Доколку канада се спои со САД, немаше да има царини, даноците значително ќе се намалат и тие ќе бидат целосно безбедни од заканата на руските и кинеските бродови кои постојано ги опкружуваат“, напиша Доналд Трамп на својот онлајн сервис Truth Social.

„Заедно - каква голема нација би била тоа“, дополни Трамп.

Објавата дојде само неколку часа откако 53-годишниот премиер на Канада, Џастин Трудо ја најави својата оставка поради високата инфлација во земјата, кризата на станбениот пазар и јавните услуги.

Претходно, Трамп најави дека ќе воведе царина од 25 проценти за увоз од Канада. По средбата со трудо во неговата приватна резиденција во Флорида, Фокс Њуз објави дека трамп му рекол на канадскиот лидер дека неговата земја треба да стане 51-та американска држава доколку не може да се справи со зголемените царини.

Трамп сака да го купи и островот Гренланд, кои припаѓа на Данска, а се закани и дека ќе го врати панамскиот канал под контрола на САД.

Мнозинството Украинци сè уште го поддржуваат претседателoт Володимир Зеленски, речиси три години по целосната инвазија на Русија, иако оваа поддршка значително се намали во текот на изминатата година, според резултатите од истражувањето објавено денеска од Mеѓународниот институт за социологија во Киев.

Институтот спроведе телефонско истражување на 2.000 луѓе кои живеат на територијата под контрола на Украина, во периодот од 2 до 17 декември - околу еден месец по победата на Доналд Трамп на претседателските избори во САД, што повторно ги поттикна шпекулациите за можни мировни преговори со Москва.

Според резултатите од истражувањето на крајот на 2024 година 52 отсто од анкетираните Украинци рекле дека „имаат доверба“ во Зеленски, број што нагло се намали од крајот на 2023 година (77 проценти), што ја одразува загубата на поддршката за украинскиот претседател по речиси три години војна со висок интензитет.

Поддршката за украинскиот лидер, кој е на функција од 2019 година, е поголема во западните (60 отсто) и централните (52 отсто) украинските региони релативно поштедени од војната, во споредба со оние на исток (само 42 отсто) и во југ (46 проценти), каде што се водат најголем дел од борбите.

Според истражувањето, речиси 39 отсто од Украинците сега велат дека „немаат доверба“ во Зеленски, што е речиси двојно повеќе од цифрата за декември 2023 година (22 проценти).

Украинскиот претседател беше избран во април 2019 година, ветувајќи дека ќе продолжи со мирот со Русија. Неговиот рејтинг потоа се намали пред да се зголеми на речиси 90 отсто по целосната инвазија на Русија во 2022 година./МИА

Триесет и двегодишниот Кореец се пресели во лондонскиот клуб во летото 2015 година. За тоа време одигра 431 натпревар, постигна 169 голови и 90 асистенции.

Сон се наоѓа на 4. место на листата на најдобри стрелци на Тотенхем.

Сезонава напаѓачот има седум гола и шест асистенции на 23 натпревари./МИА