Македонија

Стручен надзор во Детската клиника за смртта на 7 месечното бебе

Денеска се очекува да заврши стручниот надзор оформен од Министерството за здравство кој треба да покаже дали имало пропуст во лекувањето на седум месечниот Дамјан, кој почина на Детската клиника, откако претходно беше одбиен за хоспитализација.

За случајот од СДСМ и ДУИ бараат оставка од Таравари и од директорот на Клиниката, Реџеп Мемеди, поради направените пропусти кои резултирале со смрт на 19 бебиња и едно петгодишно дете во рок од шест месеци. Тарвари, не смета дека е логично и морално за секое починато дете да се бара оставка од министерот за здравство.

Од друга страна извештајот на Државниот санитарен и здравствен инспекторат кој утврди дека во моментот на прегледот во амбулантата немало доктор специјалист се уште не е испратен во Лекарската комора, поради што комората не може да преземе никакви мерки. Од таму велат дека ќе постапат според надлежностите дури откако ќе го добијат извештајот од ДСЗИ и од стручниот надзор од Министерството за здравство.

И покрај зачестените трагедии, граѓаните се уште имаат доверба во персоналот на Детска клиника.

Скопското обвинителство за овој случај се уште нема оформено предмет. Од таму информираат дека сепак имаат оформено предмет за 14 месчното бебе кое неодамна исто така почина на Детска клиника, откако не било навреме хоспитализирано.

Свет

Американски пилот обучувал кинески пилоти да слетаат на носачи на авиони- ќе му се суди во САД

Австралискиот јавен обвинител Марк Драјфус денеска го одобри барањето на САД за екстрадиција на поранешниот американски маринец Даниел Дуган, кој се соочува со бројни обвиненија.

Австралискиот јавен обвинител Марк Драјфус денеска го одобри барањето на САД за екстрадиција на поранешниот американски маринец Даниел Дуган, кој се соочува со бројни обвиненија, вклучително и кршење на американските закони за контрола на оружјето и обука на кинески воени пилоти да слетаат на носачи на авиони.

Дуган (55), натурализиран австралиски државјанин, бил уапсен од австралиската федерална полиција во октомври 2022 година во рурална област во државата Нов Јужен Велс, набргу по враќањето од Кина, каде што живеел од 2014 година, пренесува Си-Ен-Ен.

Обвинителот Драјфус рече дека одлучил Дуган да биде екстрадиран во САД за да се соочи со гонење. Дуган ги негира обвинувањата и наведува дека обучувал цивилни кинески пилоти.

Свет

Премиерот на Гренланд му одговори на Трамп за неговата желба да си го купи островот

„Гренланд не е на продажба.“, изјави денеска премиерот на таа данска автономна територија Муте Егеде, реагирајќи на новоизбраниот американски претседател Доналд Трамп дека САД ќе ја преземат „сопственоста и контролата“ на тој арктички остров.

„Гренланд е наш. Не сме на продажба и никогаш нема да бидеме на продажба. Не смееме да ја изгубиме нашата долга борба за слобода“, рече Егеде, пренесе Ројтерс.

Во неделата Трамп објави дека го избрал Кен Хавери, поранешниот американски амбасадор во Шведска, за нов американски амбасадор во Данска.

Трамп на својата платформа Truth Social напиша дека е апсолутно неопходно САД да ја преземат сопственоста и контролата на Гренланд за, како што наведе, националната безбедност и слободата ширум светот.

Американскиот конгресмен од Џорџија Мајк Колинс, сојузник на Трамп, во ноември сугерираше дека САД би можеле повторно да се обидат да го купат Гренланд, кој ѝ припаѓа на Данска.

Во 2019 година, Трамп изрази интерес за купување на Гренланд, нарекувајќи го „голем договор за недвижнини“.

Волстрит журнал потоа објави дека Трамп всушност ги сака богатите природни ресурси на данскиот остров, но данската премиерка Мете Фредериксен ја нарече идејата „апсурдна“, посочувајќи дека Гренланд „не е на продажба“.

Гренланд содржи огромни наслаги на ретки елементи кои се користат во производството на електрични возила и турбини на ветер.

Островот е автономен од 1979 година, а Данска ја задржува контролата над надворешните работи, одбраната и монетарната политика.

Од 2010 година, автономијата на Гренланд се прошири на подземните ресурси, вклучувајќи ги и активностите за истражување и експлоатација на минерали.

САД се обидоа да го купат Гренланд од Данска неколку пати, вклучително и во 1867 година, кога државниот секретар Вилијам Х. Севард преговараше за купување на Алјаска од Русија.

Друг обид да се купи се случи во 1910 година, а во 1946 година американската влада ѝ понуди на Данска понуда од 100 милиони долари, која таа ја одби.

Живот

Во септичка јама се пронајдени кломпи, стари 500 години

Холанѓаните се познати ширум светот по дрвените кломпи, но реткото откритие на 500 години стари кломпи во градот Алкмар покажа колку некогаш била раширена употребата на такви обувки.

- Во стара септичка јама во урбана средина се пронајдени кломпи. Значи, ова е многу значајно откритие на традиционалните обувки бидејќи сабо се поврзуваат со холандските фармери. Овој пар стар 500 години докажува дека кломпи се користеле и во урбаните средини - изјавила археологот Силке Ланге, пренесува Ројтерс.

Дрвените сабо стари 500 години се пронајдени минатиот месец во стара септичка јама откриена за време на изградбата на подземен контејнер за отпад во градот Алкмар, на околу 30 километри северозападно од Амстердам, соопштија општинските власти на Алкмар.

Ова се првите кломпи од бреза откриени досега во Холандија, а вкупно само 44 дрвени кломпи се откриени при различни ископувања во Холандија и Белгија.

притисни ентер