Регион

Вучиќ: Гробот на Тито нема да го преместиме од Куќата на цвеќето

-Никогаш не сум бил љубител на комунистите и на комунистичкиот режим, но Јосип Броз е дел од нашата историја. Тој живеел овде, бил погребан тука и ќе остане дел од југословенската и српската историја, изјави Вучиќ во интервју за Политико.

Гробот на Јосип Броз Тито нема да биде преместен од Куќата на цвеќето во Белград бидејќи Тито е дел од југословенската и српската историја, изјави српскиот претседател Александар Вучиќ, реагирајќи на идејата на белградскиот градоначалник Александар Шапиќ, пренесе Политико.

-Никогаш не сум бил љубител на комунистите и на комунистичкиот режим, но Јосип Броз е дел од нашата историја. Тој живеел овде, бил погребан тука и ќе остане дел од југословенската и српската историја, изјави Вучиќ во интервју за Политико, отфрлајќи ја идејата на градоначалникот на Белград и неговите сопартијци од владејачката Српска напредна партија.

Првиот човек на Белград, избран по неодамнешните избори за кои опозицијата тврдеше дека се украдени, претходно оваа недела ја објави иницијативата за преместување на гробот на југословенскиот претседател Јосип Броз Тито од Музејот на Југославија и гробовите на четворицата народни херои од Калемегдан, велејќи дека „еднаш засекогаш треба да се исчисти од болшевизмот и комунизмот“.

Свет

Во Јужна Каролина извршена прва смртна казна по 13 години

Во првата егзекуција во Јужна Каролина по 13 години, Фреди Овенс (46), кој беше погубен, беше осуден за убиство на службеник во продавница во Гринвил во 1997 година за време на вооружен грабеж.

Додека траеше судската постапка против него, Овенс убил уште еден затвореник во окружниот затвор.

Неговото признание за нападот беше прочитано пред две различни пороти и судија, кои сите го осудија на смрт.

Македонија

Николовски: ВМРО-ДПМНЕ лаже, не се точни објавите

Бројките изнесени од пратеникот на ВМРО-ДПМНЕ се неточни и со истите манипулираат, како само еден пример ќе кажам дека цената на хотелското сместување во Вермонт беше препорачано од тамошните власти и не изнесуваше повеќе од 150 долари по вечер.

Ние повторно сме сведоци на небулозни и смешни обвинувања од ВМРО-ДПМНЕ, кои во рекордно време успеаја да ги влошат односите со сите соседи и да ги расипат напорите за изградба на соработки во последните седум години. Овие напори резултираа со зголемен извоз на вино и земјоделски производи, учество на врвни саеми и промоција на нашите производи.

На пример, за прв пат во историјата, Македонија беше претставена на престижниот саем Белавита во Чикаго, што е причина за гордост. Понатаму, посетата во Вермонт вклучуваше највисоки претставници, меѓу кои и Секретарот за земјоделство на Вермонт, комесарот за шумарство и генералот на војската, кој е голем пријател на Македонија.

Посетата на Италија, беше заедно со Претседателот на Република Србија со кои заеднички се претставивме на уште еден престижен саем.

Во врска со цените на хотелските соби, сите се во согласност со нашите правилници, а хотелите се препорачани од нашите амбасади и претставништва во странство. Никогаш не сум одлучувал јас дирекно за моето сместување.

Дополнително, ВМРО-ДПМНЕ не се способни да се претстават на ниту еден саем во странство нити да ги промовираат нашите производи, доказ за тоа е испуштеното учество на саемот АГРА во Република Словенија, патем за кој актуелниот Министер ги купил авионските карти меѓутоа не бил присутен а тоа е поради нивната неспособност да организираат достојно претставување на нашите производи во странство.

Став на пратеникот Љупчо Николовски од СДСМ

Свет

Ердоган го обвини Израел дека сака да ја прошири војната во Газа во поширок регион

„Нападите против Либан во последните денови ја потврдија нашата загриженост за плановите на израелската администрација да ја прошири војната во регионот“.

Турскиот претседател Реџеп Таип Ердоган денеска го обвини Израел дека планира да ја прошири војната во Појасот Газа во поширокиот регион поради стравувањата дека судирите со либанската милиција Хезболах би можеле дополнително да ескалираат, јави ДПА.

„Нападите против Либан во последните денови ја потврдија нашата загриженост за плановите на израелската администрација да ја прошири војната во регионот“, изјави Ердоган во Истанбул пред да замине за Њујорк за да присуствува на Генералното собрание на ОН.

Регионот се соочува со „огромна криза“, рече турскиот претседател, кој го обвини Израел дека „врши напади како терористичка група“, мислејќи на неодамнешните пејџер експлозии што ги користеше Хезболах во Либан, за кои широко се обвинува Израел.

Нападите на Израел во Либан се „провокација“ со цел да се спроведе „радикалната ционистичка идеологија“, рече и Ердоган.

притисни ентер