Регион

Шести обид бугарскиот Парламент да избере претседател

Пратениците во бугарскиот Парламент денеска ќе направат шести обид да изберат претседател на 51-то Народно собрание откако не успеаја минатата недела за нов избор.

Новоизбраните пратеници положија заклетва на 11 ноември, но новиот парламент се уште не може да функционира поради неможноста политичките сили да се обединат околу кандидат за претседател на законодавниот дом, јави БТА.

На почетокот на оваа недела, лидерот на ГЕРБ, Бојко Борисов, изјави дека направил чекор назад, се повлекол од предлогото за функцијата претседател на парламентот и го предложил Атанас Атанасов од ПП-ДБ за функцијата.

Од ПП-ДБ во став испратен до медиумите одговорија дека Бојко Борисов за премиер е неприфатлив предлог и тие нема да учествуваат во трговија со функции.

Лидерот на „Има таков народ“ Слави Трифонов се изјасни остро против Бојко Борисов да биде премиер, а Атанас Атанасов да биде претседател на Собранието. Трифонов изјави дека ставот на ИТН останува непроменет. Партијата предложи најстариот пратеник - Силви Кирилов (ИТН) - привремено да раководи со парламентот.

По ставот на ПП-ДБ, вчера претседателот на ГЕРБ Бојко Борисов на брифинг соопшти дека категорично го повлекува барањето да биде кандидат за премиер. „Веднаш го враќам мандатот кога ќе го добијам“, додаде тој.

„БСП-Обединета левица“ ги покани политичките сили во Народното собрание без ГЕРБ-СДС и „ДПС-Нов почеток“ на средба во потрага по „излез од парламентарната криза“. Борислав Гуцанов од „БСП-Обединета левица“ по средбата дека се подготвени да разговараат за сите можни опции, вклучително и повлекување на кандидатите и нова кандидатура што би ги обединила сите околу нив.

Македонија

Јавен повик за избор на независни стручни лица - членови на телото „Скопје ЕПК 2028“

Град Скопје, објавен е јавен повик за избор на независни стручни лица – членови на телото Скопје ЕПК 2028, чија цел е водење, спроведување и координација на активностите кои произлегуваат од титулата Скопје 2028 - Европска престолнина на културата.

Во согласност со одлуката на Советот на Град Скопје, објавен е јавен повик за избор на независни стручни лица – членови на телото Скопје ЕПК 2028, чија цел е водење, спроведување и координација на активностите кои произлегуваат од титулата Скопје 2028 - Европска престолнина на културата.

Како што информира Град Скопје, јавниот повик е отворен за учество за физички лица со живеалиште на територија на Град Скопје кои имаат значително искуство во една или повеќе области по повикот со кои ќе придонесат за успешна реализација на Скопје 2028 - Европска престолнина на културата. Тоа се: изведбена уметност, музичка уметност, визуелна уметност и уметност на новите медиуми, издавачка и библиотечна дејност, музејска дејност и промоција на културно наследство, креативни индустрии, применета уметност и општествени науки.

Сите заинтересирани повеќе информации за јавниот повик можат да најдат на следниот линк: https://skopje.gov.mk/mk/apliciraj/javni-povici/

Фудбал

Инзаги за победата над Лајпциг: Никогаш не е лесно да се игра со ваков ривал

Тренерот на Интер, Симоне Инзаги се осврна на синоќешната победа над Лајпциг во 5. коло од Лигата на шампионите.

До трите бода „Нероазурите“ дојдоа со автоголот на Кастело Лукеба во првото полувреме.

-Одигравме одличен натпревар, постојано ја контролиравме ситуацијата, а против Лајпциг не е лесно. Повеќе напаѓаа во завршниот дел од играта, Зомер добро се снајде на голот. Штета што не успеавме да постигнеме втор, изјави Инзаги.

Интер во поредокот во Лигата на шампионите со 13 бодови, Лајпциг нема бодови и е на претпоследното, 33. место.

Македонија

Муцунски се сретна со специјалниот претставник на Германија за Западен Балкан Сарацин

Министерот за надворешни работи и надворешна трговија Тимчо Муцунски денеска се сретна со специјалниот претставник на Сојузна Република Германија за Западен Балкан Мануел Сарацин.

На средбата, како што информира Министерството за надворешни работи и надворешна трговија, беше дискутирано за евроинтегративните процеси на нашата држава, актуелните внатрешно-политички случувања и постигнувањата во реформските области. Посебно внимание беше посветено на очекувањата од новото раководство на европските институции и нивната улога во засилување на политиката на проширување на Европската Унија во претстојниот период.

Министерот Муцунски изразил благодарност за личниот ангажман на специјалниот претставник Сарацин во динамизирањето на евроинтегративните процеси на земјите од Западен Балкан. Тој исто така ја нагласил континуираната и силна поддршка на Германија за европската иднина на државата и на земјите од регионот, посебно преку активностите во рамките на Берлинскиот процес.

притисни ентер