Дали будење на духовите од минатото е цената за да се дојде на власт? Сака ли некој да ја зголеми рамката на Охридскиот договор и кој на крајот ќе ја плати сметката?

Новиот член на „црната листа“ стана бегалец од правдата, граничарот или системот, кој е одговорен?

Ќе „падне“ ли новогодишно и судењето против обвинетите за 27 април?

Професионални мерки или политичка чистка, кои петмина од судски совет ќе бидат на отпуст по празниците? Можна ли е брза департизација на институциите?

Како ТОЕФЕЛ-от од Пловдив го мина филтерот на антикорупционерите?

Превид или подметнување, како членови од криминалното подземје се најдоа на листата за помилување?

Во Бугарија не најдовме соговорник, постојано ја реафирмираме реформската агенда за ЕУ, кое е креативното решение за крај на билатералните бариери?

Вечерва кај Гоце Михајлоски ќе гостува Гордана Сиљановска Давкова, веднаш по вестите.

Д-р Мари Гдалевич ги продолжува нозете и интересот е огромен, сепак, таа беше принудена привремено да ја затвори својата клиника во Квебек откако канадската влада го забрани овој вид на интервенција.

Д-р Мари Гдалевич е специјалист по ортопедија која има приватна клиника во Квебек, Канада. Таа повеќе од 10 години прави остеотомија - операција за издолжување на нозе кај пациенти кои сакаат да „пораснат“ и да добијат висина. Операцијата чини 90.000 долари, а висината може да се зголеми за 7,62 см. Овој вид на операција, која се смета за најболна естетска интервенција, вклучува кршење на коските на нозете и потоа вметнување на метални шипки во нивната с’рж, која потоа постепено се издолжува за да ја принуди коската на ногата да расте.

Интересот за овој вид операција кај д-р Гдалевич е огромен и таа ги има пополнето сите термини до мај 2025 година. Таа врши операции кај луѓе со џуџест раст и деформитети на екстремитетите преку канадскиот јавен здравствен систем, но и приватно, кај млади мажи и жени кои сакаат да бидат повисоки.

Меѓутоа, неодамна властите во Квебек го отстраниле ваквиот тип на операции од списокот на одобрени хируршки интервенции, што практично значи дека на д-р Гдалевич ѝ е забрането да продолжи да ги изведува овие интервенции. Во спротивно, таа ќе биде принудена да ги сноси последиците и да плати огромни казни.

- Ортопедското здружение на Квебек се согласува да се изведуваат ваквите операции. Остеотомијата нуди можност за корекција на деформитетите, издолжување на екстремитетите, па дури и за продолжување на растот – изјави д-р Мари.

Не се наведува зошто овие операции се укинати, но не е тајна дека ваквиот тип на интервенција носи висок ризик и дека многу пациенти се пожалиле на компликации и на екстремна болка. Оваа постапка носи голем број ризици, а само некои од нив се:

оштетување на нервите

оштетување на мускулите

дислокации и артритис

траен инвалидитет

Џеферсон Косио (29), кој беше опериран на крајот на минатата година, призна дека не очекувал екстремни болки по интервенцијата. Болката била неподнослива, па не можел да стои, да седи, да јаде или да спие. На крајот, очајно молел да му ги извадат шипките од коските, но и сега е само делумно подобар. Тој сè уште трпи исклучително јаки болки, но како што изјавил, може да спие барем два часа секоја вечер.

Работата на д-р Гдалевич ѝ оди одлично, па таа неодамна отвори уште една клиника, но сега е принудена привремено да ја затвори или да ја пресели надвор од Квебек доколку сака да продолжи да ги изведува овие операции. Таа признава дека досега ги користела „дупките во законот“ и дека најчесто ѝ прогледувале низ прсти, но сега веќе добила строга забрана.

– Сериозно бев предупредена, па ако ја прекршам забраната, можам да завршам во затвор – признала таа, пренесува Дејли меил.

View this post on Instagram

A post shared by Dr Marie Gdalevitch (@cllcenter)

Во зрелите години виталноста е многу важна.

Сте се запрашале ли некогаш дали возраста на вашето тело одговара на возраста од вашата лична карта? Стареењето не е исто кај сите. Додека некои педесетгодишниците зрачат со виталност, некои триесетгодишни лица веќе ги чувствуваат последиците на заморот, болките и намалените физички способности. Начинот на живот, исхраната, физичката активност и стресот значително влијаат на биолошката возраст на телото, која може да се разликува од вашата хронолошка возраст.

- Вашата биолошка возраст ја одразува вистинската состојба на вашето тело - од виталноста на клетките до функционалноста на органите. Таа е појасен показател за вашето здравје отколку бројот на прославени родендени – се наведува на порталот на Сити магазин.

Еден едноставен, но веродостоен начин за проценка на биолошката возраст е тестот за рамнотежа, кој ги анализира невромускулните врски клучни за стабилноста и подвижноста. Се што ви треба за овој тест е малку време и стабилна површина за да ја извршите оваа вежба.

Како да го направите тестот?

Застанете боси на рамна површина. Затворете ги очите. Полека подигнете ја едната нога и обидете се да ја одржувате рамнотежата што е можно подолго. Мерењето престанува веднаш штом ќе ја изгубите рамнотежата.

Што откриваат резултатите од тестот?

Ако можете да стоите на една нога 30 секунди или повеќе, вашето тело има виталност на како дваесетгодишно.

Ако балансирате помеѓу 15 и 30 секунди, вашето тело функционира како кај четириесетгодишници.

Ако времето е помалку од 10 секунди, вашето тело има карактеристики како кај личност над 60 години.

- Доколку резултатот не е задоволителен, не треба да се обесхрабрувате. Биолошката возраст не е постојана. Имено, со промена на вашите навики, може значително да ја подобрите состојбата на вашето тело – велат експертите.

Како да ги подобрите резултатите?

За подобри резултати се препорачува редовна физичка активност, како јога, пилатес или таи чи, која ја подобрува рамнотежата. Дневни прошетки од најмалку 30 минути кои го намалуваат стресот и го одржуваат телото активно, исто така се делотворни, како и вежбите за сила и флексибилност за зачувување на мускулната маса. Избегнувајте долготрајно седење и неактивност.

Вашето тело е најдобриот водич за здравје. Слушајте го и усвојте навики кои ќе ви помогнат да се чувствувате помладо и повитално. Биолошката возраст не е судбина, со соодветна грижа можете да ја „вратите“.