Ученици денеска не стигнале на првиот а некој од нив ниту на вториот час, а некои од поодалечените места и воопшто не дошле. Учениците велат добро е што наставниците засега имаат разбирање за ситуацијата и не се пишуваат неоправдани извостаноци.

„(Прашање: Доцневте на училиште утринава – ДА да, ви рекоа нешто класните- не не знаат дека нема авотбуси, значи има разбирање од училиштето да да ...“

„Не не нема, во 7.40 тргнав и 20 минути немаше автобус....“

„Пешки, блиску сум, но некогаш користам.... (Прашање: Има соученици кои што доцнеа? )Да на прв час доцнеа....да има разбирање....“

„Доцнат доцнат децата, од 9 доаѓаат наместо од 8, има некој се и од 7.30...Доцниме на работа не можеме работните обврски да си ги извршиме....“

„Ако не дојде автобус пешки ќе одам....“

Дел од директорите на средните училишта со кој стапивме во контакт, велат забележливо било остуство на ученици на првите часови, но во текот на наставата состојабата се стабилизирала. Дали ќе има кратење на часовите, или некоја друга мерка ќе зависи од тоа како ќе се одвива ситуацијата, но и дали надлежните ќе препорачаат такво нешто.

„На првиот час имаше ученици кои каснеа тоа е генерално од приградските населби кои што доаѓаат, меѓутоа вече сите беа присутни од втор час. Ќе видиме како ќе биде сега во втора смена, други насоки се споменуваше околу тоа дали ќе има или нема да има кратење на часови не можеме да донесеме ние таква одлука, чекаме да видиме дали ќе им најава од надлежните институции за тоа...“ -изјави телефонска Митко Димовски – директор на СУГС Гиманзија „Орце Николов“.

Министерка за образование Весна Јаневска посочува дека согласно анализата на МОН од Е дневник утрово немало значајна разлика во отсуствата на учениците, односно неоправдани изостаноци, и таа е на ставот дека настаниците имаат разбирање – но истовремено упати апел до надлежните итно да се најде решение за јавниот превоз.

„Состојбата е многу лоша и срамота е во главниот град на Македонија во суштина да им се оневозможи правото на учениците да добијат соодветно образование, што им е загарантирано право и со Уставот. Искрено се надевам дека ќе се изнајде решение и за оваа ситуација затоа што е недозволиво сите напрои кои ги правиме, промените кои се обидуваме да ги спроведеме за подобробување на квалитетот на образованието да бидат на некој начин спречувани поради неорганизирансот на градските власти....“ -изјави Весна Јаневска – министерка за образование.

Колапсот со јавниот превоз се случува во време на колоквиумски недела – студентите револтирани велат се трудиме да стигенеме на испитите. Студентите од УКИМ синоќа испратија ултиматум до скопската градоначалничка Арсовска – ако не се реши хаосот со превозот тие утре ќе излезат на најавениот протест кој ќе се одржи пред град Скопје.

Пратеникот Љупчо Пренџов, претседател на Пратеничката група на Собранието за соработка со Парламентот на Австралија и со Парламентот на Нов Зеланд оствари средба со амбасадорот на Австралија за Македонија, со седиште во Белград, Даниел Емери.

На средбата се разговараше за односите меѓу двете земји, кои се оценети како мошне добри и пријателски, при што беа нагласени можностите за унапредување на економската соработка, пред се преку зголемување на нивото на инвестиции во земјава.

Беше истакнато дека следната година се заокружуваат три децении од воспоставувањето на дипломатските односи, како настан што ќе биде пригодно одбележан.

Беше нагласена и улогата на нашата дијаспора во Австралија, која е петта по бројност од неазиските заедници, како значаен мост во билатералната соработка.

Соговорниците се осврнаа и на можностите за унапредување на парламентарната соработка, посочувајќи и на взаемниот интерес за јакнење на политичкиот дијалог меѓу двете земји во рамки на мултилатералните организации, како ИПУ иНАТО.

Претходеше долга процедурална расправа меѓу координаторите на двете пратенички групи Мицевски и Крмов, околу тоа колку прашања најавиле а колку поставиле од Левица, во која беше спомнат и Апасиев.. Тој тогаш почна да довикува од место, фрли слушалки кон еден од пратениците, а неговите сопартијци се обидуваа да ја смират тензичната атмосфера.

Откако се смири ситуацијата, на говорницата излезе премиерот Мицкоски, кој беше прашан од Левица зошто Владата дала поддршка за именувањето на Радмила Шекеринска за втор човек на НАТО Алијансата. Тој и денеска повтори дека без ОГЛЕД на идеолошките разлики со неа, логично е да се поддржи единствената Македонка во конкуренција со кандидати од други држави.

Овие дополнителни пратенички прашања се алатка воведена со новиот деловник на Собранието. Целта е покрај редовната седница кадешто се поставуваат прашања до премиерот, министрите и првите луѓе на највисоките државни ограни, за прашања од опозиционерите да биде отстапен дополнителен простор од 2 часа.