопје од над 30 милиони денари).

- Предлагаме, Собранието на РСМ, по скратена постапка, да ги усвои овие измени за да се обезбеди финансиска стабилност на Град Скопје. Нашите пратеници ќе го поднесат овој предлог.

2. Владата на РСМ итно да донесе одлука за доделување субвенции-евро дизел гориво од државните резерви за нафта.

- Предлагаме Владата на РСМ да обезбеди 2,5 милиони литри евро-дизел од државните резерви на нафта, кои би биле доволни за функционирање на јавниот превоз до крајот на 2024 година.

Ова е мерка што мора да се реализира веднаш, за да се стави крај на агонијата со јавниот превоз.

3. Предлагаме, пратениците во Собранието на РСМ да иницираат свикување на Надзорна расправа во Собранието за состојбата во Град Скопје. Одржувањето на надзорната расправа би било примерот на претходните расправи, за прашања од јавен интерес. Собранието на РСМ, како суверен претставник на волјата на граѓаните има легитимно право да расправа за овие прашања.

Се работи за доброто на сите граѓани, а не за мешање на надлежностите.

Почитувани,

Предлозите за надминување на кризата се СДСМ и коалицијата се реални, остварливи и насочени кон доброто на граѓаните.

Ги повикуваме сите советници во Советот на Град Скопје да ги поддржат овие предлози и да покажат одговорност.

Потребно е обединување на сите политички субјекти за доброто на Скопје.

Скопје не смее повеќе да биде жртва на политички битки. ВМРО-ДПМНЕ и Данела Арсовска мора да ја преземат својата одговорност и да почнат да работат за доброто на граѓаните.

СДСМ и коалицијата покажуваат и докажуваат дека се коалиција која нуди решенија.

Нашата заложба е јасна: скопјани заслужуваат град кој функционира, град кој обезбедува основни услуги, град кој го штити достоинството на своите жители.

Нема да дозволиме да бидеме параван за лошите политики што го уништуваат нашиот град.

Повикуваме на разум, обединување и заедничка акција за доброто на Скопје.

Време е за решенија. Граѓаните на Скопје тоа го очекуваат од нас.

Љубица Јанчева, координаторка на советничката група на СДСМ во Советот на Град Скопје

Годишната забава на тиражен магазин во Србија се одржа синоќа во хотел во главниот град, а кремот на српската јавна сцена беше на едно место.

Познатите се потрудија со стајлингот, а најголемо внимание привлече „новосадската барбика“ Наташа Беквалац.

Таа на забавата пристигна во машко друштво, облечена во долг црн фустан од тул со шлиц на страна, кој ја истакна нејзината совршена става. Посебно бујните гради.

Полицијата дознала за неговите планови во прикриена операција.

Харун Абдул-Малик Јенер (30) од Флорида е уапсен по повеќемесечна истрага спроведена од агенти на Федералното биро за истраги (ФБИ), на кои наводно им побарал помош да најде компоненти за експлозив, со цел да направи импровизирана бомба од цевка. Јенер верувал дека прикриените агенти се членови на паравоена група во која сакал да се зачлени.

Според ФБИ, осомничениот планирал експлозијата за да предизвика „ресетирање“ на власта во САД.

Тој им изјавил на агентите дека го избрал објектот на Њујоршката берза, бидејќи таков чин „би бил поддржан од многу луѓе“, открива ФБИ во соопштение.

- Јас сè видов одвнатре, ја знам поставеноста, таму речиси и да нема обезбедување“, изјавил тој подоцна на агентите.

ФБИ соопшти дека при претрес на магацин што му припаѓал на Јенер биле пронајдени скици на бомби, тајмери, матични плочи од компјутери и други електронски компоненти „што може да се користат за изработка на експлозивни направи“.

Анализата на историјата на пребарувачот на Јенер, извршена со судски налог за претрес, покажала дека од 2017 година посетувал страници „поврзани со изработка на бомби“. Дополнително, во неговите пораки и електронска пошта биле пронајдени и разговори на оваа тема.