Оваа одлука Владата и МВР ја соопштија преку социјалната мрежа Икс, која инаку е забранета во Пакистан.

Тие не ги прецизираа областите, ниту пак кажаа до кога ќе биде прекинот на услугите.

„Интернет и мобилните услуги ќе продолжат да работат без прекин во останатиот дел од државата“, се наведува во тие најави.

Во меѓувреме, телефонската компанија Naiatel им нуди на клиентите „сигурна фиксна услуга“ како решение во областите каде што услугата за мобилни телефони е суспендирана.

Поранешниот премиер Кан е во затвор повеќе од една година и против него се водат околу 150 кривични постапки.

Но, тој останува популарен и неговата политичка партија, Техрек е Инсаф, наведува дека обвиненијата против него се политички мотивирани.

Пакистан веќе го затвори главниот град Исламабад со бродски контејнери, како и главните патишта и автопати кои го поврзуваат градот со упориштето на партијата на Кан во провинциите Пенџаб и Хајбер Пахтунхва.

Иран на 29 ноември ќе разговара со Велика Британија, Франција, Германија и Европската унија за обновување на нуклеарниот договор од 2015 година меѓу таа земја и шесте големи сили, вклучително и три европски држави и САД, изјавија денеска ирански дипломатски извори.

Доналд Трамп се повлече од договорот за време на неговата прва администрација во 2018 година.

Иран се спротивстави на потегот на САД со засилување на своите нуклеарни активности надвор од границите поставени во договорот.

Планираните разговори меѓу Иран, три европски нации и ЕУ, која дејствува како посредник, ќе бидат први нуклеарни преговори откако иранскиот претседател Масуд Пезешкијан ја презеде функцијата кон крајот на јули по смртта на Ебрахим Раиси, кој во мај загина во хеликоптерска несреќа.

До почеток на летната сезона ќе пуштиме за сообраќај околу 40 километри од автопатот Кичево - Охрид на потегот од Врбјани до Охрид, а до крај на 2026 година како што ветивме ќе го изградиме целиот автопат, истакна денеска заменик претседателот на Владата и министер за транспорт Александар Николоски, кој заедно со директорот на ЈП за државни патишта Коце Трајановски и градоначланикот на Охрид, Кирил Пецаков извршија увид во зимско асфалтирање на автопатот во непосредна близина на Охрид.

Министерот Николоски, заедно со останатите присутни денеска промовираа асфалтирање во зимски услови, токму на трасата на автопатот Кичево – Охрид, активност која за прв пат се применува после 50 години.

Како што истакнаа, ова е резултат на промена на Законот за изградба на автопатот Кичево - Охрид се со цел да се надминат проблемите со техничките услови со асфлатирањето и да се забрза неговата изградба. Министерот Николоски истакна дека направена е целосна мобилизација на работници и на машини и со тоа се создава услови да се асфалтира и на минусни температури.

“Ова е мое прво појавување на овој проект. Ветивме работа а помалку да зборуваме. Ги решаваме проблемите со автопататот и веќе ги забележуваме резултатите. Правиме историска работа за Охрид и за цел регион. Имаме голема мобилизација за изградба на автопатот и тоа со околу 300 машини и околу 600 вработени кои секојдневно работат на трасата. Денеска промовираме асфалтирање во зимски услови и на минусни температури се со цел да ја забрзаме изградбата и да ги достигнеме роковите што си ги зададовме. Тоа е до почетокот на летната сеозна да пуштиме за сообраќај околу 40 километри од Врбјани до Охрид со еден мал прекин кај Ботун, а до крај на 2026 година да го изградиме целиот автопат. Исто така во преткфалификација е избор на изведувач за автопатот Кичево-Букојчани и очекувам дека на пролет ќе имаме избрано изведувач. Потоа тој автопат ќе се надоврзе на автопатот кој интензивно започна да се гради, а тоа е од Гостивар до Букојчани и понатаму од Гостивар до Тетово, така да граѓаните од Охрид и регионот ќе добијат нов модерен автопат од Охрид до Скопје. Исто така по целата траса ќе има и алтернативен пат”- изјави заменик претседателот на Владата и министер за транспорт Александар Николоски.

Министерот Николоски исто така најави дека ќе се започне и со реконструкција на превојот Пресека.

Директорот на ЈП за државни патишта Коце Трајановски истакна дека интезивно се работи на санација на косините и на завршување на експропријацијата.

“ Работиме со силен интензитет да ги санираме косините што се појавени на потегот од Кичево до Врбјани бидејќи со текот на времето тие биле подложни на многу природни услови. Исто така работиме и на завршување на експропријацијата. Со измени на Законот благодарение на министерот Николоски ја сменивме формулата за асфалтирање и со тоа овозможуваме зимско асфалтирање, нешто што не се правело изминативе педесетина години. Наследивме огромни проблеми, но макотрпно работиме да ги решаваме ден по еден и очекувам дека до крај на 2026 година ќе го завршиме овој автопат” -изјави Коце Трајановски, директор на ЈП за државни патишта.

Министерство за транспорт