„Повеќе од 80.000 мигранти и лица без државјанство се протерани од Русија со судски налог“, пренесоа руските меидуми, повикувајќи се на судството.

Националноста на протераните, на кои генерално им е забранет влез на руска територија во рок од пет години, не се наведува.

Меѓутоа, огромното мнозинство мигранти во Русија доаѓаат од поранешните советски републики во Централна Азија, при што стотици илјади луѓе од Киргистан, Узбекистан и Таџикистан патуваат секоја година за да најдат работа.

По нападот на концертната сала „Крокус“ ​​во предградието на Москва, каде што беа убиени повеќе од 140 луѓе во нападот за кој одговорноста ја презеде Исламска држава, беа уапсени осомничени од Таџикистан. Тогаш значително беа засилени полициските рации против мигрантите.

Неколку руски функционери потоа дадоа антиимигрантски изјави. Поранешниот претседател Дмитриј Медведев го критикуваше создавањето „етнички енклави“, додека неколку пратеници предложија протерување на мигрантите кои не зборуваат руски.

Претседателот на Државната дума, Вјачеслав Володин, кон средината на септември најави разгледување на дури 34 закони со кои требада се заостри миграциската политика, вклучително и да се воведе забрана за обединување на семејството, листа на забранети професии и воведување „данок на мигранти“.

На Русија, сепак, и се потребни работници поради децениската демографска криза, како и мажи за да се борат во Украина, а руското државјанство го олеснува привлекувањето на мигрантите.

Според законот потпишан од претседателот Владимир Путин, мигрантите сега имаат обврска да се регистрираат во војската или во спротивно ризикуваат да ги загубат своите руски пасоши и да бидат депортирани. Руските власти наведуваат дека околу 10.000 такви натурализирани Руси им се придружиле на руските сили на фронтот./МИА

Тој наведе дека изборите формално ќе бидат распишани во среда, на 15 јануари, врз основа на уставната одредба според која изборите не можат да се одржат во рок од 90 дена од завршувањето на вонредната состојба.

Состојбата со елементарна непогода што ја воведе Владата по поплавите во септември минатата година е укината на 16 октомври 2024 година, а рокот од 90 дена истекува на 14 јануари 2025 година, јави агенцијата ПАП.

Изборната кампања официјално ќе започне откако во службен весник ќе биде објавена одлуката на претседателот на Сејмот за распишување на изборите.

Претседателот се избира за петгодишен мандат и може да биде реизбран само еднаш. Секој граѓанин на Полска кој на денот на изборите наполнил 35 години го исполнува условот за кандидатура./МИА

Си-Ен-Ен објави дека барањето на Трамп за итна интервенција дојде само еден ден откако Апелацискиот суд во Њујорк го одби неговото барање за одложување на изрекувањето на пресудата, што е закажано за петок.

Адвокатите на Трамп наведоа дека одложувањето е неопходно „за да се спречи сериозна неправда и штета врз институцијата претседател и функционирањето на федералната влада“.

Како одговор на барањето на Трамп, портпаролот на окружниот обвинител на Менхетен, Алвин Брага, рече дека одговорот на обвинителот ќе биде во судските документи.

Врховниот суд побара обвинителството да даде исказ до утре наутро.

Судијата Хуан Меркан, кој го води судењето, го одби барањето на Трамп да го одложи изрекувањето на пресудата.

Трамп беше осуден во мај за фалсификување деловни документи во врска со исплатите на неговиот поранешен адвокат Мајкл Коен, кој и платил на Даниелс 130.000 долари за да ја спречи јавно да зборува за наводната афера пред изборите во 2016 година.

Трамп ја негираше аферата со порно актерката.

Сусијата Меркан минатата недела ја потврди пресудата на Трамп.

Поротата на Менхетен во мај го прогласи Трамп за виновен по 34 точки од обвинението за фалсификување деловни книги за да се прикрие исплатата.

Тоа беше првпат американски претседател, поранешен или сегашен, да биде осуден или обвинет за кривично дело.

За фалсификување деловни книги се предвидува затворска казна до четири години, но затворската казна не е задолжителна./МИА