Стразбур, Франција

Во град во источна Франција се наоѓа најстариот божиќен базар во земјата. Тој постои од 1570 година, а денес вообичаено го посетуваат два милиони луѓе секоја година. Овде, не е само Божиќниот базар што вреди да се истражи. Областа околу катедралата, на пр., е преобразена во блескава „Недојдија“, прошарена со подароци, треперливи светилки, закуски и - мирисот на цимет... Не е за чудо што Стразбур е познат како „главниот град на Божиќ“.

Базарот „Кристкинделсмарик“ (Christkindelsmärik) во Стразбур трае од 27 ноември до 27 декември.

Нирнберг, Германија

Можеби една причина зошто толку многу луѓе се собираат на Божиќниот базар во овој јужногермански град околу празниците е, се разбира - германскиот обичај „Кристкинд“ (Christkind) којшто е меѓу најпривлечните знаменитости... Исто како и целокупната атмосфера, со традиционални закуски и домашно вино, како и украсената кула на фонтаната „Шене брунен“ (Schöne Brunnen) од 14. век.

„Хауптмаркт“ (Hauptmarkt) во Нирнберг трае од 29 ноември до 24 декември.

Клисура Равена, Германија

Околу 40 метри под сводовите на огромниот Железнички мост во германската облат Шварцвалд се наоѓа Празничниот базар на клисурата Равена. Се работи за шаренило од колиби и необични божиќни светилки, некаде покриено со дебел слој снег. За уште поубав поглед, навечер целиот мост е осветлен во темно црвена боја.

Базарот во Равена трае од 22 ноември до 15 декември.

Виена, Австрија

Следниот базар на оваа листа, по правило, е најголемиот и, според многумина - навистина најдобар „Божиќен свет“. Со своите над 100 висококвалитетни тезги, едноставно, „ги вовлекува“ гостите во празнично расположение. „Ратхаусплац“ ќе трае од 11 ноември до 26 декември.

Единбург, Велика Британија

„Зимскиот фестивал“ во шкотската престолнина е голем и полн со настани, како и неговите легендарни новогодишни прослави. Се протега од „Источната улична градина на принцезите“ (East Princes Street Gardens) сè до „Ројал мајл“ (Royal Mile). Празничната екстраваганција вклучува лизгање на мраз, продавници за занаетчиски производи, храна и - многу тезги со виски.

Базарот на „Источната улична градина на принцезите“ трае од 18 ноември до 5 јануари.

Фалкенбург, Холандија

Некои од пештерите на градот се стари, велат - колку и самиот Божиќ... Имено, подземниот систем во југоисточна Холандија првично бил ископан од Римјаните пред речиси 2.000 години.

Базарот во Фалкенбург трае од 15 ноември до 5 јануари.

Келн, Германија

Божиќните базари во поранешната староримска колонија секоја година привлекуваат четири милиони гости. Траат од 18 ноември до 23 декември.

Бирмингем, Велика Британија

Овој Божиќен базар се смета за најголемиот „автентичен“ базар вон Германија и Австрија. Иако не може да говориме за автентичност, со сигурност може да се говори за добро поминато време. Тука се пробуваат ѓевреци, колбаси, греено вино, пиво и топло чоколадо, додека разгледувате рачно изработени дрвени украси и стаклени топчиња за на елка.

Базарот во Бирмингем трае од 1 ноември до 24 декември.

Севиља, Шпанија

Можеби најнеобичното искуство тука би било - санкање под палми на попријатна температура. Но, тоа не е сè што добивате на божиќниот пазар во Севиља, којшто, исто така, е познат и по својата музика во живо и карактеристичните андалузиски ракотворби.

Базарот во Севиља трае од 29 ноември до 23 декември. /МИА

На гласањето, кое се одржа денес во Хаг, нашата кандидатура освои 86 гласови, во конкуренција со три држави за две слободни места.

Министерот Муцунски на својата фејсбук страна истакна дека овој реизбор е потврда за нашата посветеност кон глобалните напори за разоружување и уништување на хемиското оружје, како и за нашата активна улога во поддршката на целите и принципите на Организацијата.

„Во следниот период, остануваме целосно посветени на зајакнувањето на меѓународната безбедност и примената на Конвенцијата за забрана на хемиското оружје.“, заклучи министерот Муцуски во својата објава.

-Секоја куќа во јужен Либан што ќе биде обновена и каде што ќе се формира терористичка база, ќе биде уништена, секое вооружување или прегрупирање на терористите ќе биде погодено, секој обид за шверц на оружје ќе биде спречен и секоја закана за нашите сили или за израелските граѓани веднаш ќе бидат уништена, му рече Кац на специјалниот координатор на ОН за Либан, Жанин Хенис-Плашарт.

Во сличен императивен дух беше и изјавата на портпаролот на израелската влада Дејвид Менсер, кој рече дека договорот со Либан ќе го остави Израел слободно да дејствува во самоодбрана за да ја елиминира заканата од шиитското движење Хезболах и за да може безбедно да ги врати дома жителите на северните израелски заедници.

Шефот на либанската дипломатија, Абдала Бу Хабиб, од своја страна, изрази надеж дека договорот за примирје меѓу Израел и Либан ќе биде потпишан до крајот на денот. Тој додаде дека либанската армија ќе биде подготвена да распореди најмалку 5.000 војници на југот на земјата кога израелските борци ќе се повлечат од областа и дека САД ќе играат клучна улога во обновата на инфраструктурата уништена од израелските напади.

Во последните часови се почесто се зборува за можен прекин на огнот во Либан. Договорот бара во следните 60 дена израелските единици да се повлечат од јужниот дел на земјата, што се смета за упориште на Хезболах, а на нивно место да бидат распоредени либанските вооружени сили. Самиот Хезболах ќе го прекине своето вооружено присуство во близина на границата јужно од реката Литани.

Предлогот веќе доби одобрување во Бејрут, каде заменик-претседателот на либанскиот парламент Елиас Бу Сааб вчера за Ројтерс изјави дека нема сериозни пречки за неговото спроведување доколку израелскиот премиер Бенјамин Нетанјаху не се премисли.

Знаците за дипломатски пробив беа придружени со воена ескалација. Денешните израелски воздушни напади предизвикаа дополнително уништување во јужните предградија на Бејрут, контролирани од Хезболах, додека милитантната група продолжи да истрелува ракети кон Израел./МИА