Македонија

Променливо облачно, со магла по одделни котлини

Времето денеска во земјава ќе биде променливо облачно, по одделни котлини со појава на магла или ниска облачност.

Кон крајот на денот и во текот на ноќта во западните делови ќе има слаби локални врнежи од дожд. Ќе дува слаб до умерен ветер од јужен правец, соопшти УХМР.

Минималната температура ќе биде во интервал од -2 до 4, а максималната ќе достигне од 6 до 13 степени.

Во Скопје променливо облачно со појава на магла. Минималната температура ќе се спушти до 0, а максималната ќе достигне до 6 степени.

До петок ќе се задржи стабилно време со слаб, наместа умерен јужен ветер. По котлините ќе има појава на магла или ниска облачност и таму температурите ќе се задржат пониски. Во останатите места ќе биде релативно топло, особено на планините каде ќе има постепено топење на снежната покривка.

Во петок попладне и за време на викендот ќе има повремени врнежи кои најпрво ќе бидат од дожд, а поради спуштање на постудена воздушна маса со северен ветер постепено ќе преминуваат во снег.

Свет

Романија не успева да задржи странски работници: од 100.000 луѓе, 65.000 ја напуштиле земјата

На 100.000 луѓе од земји кои не се членки на ЕУ во последните години годишно им се дава право на работа во Романија, но голем дел од нив не остануваат трајно во земјата.

Во 2025 година Романија повторно ќе издаде работни дозволи за 100.000 странски работници во потрага по решение за кризата на пазарот на трудот. Исто толку биле ангажирани и лани, но околу 65.000 од нив си заминале.

Во текот на изминатите четири години, Романија дозволи 350.000 работници кои не се членки на ЕУ да влезат на нејзиниот пазар на труд. На крајот на 2024 година записите покажуваат дека од нив останале 150.000.

Претставничката на платформата за регрутирање работна сила, Ана Калугару, коментира дека многу азиски баратели на работа ја гледаат Романија само како транзитна точка кон другите земји во Западна Европа. Според Калугару, друго објаснување за оваа ситуација е неуспешната интеграција на пазарот на трудот.

Главните области на активност на странските работници во Романија се гостопримството и набавките./МИА

Македонија

Скопје меѓу најзагадените градови во светот, утринава беше на 4 место

Скопјани и утринава дишат токсичен воздух, главниот град и понатаму e меѓу Најзагадените градови во светот , утринава беше на четвртото место, со индекс на загадување од 187, според податоци на платформата „Ај-кју-ер“.

Како главен загадувач се наведени ПМ 2,5 честичките чија концентрација е 106, 6 микрограми на кубен метар, додека ПМ 10 честитичките се со концентрација од 134,5 микограми на кубен метар. Концентрацијата на ПМ 2,5 во главниот град во моментов е 21,3 пати поголема од годишната вредност на упатството за квалитетот на воздухот на светската здравствена организација

Еко активистите алармираат дека се потребни итни мерки, поради сериозните последици врз здравјето на лугето од аерозагадувањето

Забава

Мила Стефановска – најмладиот глас на „Златно Славејче“ со песната „Мила прави торта“

На само 6 години, малата Мила Стефановска успеа да внесе свежина, искреност и несекојдневен шарм на големата сцена на „Златно Славејче“, со своето музичко деби - песната „Мила прави торта“.

Оваа манифестација, која долги години претставува платформа за промоција на детскиот талент, доби ново лице во ликот на најмладата учесничка досега, која со својата храброст, детска искреност и талент ги воодушеви сите присутни.

Песната „Мила прави торта“ не е само детска композиција – таа е весела ода за радоста на животот, малите моменти и моќта на љубовта што ги прави работите поубави. Со разигран текст и мелодија што веднаш се памети, оваа песна ве носи назад во најбезгрижните детски денови.

Настапот на Мила на сцената на „Златно Славејче“ беше нејзиниот прв чекор во светот на музиката, а нејзината природност и шарм беа најголемите ѕвезди на вечерта.

Покрај тоа што успеа да се истакне како најмладата учесничка на „Златно Славејче“, Мила стана инспирација за сите деца кои сонуваат да застанат на големата сцена. Со својата насмевка и харизма, таа покажа дека нема прерано време за да се започне со исполнување на соништата.

Оваа песна е достапна за сите кои сакаат да ја слушнат радоста што ја носи детството и да ја почувствуваат магијата на музиката преку гласот на Мила. Без сомнеж, „Мила прави торта“ ќе стане мелодија која ќе се пее во домовите, градинките и училиштата, носејќи среќа и насмевки каде и да се слушне.