Македонија

ВМРО-ДПМНЕ: Потрошувачката кошничка е намалена, пензиите се зголемија за 2500 денари

​Потрошувачката кошничка е намалена, пензиите се зголемија за 2500 денари, растат и платите, а со СДС се стагнираше. 

Владата на ВМРО-ДПМНЕ ја стабилизираше инфлацијата, која сега се движи меѓу 2 и 2.5%, во време на СДС стапките беа и двоцифрени во време кога во Европа беа едноцифрени.

Пензиите пораснаа за 2500 денари, а од следната година ќе пораснат уште за 2500 денари. Куповната моќ на пензионерите е зголемена.

Со владата на ВМРО-ДПМНЕ растат и платите, се постигна договор за раст на платите во образованието.

Раст на плати ќе има секаде и тој ќе биде реален, не како со СДС фиктивен.

Владата на ВМРО-ДПМНЕ работи за целосно подобрување на стандардот на граѓаните.

Изминатиов период ги саниравме лошите последици од владеењето на СДС.

Следуваат подобри денови за Македонската економија од тоа што беше пракса во време на СДС.

ВМРО-ДПМНЕ

Фудбал

УЕФА дисквалификува двајца полски судии кои пијани украле сообраќаен знак

Полските судии Бартош Франковски и Томаш Мусијал се дисквалификувани од Европската фудбалска асоцијација (УЕФА) поради кршење на јавниот ред и правила на однесување, јавува „Би-би-си“.

Исклучувањето на судиите на натпреварите под капата на УЕФА ќе трае до јуни 2025 година.

На почетокот на август, судиите требаше да ја делат правдата на натпреварот од третото квалификациско коло во Лигата на шампионите меѓу Динамо Киев и Ренџерс. Ноќта на 6 август, Франковски, Мусјал и уште еден маж беа приведени со украден сообраќаен знак. Во крвта на прекршителите е констатирана зголемена содржина на алкохол./МИА

Македонија

Пронајдена дрога во Битола, приведени две лица

Две лица се приведени во Битола откако кај нив е пронајдена дрога, соопшти денеска Министерството за внатрешни работи.

- Вчера полициски службеници од СВР - Битола го лишиле од слобода З.Б., на возраст од 31 година од овој град, затоа што при претрес во неговиот дом и помошни простории, извршен со судска наредба, биле пронајдени и одземени амфетамин и марихуана. Истиот ден, при лишувањето од слобода на З.Б., тој бил заедно со В.М., на возраст од 28 години од Битола и при претрес на патничко возило „хјундаи" со битолски регистарски ознаки, сопственост на В.М., биле пронајдени прашкаста и растителна материја, по што и В.М. е лишен од слобода, појаснија од МВР.

Тие се задржани во полициска станица и по документирање на случајот, ќе следува соодветна пријава.

Македонија

Приведен 49-годишен тетовец, при претрес пронајден хероин

Лицето било задржано во полициска станица.

Полициски службеници вчера во 17 часот го лишиле од слобода И.Х., на возраст од 49 години од Тетово, затоа што при претрес во неговиот дом и помошните простории, извршен со судска наредба, бил пронајден хероин, информираа попладнево од Министерството за внатрешни работи.

Лицето било задржано во полициска станица и по документирање на случајот, против него ќе следува соодветен поднесок.

притисни ентер