Партиите со обвинувања и контра-обвинувања за наводни нарачани анкети

Националната телевизија МТВ била злоупотребена од ВМРО-ДПМНЕ затоа што објавувале анкети со рејтингот на партиите кои се нереални и служат за манипулација на граѓаните, обвинија од СДСМ.

Од владејачката партија објавија документи кои наводно, како што тврдат, содржат план за реализација на цела шема за пласирање на лажни анкети и лажни вести. Планот, според СДСМ, предвидувал креирање на емисија два пати неделно со анализирање на анкети од ИПИС, какви што веќе се емитувале на јавниот сервис, а дефиниран бил и составот на гости во емисијата, да бидат аналитичари и тоа три опозициски и еден од власта.

„ За различни сегменти се ангажирани се различни личности. За лажните анкети и вести освен одговорните од центарот за комуникации задолжен е Владимир Божиновски, меѓу задоклжените е Зоран Ставревски, но и директорот на МТВ Марјан Цветковски. Овој голем скандал опкажува дека лажните анкети се нереални и служат на манипулација, дека се уплашени и потврдува дека нема никаква промена во ДПМНЕ. “-Дарко Каевски – Портпарол на СДСМ

На ова експресно реагираа од ВМРО-ДПМНЕ кои најостро ги демантираат обвинувањата од СДСМ за кои најавија и тужба за клевета и фалсификување документи. Велат дека не постои документ подготвен од Републичкиот изборен штаб на ВМРО-ДПМНЕ за злоупотреба на изборниот процес. Посочуваат документите се целосно измислени и не кореспондираат со реалните.

„ Потписите коишто би требало да стојат зад имињата на фалсификуваниот документот се целосно измислени и не кореспондираат со реалните потписи. Второ, имиња и презимиња на фалсификуваниот документ се или неточни или воопшто не постојат такви лица.Трето, датумот на фалсификуваниот документ е 5 декември 2024 година, осум месеци во иднината. Што значи или се повикуваат на датумот 5 декември 2023 на состанокот на ИК по којшто соопштивме дека Претседателот Христијан Мицкоски ќе го предводи РИШ, или целосно се одлепени од реалноста. “-Наум Стоилковски - ВМРО-ДПМНЕ

По овие обвинувања меѓу СДСМ и ВМРО ДПМНЕ, се огласи и уредувачкиот колегиум на МТВ и од ИПИС. Јавниот сервис ги отфрла сите неосновани напади за професионалноста и објективното известување, се вели во соопштението. Оттаму апелираат политичките партии да престанат да вршат притисок кон јавниот сервис.

„МТВ во никој случај нема да влезе во дневно-политичка пресметка на партиите во овој предизборен период. Јавниот сервис се соочува со неосновани напади за веродостојноста на тоа што се пласира“, се наведува во реакцијата од Уредувачкиот колегиум на МТВ.

Од ИПИС пак најавуваат тужба по обвинувањата на СДСМ. Од таму додаваат дека соработката со МТВ е по примерот на водечките светски медиуми каде се истражува јавното мислење. Тие посочуваат дека ова е договор помеѓу ИПИС и продукцијата која е одговорна за овие емисии без притоа да биде инволвирана било каква трета страна, односно друг правен субјект, организација или физичко лице.

Новороденче, кое било прогласено за мртво, се разбудило на погребот- семејството верува во чудо

Бебе кое било прогласено за мртво набргу по раѓањето, е префрлено назад во болница во Парагвај откако добила знаци на живот за време на нејзиниот погреб.

Нејзините блиски кои се потресени од сѐ, изјавија дека не исклучуваат „Божја интервенција“, пренесува El Tiempo.

Девојчето е родено околу пладне во петокот со царски рез, откако нејзината 21-годишна мајка имала компликации во седмиот месец од бременоста.

Но, бебето било прогласено за мртво и предадено на семејството заедно со потврдата за смрт.

Таткото на бебето, Игнасио Медина, изјавил за локалната телевизија Телефутуро дека телото на бебето го добил „целосно виолетово“.

Семејството, кое веќе претрпело загуба на уште едно бебе од оваа двојка, наместо да слави, отишле на погребот во Минго Гуазу, место на околу 20 километри од Сиудад дел Есте, главниот град на департманот Алто Парана, кој граничи со Аргентина и Бразил.

„Ја однесовме кај мајка ми и таму ја гледавме“, рече Медина.

Тој рече дека непосредно пред да заминат на гробиштата, еден од неговите чичковци забележал дека бебето мрда со главата и ги известил присутните.

„Потоа отидовме да ја провериме и срцето ѝ чукаше“, додал таткото кој веднаш го однел бебето во болница.

Кога таткото на бебето го прашал што се случило, директорот на Регионалната болница во Сиудад дел Есте, Федерико Шредел, не ја исклучил можноста дека се работело за катаплексија.

„Поради состојбата со предвремено раѓање, тоа може да се случи, практично пациентот останува без знаци на живот“, додаде специјалистот и предупреди дека ваков случај може да се случи еднаш на секои пет милиони раѓања.

Исто така, Пабло Лемир, директор на судска медицина на Министерството за правда во Парагвај, исто така објасни дека тоа може да биде катаплексија или синдром на „очигледна смрт“.

„Нема чукање на срцето, нема дишење, телото е опуштено, бледо, станува сино или виолетово и обично се решава спонтано и необјасниво“, изјави тој за парагвајскиот медиум ABC Colors.

Според експертот, бебето било родено предвреме и тоа ги исклучило опциите за лекарите.

„Во 26-та недела од бременоста и со таа тежина, белите дробови не се подготвени да бидат надвор од матката, ниту пак нервниот систем е правилно развиен“, рече тој.

Од друга страна, роднините не исклучуваат „божествена интервенција“ и тврдат дека девојчето, сепак со резервирани прогнози, ќе се вика Милагрос де Жезус, што во превод значи „Чудо Исусово“.

Момче падна од 40 метри висок гребен во Италија- пријателите немоќно гледале (ВИДЕО)

Момче (14) од Арика, Италија, доживеа трагична судбина кога со другарите го посети езерото Неми, не сфаќајќи дека ќе падне од дрво по стрмна карпа од 40 метри и ќе загине.

Тој наводно се одвоил од својата група пријатели и се обидел да стигне до највисоката точка на Виа Перино, но гранката од дрвото на која се качувал се скршила и момчето се превртело врз карпата, објави Мирор.

Тинејџерот паѓал над 30 метри, а неговите пријатели беспомошно гледале и веднаш го вклучиле алармот.

Пожарникарите од Неми и карабинерите веднаш пристигнале на местото на настанот, но не можеле ништо да му направат на момчето, освен да констатираат смрт.

Телото е пренесено во болницата Кастели во Арикио, а потоа во Институтот за судска медицина во Рим.

Брутално убиство во Њујорк: Во фрижидер е пронајдена отсечена човечка глава и делови на тело

Маж од Њујорк е обвинет за убиство откако во фрижидерот на неговиот стан во Бруклин биле пронајдени човечка глава и делови од телото, соопшти денеска полицијата.

Николас Мекги (45) е уапсен во четвртокот попладне и обвинет за грабеж, криење на човечко тело и компромитирачки докази, соопшти њујоршката полиција, пренесува Ен-Би-Си Њуз.

Посмртните останки на 40-годишниот Кошин Гелцер биле пронајдени на 22 јануари во станот што Мекги го делел со Хедер Стајнс (45), која исто така е уапсена за криење на човечки труп.

Полицајците рекоа дека одговориле на повикот од станот и пронашле повеќе црни кеси со делови од тело во фрижидерот и замрзнувачот.

Според кривичната пријава, лекарите подоцна го идентификувале Гелцер преку отпечатоци од прсти.

Полицијата денеска не соопшти повеќе детали за случајот, ниту пак како и кога е убиен Гелцер.

притисни ентер