Регион

Вучиќ: По никаква цена не го признаваме Косово

Претседателот на Србија Александар Вучиќ, вечерва говорејќи за протестите на опозицијата рече дека светските моќници сега треба да ја завршат валканата работа во Србија од три причини. 

Претседателот на Србија Александар Вучиќ, вечерва говорејќи за протестите на опозицијата рече дека светските моќници сега треба да ја завршат валканата работа кај нас од три причини - затоа што сакаат да ја завршат работата на КиМ што поскоро, не можат да поднесат Србија да биде водечка сила во регионот, како и затоа што тој и Србија се спротивставија на гласањето за резолуцијата за Сребреница во ОН, објави Телеграф.

„Што мислите, зошто им е потребна оваа валкана работа направена сега, од овие помоќни луѓе од странство, кои не се од регионот? Ним им треба најмалку од три причини. Првата причина е што се обидуваат да завршат сè за Косово како што е можно порано, и тие гледаат дека додека сум јас претседател и додека е оваа влада, по никоја цена нема да ја признаеме независноста на „Косово“, им порача Вучиќ на младите на форумот „Иднина, не минатото“, во организација на Српската напредна странка.

Тој објасни дека на моќните луѓе во светот тоа не им треба затоа што ги сакаат Албанците и ги мразат Србите, туку затоа што, како што наведе, рускиот претседател Владимир Путин, за да не може да се повика на т.н. „Косовски преседан“ кога се зборува за регионите Керсон, Запорожје, Доњецк, Луганск и Крим.

Како друга причина, тој наведе дека моќниците во светот не можат да поднесат Србија да биде водечка сила во регионот, потсетувајќи дека Србија во 2012 година била „трета или четврта“.

„Зошто не можат да издржат? Затоа што Србија е независна и суверена земја, на која не можете да ѝ наредите, која не одговара на тоа дека некој од амбасадата ќе се јави на телефон и ќе каже „овој закон е дозволен, овој закон не. Србија не го сакаше тоа, Србија никогаш нема да го сака. Србија сама носи одлуки.“

Како трета причина, тој го наведе противењето на усвојувањето на резолуцијата за Сребреница во мај оваа година и целата борба што ја следеше.

„Се сеќавате во мај, кога имавме обид да донесеме резолуција и тие на крајот ја донесоа, спротивно на сите закони, легитимитет и меѓународно јавно право, обичаите и нормите. Тие донесоа одлука да го одбележат денот на геноцидот во Сребреница. Ние се спротивставивме на тоа, знаејќи дека скапо ќе ме чини мене лично и сите што им се спротивставија“, рече Вучиќ.

Како пример наведе дека протестите во Србија ги поддржала Наташа Кандиќ, која се надева, како што оцени, дека ќе дојде влада која ќе каже дека во Сребреница имало геноцид.

„Можеби е подобро да не сум во каква било влада, отколку да бидам во такви влади, кои ќе им служат на интересите на другите, а не на интересите на мојот народ. И никогаш, додека сум жив, нема да го сменам мојот став “, рече Вучиќ.

Забава

Таа ја изведува најболната естетска операција на светот – чини 90.000 долари!

При која се кршат коски и се вградува метална шипка...

Д-р Мари Гдалевич ги продолжува нозете и интересот е огромен, сепак, таа беше принудена привремено да ја затвори својата клиника во Квебек откако канадската влада го забрани овој вид на интервенција.

Д-р Мари Гдалевич е специјалист по ортопедија која има приватна клиника во Квебек, Канада. Таа повеќе од 10 години прави остеотомија - операција за издолжување на нозе кај пациенти кои сакаат да „пораснат“ и да добијат висина. Операцијата чини 90.000 долари, а висината може да се зголеми за 7,62 см. Овој вид на операција, која се смета за најболна естетска интервенција, вклучува кршење на коските на нозете и потоа вметнување на метални шипки во нивната с’рж, која потоа постепено се издолжува за да ја принуди коската на ногата да расте.

Интересот за овој вид операција кај д-р Гдалевич е огромен и таа ги има пополнето сите термини до мај 2025 година. Таа врши операции кај луѓе со џуџест раст и деформитети на екстремитетите преку канадскиот јавен здравствен систем, но и приватно, кај млади мажи и жени кои сакаат да бидат повисоки.

Меѓутоа, неодамна властите во Квебек го отстраниле ваквиот тип на операции од списокот на одобрени хируршки интервенции, што практично значи дека на д-р Гдалевич ѝ е забрането да продолжи да ги изведува овие интервенции. Во спротивно, таа ќе биде принудена да ги сноси последиците и да плати огромни казни.

- Ортопедското здружение на Квебек се согласува да се изведуваат ваквите операции. Остеотомијата нуди можност за корекција на деформитетите, издолжување на екстремитетите, па дури и за продолжување на растот – изјави д-р Мари.

Не се наведува зошто овие операции се укинати, но не е тајна дека ваквиот тип на интервенција носи висок ризик и дека многу пациенти се пожалиле на компликации и на екстремна болка. Оваа постапка носи голем број ризици, а само некои од нив се:

оштетување на нервите

оштетување на мускулите

дислокации и артритис

траен инвалидитет

Џеферсон Косио (29), кој беше опериран на крајот на минатата година, призна дека не очекувал екстремни болки по интервенцијата. Болката била неподнослива, па не можел да стои, да седи, да јаде или да спие. На крајот, очајно молел да му ги извадат шипките од коските, но и сега е само делумно подобар. Тој сè уште трпи исклучително јаки болки, но како што изјавил, може да спие барем два часа секоја вечер.

Работата на д-р Гдалевич ѝ оди одлично, па таа неодамна отвори уште една клиника, но сега е принудена привремено да ја затвори или да ја пресели надвор од Квебек доколку сака да продолжи да ги изведува овие операции. Таа признава дека досега ги користела „дупките во законот“ и дека најчесто ѝ прогледувале низ прсти, но сега веќе добила строга забрана.

– Сериозно бев предупредена, па ако ја прекршам забраната, можам да завршам во затвор – признала таа, пренесува Дејли меил.

Живот

Јасно е колку години имате, но знаете ли колку е старо вашето тело?

 Дознајте со само една вежба, не е сеедно!

Во зрелите години виталноста е многу важна.

Сте се запрашале ли некогаш дали возраста на вашето тело одговара на возраста од вашата лична карта? Стареењето не е исто кај сите. Додека некои педесетгодишниците зрачат со виталност, некои триесетгодишни лица веќе ги чувствуваат последиците на заморот, болките и намалените физички способности. Начинот на живот, исхраната, физичката активност и стресот значително влијаат на биолошката возраст на телото, која може да се разликува од вашата хронолошка возраст.

- Вашата биолошка возраст ја одразува вистинската состојба на вашето тело - од виталноста на клетките до функционалноста на органите. Таа е појасен показател за вашето здравје отколку бројот на прославени родендени – се наведува на порталот на Сити магазин.

Еден едноставен, но веродостоен начин за проценка на биолошката возраст е тестот за рамнотежа, кој ги анализира невромускулните врски клучни за стабилноста и подвижноста. Се што ви треба за овој тест е малку време и стабилна површина за да ја извршите оваа вежба.

Како да го направите тестот?

Застанете боси на рамна површина. Затворете ги очите. Полека подигнете ја едната нога и обидете се да ја одржувате рамнотежата што е можно подолго. Мерењето престанува веднаш штом ќе ја изгубите рамнотежата.

Што откриваат резултатите од тестот?

Ако можете да стоите на една нога 30 секунди или повеќе, вашето тело има виталност на како дваесетгодишно.

Ако балансирате помеѓу 15 и 30 секунди, вашето тело функционира како кај четириесетгодишници.

Ако времето е помалку од 10 секунди, вашето тело има карактеристики како кај личност над 60 години.

- Доколку резултатот не е задоволителен, не треба да се обесхрабрувате. Биолошката возраст не е постојана. Имено, со промена на вашите навики, може значително да ја подобрите состојбата на вашето тело – велат експертите.

Како да ги подобрите резултатите?

За подобри резултати се препорачува редовна физичка активност, како јога, пилатес или таи чи, која ја подобрува рамнотежата. Дневни прошетки од најмалку 30 минути кои го намалуваат стресот и го одржуваат телото активно, исто така се делотворни, како и вежбите за сила и флексибилност за зачувување на мускулната маса. Избегнувајте долготрајно седење и неактивност.

Вашето тело е најдобриот водич за здравје. Слушајте го и усвојте навики кои ќе ви помогнат да се чувствувате помладо и повитално. Биолошката возраст не е судбина, со соодветна грижа можете да ја „вратите“.

Свет

Мигрант запали жена среде метрото во Њујорк- гледа како гори и ја снима (Вознемирувачко видео)

Себастијан Запета-Калил (33), мигрант од Гватемала, е осомничен дека ја запалил жената и ја убил, а наводно ја гледал како гори додека полицајците ја поминувале платформата за да ја спасат.

Осомничениот наводно седел на клупа на платформа на метрото во Бруклин пред вагонот додека пожарот беснеел внатре. Трагичниот настан се случил во неделата наутро, а полицајците кои биле на местото на настанот не го уапсиле веднаш Себастијан.

„Не знаејќи за полицајците што реагираа, осомничениот остана на местото на настанот и седеше на клупа на платформата веднаш надвор од вагонот, а камерите на телото на полицајците што реагираа обезбедија многу јасен детален поглед на убиецот“, рече комесарот на НЈПД, Џесика Тиш.

Осомничениот ѝ пришол на жената која била „неподвижна“ во вагонот додека се приближувал до станицата на авенијата Стилвел околу 7.30 часот, соопшти полицијата. Властите првично рекоа дека жената спиела. На видеото од внатрешноста на возот се гледа како осомничениот става ќебе врз жената, а жртвата е таму веќе вивната во пламен, според Си-Ен-Ен.

Запета-Калил е уапсен околу осум часа подоцна во воз на станицата Хералд Сквер во Мидтаун Менхетен, изјави началникот на транзитната полиција на Њујорк Џозеф Гулота. Во џебот имал запалка.

Жртвата се уште не е идентификувана. Надлежните не веруваат дека таа и осомничениот се познавале, пишува Метро.

Главниот службеник за безбедност на Метрополитенската транспортна управа, Мајкл Кемпер, тоа го нарече „брутално убиство“. Окружниот обвинител во Бруклин, Ерик Гонзалес, рече дека „изопаченоста на ова ужасно злосторство е надвор од разбирање“.

„Мојата канцеларија е посветена да ги изведе сторителите пред лицето на правдата. Овој ужасен и бесмислен чин на насилство врз ранлива жена ќе има најсериозни последици. Секој њујорчанец заслужува да се чувствува безбеден во нашата подземна железница, а ние ќе направиме сѐ што е во наша моќ да обезбеди одговорност во овој случај“, рече тој.

Инцидентот се случи само три дена откако гувернерката Кети Хочул објави дека 250 членови на Националната гарда ќе бидат распоредени низ системот на метрото на градот за да се зголеми безбедноста за време на празникот.

Запета-Калил влегол во САД илегално и бил обвинет за убиство од прв степен и подметнување пожар. Неговата адреса била засолниште за бездомници за мажи со проблеми со злоупотреба на супстанции во источен Њујорк.

притисни ентер