Како чистењето на домот да стане малку попријатно?

Бришењето прашина е нешто бескрајно заморно, а и здодевно, и нема ништо поиритирачко од чистењето на домот, темелното бришење на прашината која повторно ќе се појави за 24 часа. Верувале или не, решението на овој проблем се крие во музејот.

Веројатно досега сте пробале неколку начини да ја отстраните досадната прашина, но ако му се верува на познатиот музеј Смитсонијан, тајната состојка е глицеринот, кој можете да го најдете во повеќето аптеки.

Имено, не е доволно само да ја исчистите прашината, туку и да спречите да се појави некое време.

Сè што треба да направите е да измешате 5 литри вода со 3 лажици глицерин, да ја потопите крпата во оваа смеса и со неа да ги избришете подот, огледалата и мебелот.

Глицеринот е ефикасен и за отстранување на дамки од кафе или чај од облеката. Врз свежата дамка нанесете комбинација од кујнска сол и глицерин (во сооднос 1:1), а штом дамката ќе избледи, исперете ја облеката на стандарден начин.

Како да отстраните дамки од јајце, сладолед или млеко?

Овие намирници содржат протеини и сложени хемиски состојки. Ако е можно, исперете ги прво дамките со ладна вода. Ако не, оставете ги дамките да се исушат, а потоа со четка исчистете колку што можете повеќе. Потоа исчистете ги дамките со разреден шампон, а на крај и со разреден амонијак.

Имајте на ум дека свилата и волната се протеински влакна и може да се оштетат со ваквиот начин на чистење.

Со крпа на која има малку глицерин може да третирате излитени делови од кожна облека или мебел.

За темелно чистење на прозорците измешајте глицерин и етил алкохол во сооднос 1:10, и со оваа смеса избришете го стаклото, пишува mci.si.edu.

Извор: srecna.republika.rs