Нападот следува откако Киев ги изврши првите напади со западно орѕжје врз руска територија. Според информациите на украинските власти мета бил индустриски објект во градот Днипро, а балистичката рактеа која наводно била истрелана во близина на рускиот град Астрахан преминала околу 1.200 километри за неколку минути. Информацијата за ракетата попладнево ја потврди украинскиот претседател Зеленски кој обвини дека Русија, на овој начин ја користи Украина како полигон за тестирање на оружје.

-Сите карактеристики: брзина, надморска височина – одговараат на оние на интерконтинентална балистичка ракета. Сите стручни проценки се во тек. Очигледно, Путин ја користи Украина како полигон за тестирање. Очигледно, Путин е преплашен кога до него едноставно постои нормален живот,- - Володимир Зеленски – Претседател на Украина.

Нападот следува откако Украина доби дозвола за користење на далекусежни ракети на руска територија. Дозвола која речиси веднаш беше искористена од украинската војска која истрела серија на ракети на руска територија. Официјална Москва засега молчи за нападот. Информацијата сепак, иако индиректно ја потврди портпаролката на Руското МНР Марија Захарова, на која за време на редовен брифинг со новинарите и беше јавено да не коментира ништо за тоа.

-Да, ало? /Маша/На брифинг сум. / Нападот на Јужмаш со балистичка ракета за што сите зборат, не коментираме за тоа воопшто. / Да, добро, благодарам,- - Марија Захарова – Портпарол на МНР на Русија.

Во меѓувреме, ден по тревогата, серијата на странски амбасади, вклучително и таа на САД во Киев, денеска се отворени. Дел од граѓаните пак, велат дека стравуваат од нови и далеку по разорни напади.

- Многу сакам мир. Не сакам нашата држава да страда. Сакам се да биде како порано. Но, без русите, без сето ова.

- Секој пат кога има сирена за воздушен напад, се криеме во засолништето.

- Јас сум многу исплашена денеска, многу канали на телеграм предупредуваат за многу воздушни напади.

Интерконтинтенталните балистички ракети спаѓаат во категоријата на оружје со долг дострел кое се лансира во вселената и потоа ослобдува една или повеќе боеви глави кои повторно влегуваат во атмосферата за да ги погодат своите цели. Проценките се дека тие имаат минимален дострел од 5 илјади километри, но некои од нив и над 9 илјади километри и можат со себа да носат нуклеарна боева глава.

Владата преку Акциски план со краткорочни мерки кои предвидуваат засилени контроли на возилата, редуцирана употреба на службените автомобили за 50 проценти и посебен сообраќаен режим за тешки товарни возила на територијата на Скопје ќе се справува со загадениот воздух. Од Владата преку наредба ги задолжуваат надлежните министерства за спроведување на десетина мерки, но тие ќе важат само во услови на алармантно загадување на воздухот. Освен во сообраќајот каде се бара и забрана за дотур на стоки и транспорт на градежни метеријали во најфрекфентнииот период, се предвидува и намалување на капцитиетите на фабриките со А интегрирана еколошка дозвола со иклучуок на оние кои пороизведуваат топлинска и електрична енергија и вонредни контроли на градилиштата. Се препорачува и ограничување на работното време на отворено и ослободување на ранливите групи на граѓани.

Од невладиниот сектор велат дека ваквите мерки не се доволни за справување со загадениот воздух и дека се потребни долгорочни.

„Ова може малку да го ублажи проблемот со загадувањето во најкритични денови, но никако не го решава. Единствено можно решение се долгорочни мерки и зафати како исфрлање на валканите горива мазуот и нафтата од јавните објекти... “- Јане Димески, граѓанска иницијатива „Шанса за Центар“.

Воздухот во Скопје, но и во остантите поголеми градови со недели наназад го надминува дозволениот праг за присуство на штетните пм честички. Метрополата во неколку наврати беше меѓу 10-те најзагадени градови во светот, според „Ај-Кју-Ер“.

Одлуката ќе стапи на сила на 28 ноември, кога ќе почне и рокот за собирање потписи за кандидатура на осмите претседателски избори од независноста на Хрватска. Кандидатите имаат рок од 12 дена да соберат 10.000 потписи на полнолетни граѓани, без разлика дали се поддржани од политички партии или се независни.

Секој избирач може да поддржи само еден кандидат со свој потпис. По 12 дена, Државната изборна комисија има рок од 48 часа да ги објави кандидатите кои ги исполниле условите за кандидирање.

Тоа значи дека изборната кампања официјално започнува на 13 декември и ќе трае до 28 декември на полноќ, односно 24 часа пред изборите, кога стапува на сила изборниот молк. Доколку ниту еден кандидат не освои мнозинство гласови во првиот круг, вториот изборен круг ќе се одржи на 12 јануари.

Петгодишниот мандат на актуелниот претседател Зоран Милановиќ истекува на 18 февруари следната година. Милановиќ претходно најави дека ќе се кандидира за уште еден претседателски мандат, а кандидатурата ја објавија уште 10 други кандидати.