Македонија

Работна посета на министерот Муцунски во Прага

Средба со чешкиот министер за индустрија и трговија, Лукаш Влчек.

Министерот за надворешни работи и надворешна трговија, Тимчо Муцунски, вчера и денес е во работна посета на Прага, Чешка. Во рамките на посетата, тој утрово заедно со министерката за енергетика, Сања Божиновска, оствари средба со чешкиот министер за индустрија и трговија, Лукаш Влчек, а по средбата имаа свое обраќање на македонско-чешкиот бизнис форум.

Средбата со министерот Влчек се фокусираше на одличната економска соработка и интересот за нејзино понатамошно унапредување. Притоа, беше истакната важноста на досегашните состаноци на Мешовитиот комитет по Договорот за економска и индустриска соработка меѓу двете земји, како и размена на мислења за конкретни иницијативи и активности кои ќе придонесат за зајакнување на економските врски.

Во рамките на македонско-чешкиот бизнис форум, министрите Муцунски и Божиновска, заедно со чешкиот министер Влчек, ги претставија можностите за инвестирање во двете држави.

Презентирани беа иницијативите на македонската влада за подобрување на бизнис-климата, привлекување странски инвестиции и поттикнување на извозот. Дополнително, беа истакнати можностите за економска соработка и инвестициски проекти со цел земјава да стане следна дестинација за странски директни инвестиции, што ќе придонесе за засилено економско партнерство меѓу двете земји.

Македонија

Николовски: СДСМ реализираше 90% од ИПАРД 2

Пратеникот на СДСМ Љупчо Николовски во емисијата „На кавга со Иван“ на Канал 5 телевизија истакна од програмата ИПАРД 1 до 2015 година биле искористени само 10%, а 90% од средствата биле вратени.

Програмата ИПАРД 2, во периодот од 2017 до 2023 година има искористеност од 90%. Тоа е огромна разлика, нагласи Николовски, додавајќи дека СДСМ ги креираше политиките заедно со земјодлеците во нивен интерес.

Извозот на овошје и зеленчук драстично расте, извозот на преработувачката индустрија е зголемен за 100%, извозот на вино расте секоја година, има 300 нови винарии, земјодлеците користат зелена нафта, а членството во ЕУ мора да биде цел, за подобар квалитет на живот за граѓаните, за пристап до големиот европски пазар, но и за фондовите, кои ќе обезбедат модернизација на кој било сектор, вклучително и на земјодлеството, истакна пратеникот на СДСМ Љупчо Николовски.

СДСМ

Фудбал

Нејмар се повреди на вториот меч по враќањето на теренот

 Фудбалерот на Ал Хилал, Нејмар се повреди на синоќешниот натпревар со Естегал во азиската Лига на шампиони.

Бразилецот влезе во игра во 58. минута, но беше заменет 29 минути подоцна. Овој меч му беше втор по закрепнувањето од повредата на коленото. Нејмар паузираше од 18 октомври 2023 година.

- Почувствував многу силен грч. Ќе направиме преглед и се надевам дека не е ништо сериозно. Нормално е тоа да се случи една година по таа повреда, лекарите веќе ме предупредија, па треба да бидам внимателен, изјави Нејмар.

Ал Хилал победи со 3:0, трите гола ги постигна Александар Митровиќ.

Свет

Си-Би-Ес: Гласовите на жените во седумте колебливи држави можат да бидат пресудни

Победникот на денешните претседателски избори во САД би можел да биде одлучен според гласовите на жените ширум земјата, покажува анкетата спроведена од Си-Би-Ес Њуз.

Во анализата на резултатите од истражувањето се наведува дека потенцијално одлучувачките гласови им припаѓаат на жените во седум „свинг“ сојузни држави, односно оние држави за кои однапред не се знае кој кандидат ќе победи на нивната територија.

Демократската кандидатка Камала Харис смета на жените од предградијата да гласаат за неа, добивајќи неочекуван поттик во последните денови од кампањата од групата „Жените за САД“ (Women4US), која има за цел да апелира на жените со конзервативни ставови.

-Ќе го испратиме (републиканскиот кандидат) Доналд Трамп да се спакува, а потоа можеме да почнеме да разговараме продуктивно и да постигнеме компромис за прашања кои се важни за сите нас, изјави коосновачот на „Жените за САД“, Срефани Шарп.

Таа истакна дека пораките на групата се насочени кон жените кои биле исклучени од реториката на Трамп за време на кампањата и неговата улога во поништувањето на одлуката на Врховниот суд на САД Ро против Вејд.

Од друга страна, Трамп за време на неодамнешниот митинг во Висконсин рече дека „сака да ги заштити жените“ и дека ќе го стори тоа „сакале или не“.

Си-Би-Ес објави дека жените поддржувачи на Трамп се скептични за пораките на „Жените за САД“ и не веруваат дека Харис има поголема поддршка од жените во земјата.

Неименуван висок функционер од кампањата на Трамп изјави за Си-Би-Ес Њуз изјави дека дури и ако Харис подобро се справува со жените, тие мислат дека популарноста на Трамп меѓу мажите е повлијателна.

Американците денеска ќе излезат на гласање за да го изберат новиот, 47. претседател на САД, но ќе гласаат и за членовите на Конгресот, кои имаат клучна улога во носењето закони. Ова се 60-ти претседателски избори по ред, а се одржуваат заедно со избори за сите места во Претставничкиот дом и 33 места во Сенатот.

притисни ентер