Свет

Си Џинпинг повика на сеопфатни напори за заштита на Кина од поплави

Кинескиот претседател Си Џинпинг денеска повика на сеопфатни напори за заштита на животите и имототите од поплави откако јужните провинции на Кина беа поплавени.

Тој повика да се направат сите можни напори за ослободување на заробените луѓе и за пронаоѓање на исчезнатите во поплавите и свлечиштата во јужна Кина. Повеќе од десет лица загинаа во поплавите и одроните предизвикани од обилните врнежи во последните денови во јужните кинески провинции.

Во провинцијата Гуангдонг, најмалку пет лица загинаа, а 13 останаа заробени поради поројни поплави и лизгање на земјиштето, објавија кинеските државни медиуми.

Медиумите јавуваат дека се уништени повеќе од 1.400 куќи, а уништени се 8.000 хектари род.

Четири лица загинаа во поплавите во југоисточната провинција Фуџијан. Четири лица се водат како исчезнати во големите поплави во регионот Ксинџијанг.

Метеоролозите најавија дека пообилни врнежи се очекуваат во јужните кинески провинции.

Македонија

Невреме со силен дожд, град и грмотевици во Скопје

Скопје вечерва е зафатено од силно невреме проследено со силен ветер, грмотевици и град на некои места. 

Во моментов силен дожд, проследен со грмотевици и ситен град има во скопската населба Ѓорче Петров, Карпош и во центарот на градот.

Претходно со силно невреме беше зафатен Полошкиот регион.

Се препорачува граѓаните да не бараат засолниште од дождот под осамени дрвја.

НБА

Хјустон Рокетс тргнува по Кевин Дурент

Хјустон Рокетс тргнува по Кевин Дурент, пишуваат американските медиуми.

Според доверливиот НБА инсајдер, Адријан Војнаровски, франшизата од Тексас на секој начин се обидува да ја донесе ѕвездата на Феникс ова лето.

Откако Микел Бриџис беше разменет од Бруклин во Њујорк, франшизата од Тексас ги стекна правата за идните избори на Феникс. И, тој ќе се обиде да ја искористи својата силна преговарачка моќ за да го доведе Дурент, кој е под договор на уште две сезони додека не стане незаштитен слободен агент во 2026 година.

Планот е Рокетс да го отстапат својот избор од првата рунда во 2026 година во корист на Санс. /МИА

Свет

Претседателот на Кенија го повлече законот за зголемување на данокот

Претседателот на Кенија, Вилијам Руто денеска најави дека нема да го потпише законот за зголемување на даноците еден ден по немирите во кои демонстрантите упаднаа во зградата на Парламентот, при што загинаа 22 лица.

Руто истакна дека предлог-законот предизвикал „општо незадоволство“ и оти ги слушал граѓаните и се „согласил“ со нив. Тој протестот го нарече предавнички.

Лидерот на кениската опозиција Раил Одинга го осуди убиството на демонстрантите и грубата сила на власта и повика на дијалог. /МИА

притисни ентер