Во пресрет на изборите во Бугарија, Мицкоски посакува Борисов да биде идниот мандатар за состав на Влада со оглед на тоа што партиите кои и двајцата ги водат се сестрински партии и дел од семејството на ЕПП.

-Со партијата ГЕРБ која ја води Бојко Борисов сме во исто семејство во Европската народна партија и логично е да посакам уште една политичка партија којашто доаѓа од нашето семејство да победи на изборите. Би било нелогично ако се однесувам како некои од лидерите коишто се дел од нашето семејство во Европската народна партија се однесуваа во минатото кои помагаа и соработуваа со левичарски опции вклучитолно и овде кај нас во Македонија. – Христијан Мицкоски – Претседател на Влада

Во Бугарија утре се одржуваат седми по ред парламентарни избори во последните три години. Во условиу на длабока политичка поделеност, партиите ќе се обидат да формираат стабилна коалиција иако анкетите покажуваат дека тоа нема да оди лесно.

ГЕРБ на Борисов има убедлива, околу 10-процентна предност, пред Продолжуваме со промените на Кирил Петков и проруската „Преродба“ на Костадин Костадинов, кои се борат за второто место. Вчера партиите ги испратија последните пораки до гласачите, а Борисов порача дека ако не му дадат барем 80 мандати, да се спремат за осми по ред избори.

-Политичарите му се должни на народот и затоа треба да мора да ја вратат безбедноста и мирот, а тоа се прави со влада со 4-годишен мандат. Јас гарантирам дека ГЕРБ ќе стори сé што е можно за да формира кабинет што ќе ги врати стабилноста и безбедноста. Излезете и гласајте. -– Бојко Борисов – ГЕРБ

- Гласајте за број 26 за да продолжат инвестициите за народот, повисоки плати, подобро образование и здравствено осигурување. – Асен Василев – Копретседател на Продолжуваме со промените

По оптимистичките најави на Таравари дека процесот на уставни измени може да почне во декември, Мицкоски е дециден дека нема поместување на веќе познатиот став.

-За да почне процесот на уставните измени потребно е тоа што ние го предлагаме да биде прифатено. Кога бугарскиот Парламент ќе го ратификува пристапниот договор на нашата земја во рамките на ЕУ да важат уставните измени што мислам дека е фер решение за сите. Инаку нашата позиција поврзана со уставните измени ја знаете, и мојата лична и како ВМРО ДПМНЕ и мислам дека тука не треба никој да има дилема дека ќе има ни милиметар понапред ни милиметар поназад. – Христијан Мицкоски – Претседател на Влада

Мицкоски потврди дека се откажува од испраќањето на писмото до ЕУ со кое имаше намера да ги потенцира нерационалните билатерални условувања од Бугарија на патот на евроинтеграциите и да предложи одложено дејство на уставните измени. Се што требало да има во писмото, рече дека е разговарано со лидерите на ЕУ вклучително и со шефицата на ЕК, Урсула Фон дер Лајен.

При претрес во неговиот дом во селото Грешница, извршен по судска наредба, полициските службеници пронајдоа и одзедоа три автоматски пушки калибар 7,62 милиметри, една ловна пушка, 10 ловни патрони и 188 куршуми калибар 7,62 милиметри, кои неовластено ги поседувал.. По целосно документирање на настанот, против него ќе биде поднесена соодветна пријава, велат од министерството за внатрешни работи..

За правните процедури вели дека веќе се изјасниле надлежните тела кои учествуваат во процесот на помилување, а за осуденикот кој крена најмногу прашина, Акиф Равмановски, водачот на кланот Барон, премиерот кажа дека тој веќе не е на слобода и покрај помилувањето кое го доби претходно.

-Тој случај е кукавичко јајце снесено од претходната влада кој требало да имплодира во овој период. Знам лицето дека е повторно приоведено и дознав дека има уште неколку дела кои се поврзани со ова лице. Нема да одам чекор понатаму да коментирам и да прејудицирам судски одлуки, јас сум човек легалист, верувам во презумпција на невиност.. Веќе доби истото лице 30-дневен притвор, па оставам на правосудните органи да одлучат како да постапуваат за други случаи кадешто постои основано сомениние за сторен криминал.- Христијан Мицкоски – претседател на Влада

Членот на комисијата за помилување, професорот Гордан Калајџиев, вели дека тие одлучувале според документите од судот и од министерството за правда, во кои стојат деталите за поведението и затворската историја на осуденикот, а не дека е шеф на криминална банда. Во синоќешниот поткаст „На кавга со Иван“ тој потврди дека листата за помилување е селекција од претходно доставен список од над 100 предлози за помилување од поранешниот министер за правда Кренар Лога.

-Човекот за кој се води дека е шеф на банда по судските списи е осуден за еден пиштол дома и пет куршуми. При тоа првостепениот суд, исто како и комисијата, му дал условна осуда. Апелација пак, што сум се зачудел како ги менува казните со многу построги, ги менува условните и паричните со казна затвор. - Гордан Калајџиев – член на Комисија за помилување

По низата реакции, за процедурата вчера се изјасни и министерот за правда Игор Филков, кој изјави дека правда не помилува туку дава само препорака за намалување на казна од 1 до 6 месеци.

Инаку, освен водачот на кланот Барон, меѓу осудениците со позвучни имиња се и братот на Шенки Версаче, Шенол Маслани, поранешниот градоначалник на Битола, Владимир Талески, и Марјан Ефремов, кој беше првообвинет во предметот „Шпион“.