Забава

21 милион прегледи: Како изгледа животот на едно семејство во Јакутск?

Можете ли да го замислите денот како сечете мраз за вашето семејство да има вода за пиење тој ден, додека температурата надвор е значително под нулата? Или да можете да се бањате само еднаш неделно? За некои ваквиот живот е секојдневие.

Денеска во Јакутск, најстудениот град во светот, температурата е -31°C. Што е и добро, со оглед на тоа дека во текот на зимата таму температурите паѓаат и до -50°C, а најниската температура досега измерена во овој руски град е -71 степен (поточно во селото Ојмјакон, кое се смета најстуденото место на земјата).

Најстудениот месец во Јакутск е јануари, а жителите на градот преземаат дополнителни мерки на претпазливост за да се заштитат. Меѓутоа, воздухот е доволно студен за да ви ја вкочани изложената кожа, па постои постојана опасност од смрзнатини.

Каков е животот таму?

Киун Б. пораснала во Јакутск, Сибир, и го документира својот живот на нејзиниот канал на Јутуб, каде што има над 1,4 милиони претплатници. Нејзините видеа имаат милионски прегледи. Пред десетина месеци таа објави видео наречено „Одгледување на 22 деца во најстудениот град на светот“, кое до денес има околу 21 милион прегледи.

Во тоа видео таа опишува дека денот на таткото Александар Павлов започнува со сечење на мраз за семејството за тоа да има доволно вода тој ден. Семејството Павлов има 22 деца, од кои 18 се посвоени. Осум од нив сè уште живеат во семејниот дом, додека другите пораснале и основале свои семејства. Училиштата не работат кога надвор е многу студено.

Киун вели дека градот има функционален јавен превоз кој функционира и во услови на екстремен студ. Зеленчукот и овошјето се многу скапи во тој град, па често користат замрзната храна.

Како се забавуваат?

Во едно видео таа опишува како граѓаните се забавуваат кога е екстремно студено. Луѓето со деца ги поминуваат викендите дома на топло, а само во сабота пазаруваат за да се снабдат со намирници. Помладите слободното време го поминуваат лизгајќи на мраз, посетувајќи музеи, или кино, или одат на шопинг.

Зошто мештаните не се преселуваат на потопло место?

Некои велат дека не го сакаат студот, но се навикнати на него. „Кога температурата ќе падне под -50°C чувствувате студ, тешко се дише и не ви е до ништо“, вели еден граѓанин.

"Во зима е убаво. Ми се допаѓа зимата овде", "Сакам да патувам. Работам овде и сакам да одам на патувања, но не би живеела на друго место", додаваат други жени.

Киун вели дека мештаните се навикнати на студот и дека и покрај предизвиците не сакаат да живеат во потопло место.

Автомобилизам

Лоеб: Нема издржани аргументи за нашето исклучување

Деветкратниот светски шампион во рели, Себастиен Лоеб, објасни дека одлуката на ФИА да го дисквалификува од релито Дакар страдала од „недостаток на цврсти аргументи“ и призна дека е разочаран од неговото предвремено отпаѓање.

Вчера, Лоеб и неговиот совозач Фабијан Луркин имаа тешка несреќа на самиот старт на третата етапа од релито, но успеаја да продолжат и да го доведат својот прототип „Дачија Сандрајдер“ до целта и покрај тоа што загубија повеќе од еден час.

Сепак, последователната проверка на автомобилот откри дека дел од ролната на автомобилот е свиткана и затоа екипажот е исклучен, а „Дачија“ изјави дека ќе се жали на одлуката.

-Навистина е разочарувачки што мораме да се вратиме во Џеда наместо да ја продолжиме борбата. Видовте што се случува со болидите. Еден час и 15 минути од лидерот ништо не е загубено. Да, ќе почневме поназад, но ќе имавме шанса да постигнеме нешто, изјави Лоеб.

Легендарниот возач вчера потроши време и на самата несреќа - превртувањето со голема брзина.

-Немам зборови да објаснам што се случи. Не притискав многу, но беше многу непријатна компресија и задникот отскокна, едноставно е. Во овој момент не можев многу да направам. Се случуваат такви работи, но тоа не ја прави ситуацијата помалку непријатна, призна Французинот.

Тој даде мислење и за одлуката на ФИА по проверката на неговиот болид.

-Вчерашната одлука е многу тешко да се прифати. За мене ова е непријатно и разочарувачко, бидејќи според мене на оваа одлука и недостасуваат цврсти аргументи. Се разбира, безбедноста е супер важна, тоа го разбирам. Но, лимитот поставен од ФИА се чини дека не е многу погоден за нашата дисциплина бидејќи се натпреваруваме во екстремни услови. Нашиот тим обезбеди докази за да докаже дека ролната останува цврста и силна, имам целосна доверба во тимот. Дури и со голо око, можете да видите дека нема компромис за безбедноста. Да, ова е тешко да се прифати, изјави уште Лоеб. /МИА

Живот

Невработеноста во САД останува 4,2 отсто, помал број Американци пријавиле невработеност

Бројот на Американци кои примаат надоместок за невработеност неочекувано се намалил минатата недела, а тоа укажува на стабилност на пазарот на трудот на почетокот од годината, додека стапката на невработеност се предвидува да остане 4,2 отсто.

Иако на почетокот од годината бројот на барања за надоместок за невработеност обично е нестабилен, годинава овој показател можеби е поврзан со ниското ниво на отпуштања. Стабилноста на пазарот на трудот е потврдена со податоците објавени во синоќа што кои покажуваат раст на бројот на работни места во ноември: на секој невработен имало 1,13 отворени работни места, споредено со 1.12 во октомври.

Се очекува дека состојбата на пазарот на трудот во САД да овозможи Федералните резерви (американската Централна банка) во јануари да не вршат интервенција со каматните стапки.

Во САД во ноември биле отворени 227.000 нови работни места. Се прогнозира дека стапката на невработеност ќе остане непроменета и ќе изнесува 4,2 отсто.

Сепак, иако нивото на отпуштања останува ниско споредено со историските податоци, вработувањето во САД е забавено. Некои од оние што останале без работа бараат нова работа со месеци./МИА

Свет

Шејнбаум: „Мексикански залив“ е меѓународно признато име

Трамп вчера најави дека ќе го смени името на Мексиканскиот залив во Американски залив

По вчерашната изјава на новоизбраниот американски претседател Доналд Трамп за неговата идеја за преименување на Мексиканскиот Залив во „Американски Залив на Америка“, претседателката на Мексико Клаудија Шејнбаум денеска посочи дека „Мексиканскиот залив“ е меѓународно признато име и дека Трамп „живее во минатото““.

-Мислам дека на претседателот Трамп погрешно му кажале, му кажале дека Фелипе Калдерон сè уште е претседател. Но, не, во Мексико луѓето се одговорни, рече Шејнбаум на прес-конференција, пренесуваат британските медиуми.

Калдерон го водеше Мексико од 2006 до 2012 година.

Шенјбаум покажа карта на поранешно Мексико, која ги вклучува териториите кои сега се дел од Соединетите Американски Држави.

-Мексиканска Америка, тоа звучи убаво, рече Шејнбаум.

Трамп вчера најави дека ќе го смени името на Мексиканскиот залив во Американски залив./МИА

притисни ентер