Руските сили ги зазедоа селата Серебријанка и Миколаивка во областа Доњецк во источна Украина, соопшти руското Министерство за одбрана, додека воените блогери известуваа за рускиот напредок во близина на клучните градови на фронтот.

Украинскиот Генералштаб соопшти дека неговите сили ги одбиле сите 12 руски напади во областа околу Серебријанка, на северната граница на регионот Доњецк. Се наведува дека жестоки борби ги зафатиле градовите на приодот кон Покровск, следниот клучен логистички град во континуираниот продор на руската војска кон запад во регионот на Доњецк.

Популарниот украински воен блогер DeepState вели дека украинските војници се соочиле со тешка задача да го одбранат Селидово, град југозападно од Миколаивка. Заземањето на Селидово би го отворило патот за руското напредување кон Покровск.

Претходно вчера, руските воени блогери известуваа за борбите околу Селидово и три други градови - Курахово и Хирник на југ и Торечко на североисток.

Руските сили, испратени во Украина во февруари 2022 година, напредуваа во септември со најбрзо темпо од март 2022 година и покрај тоа што Украина зазеде одредена територија по инвазијата на рускиот регион Курск во август.

Во Скопје Фон Дер Лајен ќе има средба со претседателката Силјановска Давкова и премиерот Мицкоски со кого ќе одржат заедничка прес конференција.

Настанот го следи Михајло Видимлиски.

Михајло кои се очекувањата за денеска, какви пораки се очекува да испрати Фон Дер Лајен?

Целиот извештај погледнете го во видеото.

Ноќеска Клиперс загубија од Феникс санс по продолжение (113:116).

Натпреварот се одигра во новата арена на клубот „Интуит Доме“. Клиперси во најголемиот дел од мечот беа во водство, но на крајот не успеаја да победат.

- Толку сум разочаран што не ја добивме победата. Историски меч во Инглвуд, навивачите ги наполнија трибините и беа одлични, тие го направија своето, мора да се покажеме и ние, изјави Харден.

Тој беше најефикасен кошаркар на средбата, постигнувајќи 29 поени, 12 скока и осум асистенции.