Свет

Вандие: Во следните 18 месеци на масата на НАТО ќе биде ставена цел за одбранбени трошоци

Во следните 18 месеци на масата на НАТО ќе биде ставена цел за одбранбени трошоци од три отсто од БДП.

Зајакнувањето на европската одбранбена индустрија и подобрувањето на воената мобилност бараат дополнителни средства, поради што е потребно издвојувањата за одбраната да бидат поголеми од сегашната цел на НАТО за најмалку два отсто од националниот БДП на секоја земјата членка, смета врховниот командант на НАТО за трансформација, францускиот адмирал Пјер Вандие.

- Треба да одвојуваме повеќе. Во следните 18 месеци на маса ќе биде ставена цел за три отсто од од БДП, вели Вандие во интервју за бриселскиот портал „Политико“, посочувајќи дека во време на Студената војна трошоците за одбраната изнесувале четири или пет проценти од БДП.

Според него, конфликтот во Украина, кој претставува комбинација на рововски борби и артилериски напади во стилот на Првата светска војна со користење на високотехнолошки дронови и проектили и кибер напади, ја наметнува потребата европските армии да ги ажурираат своите одбранбени планови, а тоа чини пари.

Вандие посочува дека за да победи во новата глобална трка во вооружување, Европа мора да презема поголеми ризици, да троши повеќе за одбраната, да биде поефикасна и да ја намали бирократијата.

- Европа не може да ја добие трката во вооружување со правилата што самата си ги наметна, вели Вандие во неговото прво интервју по преземањето на функцијата кон крајот на септември годинава.

Според него, барањата за „прекумерна усогласеност“ со регулативите во основа претставуваат пречки со кои се соочуваат европските производители на оружје.

- Ако (ЕУ) сака да остане во трката за вооружување, мора да ги смени правилата, нагласува францускиот адмирал.

Вандие оценува дека регулативите на ЕУ, кои се резултат на европскиот менталитет за намалување на ризиците, воспоставуваат процедури за вооружувањето што се „премногу бавни и недоволно флексибилни“

- Тоа прашање на психологија. Многу луѓе велат дека тоа не може да се направи, дека законските правила се такви, дека одредбите во Договорот (на ЕУ) се такви, вели Вандие, посочувајќи дека преземањето ризици е од фундаментално значење и дека Европа може да учи од американскиот пристап кон технологијата и иновациите.

Според него, во контекст на новата геополитика, на Вашингтон му е потреба силна европска одбранбена индустрија, која нема да биде само „подизведувач“ на американските компании.

- Време е да се разбудиме. Ние всушност можеме да направиме големи работи, што значи дека треба добро да ги користиме парите, да преземаме повеќе ризици и да пробаме повеќе работи, смета Вандие.

Македонија

Филипче на средба со претседателката Сиљановска-Давкова

Во овие моменти во Вила Водно почнува работната средба на претседателот на СДСМ, Венко Филипче и претседателката на државата Гордана Сиљановска – Давкова.

Изјави секако се најавени по завршувањето на средбата, која се одржува на барање на Филипче.

Пред Вила Водно е Ивана Стојановска.

Какви детали имаме засега за средбата, и кои се темите на разговор?

Целиот извештај погледнете го во видеото.

Македонија

Данела Арсовска нема да се кандидира за нов мандат

„Апсолутно не размислувам за нов мандат“ – се зборовите со кои градоначалничката Данела Арсовска денеска откри и ги отфрли сите можности повторно да се кандидира за прв човек на Скопје на локалните избори догодина. 

Причина за тоа, како што кажа, е поларизираната атмосфера која ја наметнуваат политички елити во државата, кои според нејзе не заслужуваат соработка со луѓе кои сакаат да донесат позитивни промени. Обвини, ако некој не „игра“ по нивно, тогаш се соочува со блокади и саботажи од страна на градскиот совет, а на тој начин вели одбива да работи.

-Јас кога се кандидирав за градоначалник ја имав поддршката од страна на ВМРО-ДПМНЕ, која за жал не успеа да се надмине себеси, односно неговото раководство, суетите се преголеми да му дозволите некому да работи без да му кажувате што и како да прави и благодарам, меѓутоа јас од такви луѓе и од луѓе кои што знаат само да саботираат и да блокираат не би сакала ни сакала никогаш повеќе да работам. - Данела Арсовска – Градоначалник на Скопје.

Арсовка ова го откри на претставувањето на новите шест ЦНГ - автобуси со кои се поднови ЈСП и се од турско производство, а се донација од ЕУ. Засега истите не се знае на која линија ќе сообраќаат, а на улица граѓаните ќе можат да ги видат за околу две недели, откако ќе завршат техничките процедури. Амбасадорот на ЕУ во земјава Рокас и министерот за животна средина Меџити кажаа дека пред се, со ваков тип на автобуси, целта е да се намали загадувањето.

Сепак, овие шест автобуси се далеку од решение на моменталната состојба на ЈСП. Се уште се користат владините 250те тони гориво кои беа позајмени на претпријатието, а се доволни за 10 до 14 дена. Во меѓувреме распишана е јавна набавка по скратена постапка за директно преговарање со добавувач, но до каде е процедурата, градоначалничката не откри. Арсовска сепак посочи дека главниот проблем останува долгот од државата кон претрпијатието за студентски стандард кој во јануари ќе изнесува 10 милиони евра, пари кои се потребни за сервисирање на автобусите, од кои повеќето се со дефекти паркирани во депоата.

Македонија

Хуманитарен концерт на неколку штипски здруженија

Здружението на слeпи лица-Штип заедно со фолклорниот ансамбл „Ветерани“ и здружението на пензионери организираат хуманитарен концерт, кој  вечер ќе се реализира на сцената на Центар на култура „Ацо Шопов“ Штип со почеток од 18 часот. 

Претседателот на Здружението на слепи лица, Драги Витанов вели влезот е слободен, но со можност граѓаните, љубителите на народната музика да донираат средства, кои ќе се искористат за голем број активности на здружението на слепи лица, кои догодина слават 70 годишен јубилеј.

-Собраните средства ќе бидат наменти за активности на здружението на слепи лица на град Штип. Планираме да организираме меѓународни шаховски турнири, концерт, ќе имаме гости од Бугарија и Сребија и слично, изјави Витанов.

Овој концерт се реализира за првпат годинава, со тенденција да прерасне во традиција. Концертот ќе се одвива во неколку делови, а ќе има гости од повеќе градови од државата.

-Од нашиот град ќе бидат група „Бекрии“, оркестарот при здружение на пензионери Штип, пеачката група „Орнаменти“, народниот оркестар, гости ќе имаме од Кочани, пријатели од Пробиштип, Штип и солисти од слепите лица од Кочани и Штип, вели Ванчо Ристов претседател на Фолклорен ансамбл на ветерани-Штип.

притисни ентер