Свет

Научниците со страшно предвидување: Најголемиот глечер ќе се распадне за еден месец

Научниците прогнозираат дека најголемиот глечер во светот, познат како А23а, ќе се распадне во рок од еден месец, откако се ослободил и тргнал кон север бидејќи една година бил заробен во океанот поради вртлог, објавија медиумите.

Научникот од тимот за поларни океани на Британскиот институт за Антарктик, Ендрју Мејерс, изјави дека глечерот се движи кон север и ќе наиде на потопли води, што ќе го забрза процесот на топење на мразот, јавува Anadolu Agency.

„Тоа значително ќе го забрза топењето бидејќи температурата на водата во океанот се зголемува како што јужната хемисфера влегува во лето. Претходно познатите гигантски глечери се распаднаа на помали парчиња некаде во близина на Јужна Џорџија, од каде што овој глечер е околу еден месец“, рече тој.

Мејерс додаде дека не е невообичаено глечерите да стигнат многу подалеку на север, па дури и да се приближат до Јужна Африка.

Глечерот А23а има површина од 3.800 квадратни километри и е дебел 400 метри.

Овој глечер се откинал и се ослободил на Антарктикот во 1986 година, иако набрзо повторно се заглавил во близина на брегот.

Поради својата дебелина, ледениот брег се заглавил на дното на Веделското Море, кое е дел од Јужниот Океан, каде што останал неподвижен повеќе од 30 години.

Глечерот повторно почна да се движи кон север во 2020 година, но повторно е заглавен од пролетта оваа година кога беше фатен во вртлог во близина на Јужните Оркнејски Острови.

Забава

Мега Милионс: Добитниот џекпот тикет во САД вреди 1,22 милијарди долари

Добитниот тикет вреден 1,22 милијарди долари е продаден во САД, како петти најголем џекпот во историјата, објави организаторот на лотаријата Мега Милионс.

Три месеци никој не ја извлекол добитната комбинација на оваа лотарија.

Картата е продадена во сојузната држава Калифорнија, соопшти организаторот на Мега Милионс, кој ги објави шесте добитни броеви: 3, 7, 37, 49, 55 и 6.

Идентитетот на победникот не е откриен. Не е јасно дали и тој знае дека го има добитниот тикет за џекпот и дали ќе ја бара својата награда.

Тикетот бил купен на бензинска пумпа во Котонвуд, на околу 200 километри северно од градот Сакраменто.

Добитникот може да ја побара целата сума од 1,22 милијарди долари, исплатени во годишни плаќања во период од 30 години или да се одлучи за еднократна готовинска исплата од 549,7 милиони долари и да ја добие пред наплатата на данокот. Повеќето од победниците се определуваат за втората опција.

Ова е петти најголем џекпот во историјата на американската лотарија организирана од компанијата Мега Милионс, која продава тикети во 45 американски држави.

Најголемиот џекпот тикет на Мега Милионс беше 1,6 милијарди долари и беше продаден во август 2023 година.

Свет

Корејските медиуми ги објавија последните зборови на патник кој загина во авионска несреќа

Неколку моменти пред авионската трагедија во Јужна Кореја кога авион на „Jeju Air“ се заби во ѕид и запали , патник во авионот му испратил порака на пријател дека птица удрила во авионот.

Во авионската несреќа загинаа 179 патници и членови на екипажот, а двајца членови на екипажот преживеаја.

„Чекај малку... не можеме да слетаме бидејќи птица (или птици) ни удри во крилото“, напишал патникот во 9 часот наутро во порака до пријател преку корејската платформа за пораки, „KakaoTalk“.

„Од кога? праша друго лице. „Само...Дали да ги испратам моите последни зборови, одговори патникот, а потоа контактот беше изгубен?

Македонија

Трибина на ВМРО-ДПМПНЕ за негативниот годишен извештај за работата на Судскиот совет

Трибина на ВМРО-ДПМПНЕ за негативниот годишен извештај за работата на Судскиот совет и потребата од реформи.

Состојбата во правосудството е алармантна и мора да има реформи, оценија од владејачката ВМРО-ДПМНЕ на партиска трибина за работата на Судскиот совет и генерално на целата судска власт. Според говорниците, неусвоениот извештај на судскиот совет е доволна основа да се отвори постапка во собранието за тие членови кои се избрани токму таму.