Пулмолозите велат дека како прва заштита на секој граѓанин треба да е носење на масака или шал преку носот и устата. На клиниката за пулмологија е зголемен бројот на пациенти кои имаат проблеми со дишењето и без да имаат некои хронични заболувања, вели Зафировски.

Декември е месец со најмноуг пациенти и секоја година на клиниката за пулмолгија традиционално пред нова година се доделува награда и признание за најдобар хигиеничар, медицинска сестра, болничар,административен техничар и доктор.

Бараат одговорност за несреќата во Нови Сад каде животот го загубија 15 лица и процесуирање на лицата за кои тие велат дека вршат насилство врз нив. Протестот започна од плоштадот Славија, со 15 минутен молк за загинатите, а потоа половина час врева.

-Студентите бараат да се објави целата документација, сметаат дека процесот не бил транспарентен, дека тоа се јавни проекти и дека тоа треба да биде објавено, исто така се бара да прекине насилството кон студентите и учесниците на протестите, исто така да се процесуираат и тие кои го вршат насилството. / Тоа што ние го бараме е да се исполнат барањата, барањата мислам дека се јасни до сега и дека е јасно дека не се исполнети.

Властите во Белград пак тврдат дека сите барања на демонстрантите се исполнети, а ден по протестот, премиерот Вучевиќ во гостување за Пинк порача дека барањата од политичка природа како што кажа, за преодна влада во Србија не се прифатливи, а неговата партија нема никогаш да гласа за таква влада. Иако проценките на дел медиумите и на архивот на јавни собири се дека во Белград имало над 100 илјади луѓе, српската полиција официјално соопшти дека според нив бројката била барем три пати помала, односно најмногу 30 илјади.

-Се одржа и голем собир. Голем собир во Белград. Полицијата вели дека имало 28.000 до 29.000 луѓе. Исклучително голем број. Тие луѓе се ориентирани кон опозицијата и секогаш бев подготвен да слушнам што мислат, како мислат и што мислат дека е важно да се направи за нашата земја. Верувам дека многу повеќе луѓе размислуваат поинаку, па мораме да се слушаме едно со други. / Мене денеска ми беше малку напорен ден, сега со пријателите од претседателството завршив и со китење на оваа елка и утре не чека уште потежок ден. - Александар Вучиќ – Претседател на Србија

Србија изминатите неколку години речиси постојано е со протести, кои сепак нема да доведат до крај на владењето на Вучиќ, но јасна е фрустрацијата кај граѓаните – вели за Канал 5 реномираниот професор и експерт за Балканот Флоријан Бибер, (кој зборуваше и на неколку други теми, а чие интервју ќе го емитуваме деновиве)

-Секако, овие протести очигледно нема да резултират со крај на неговата влада, тој (Вучиќ- преживеал многу протести. Но, граѓани протестираат во Србија, секоја година од 2018 година, за разни причини, ни главната цел е секогаш иста, авторитарно не демократско владеење. И мислам дека е прашање на време и околности кога ова ќе вроди со плод. Дали сега е таква приликата прерано е да се каже, но мислам дека чувството на фрустрација и исто така по насилниот авторитарен одговор на владата сугерира дека трпението на граѓаните е при крај во Србија. - Флоријан Бибер – Професор и експерт за Балканот

Студентските протести во Србија, едни од најголемите изминатите две децении започнаа со блокадата на факултетот за драмски уметности во Белград, а потоа се проширија на повеќе од 50 факултетити ширум земјата. Главна причина за нив беше трагичната несреќа во Нови Сад и барањето за политичка и кривична одговорност.

Албанија се грижи за своите деца и во Албанија одлучуваат Албанците, изјави првиот човек на Владата Еди Рама, непосредно откако кинеската интернет компанија БајтДенс, во чија сопственост е платформата Тик Ток, побара „итно појаснување од албанската влада“ за одлуката за затворање на платформата во рок од една година.

Владата како што изјави Рама, одлуката ја донела по ладнокрното убиство на 14-годишниот мартин цани,ученик од училиштето „Фан Ноли’ во ноември годинава по кавга со негов соученик, и по едномесечни консултации меѓу претставниците на образованието и родителите

-Забраната на ТикТок за (најмалку) една година во Албанија не е избрзана реакција на еден инцидент, туку внимателно разгледана одлука донесена во консултација со родителските заедници во училиштата низ целата земја. ТикТок нема основа да бара појаснувања од Албанија бидејќи во Албанија одлуките ги носат Албанците, а не сопствениците на алгоритмот на ТикТок. Или ТикТок ги штити децата од Албанија или Албанија ќе ги заштити своите деца од ТикТок, се вели во реакцијата на албанскиот премиер.

Од друга страна, од кинеската компанија наведуваат дека не нашле докази дека сторителот или жртвата на тепачката пред училиштето „Фан Ноли“ во Тирана, ја користел платформата.

И во земјава во изминатиов период имаше десетици случаи на повредени деца, кои биле навлечени на предизвикот Супермен на апликацијата Тик Ток, поради што некои со потешки повреди завршија во болница, а најмладиот беше со само 10 години . забрана на тик ток но и регулирање на работата на другите социјални мрежи кај нас, побара партијата лдп.

-Децата стануваат жртви на опасни игри кои се пласираат преку социјалните мрежи. Тие содржини, под маската на „забава“, претставуваат сериозна закана за нивното физичко и ментално здравје, а ние како општество мора да преземеме одговорност и да ги спречиме ваквите несреќи. Немањето соодветна контрола врз содржините кои се достапни на социјалните мрежи овозможува ваквите „игри“ да стигнат до најранливите корисници, велат од лдп.

Комуникологот Бојан Кордалов смета дека наместо забрана Македонија треба да се насочи кон едукација и подигање на свеста за штетноста на Тик-Ток, но и да развие јасна статегија за можностите кои ги дава интернетот.

Албанија е првата земја во регионот која ја забрани платформата Тик-Ток. Користење на апликацијата е делумно или целосно забрането во повеќе земи, како Канада, Данска, ЕУ, Холандија, Нов Зеланд, Норвешка, Велика Британија, и САД. Во Франција на децата до 15 годишна возраст не им е дозволено да користат социјални медиуми, освен ако имаат дозвола од нивните родители.

Австралија неодамна го усвои најстрогиот закон за социјални медиуми во светот, забранувајќи им на децата под 16 години да користат каква било платформа.