Македонија

Николоски: Промовираме зимско асфалтирање на автопатот Кичево-Охрид

До почеток на летната сезона ќе пуштиме за сообраќај околу 40 километри од автопатот Кичево - Охрид на потегот од Врбјани до Охрид,  а до крај на 2026 година како што ветивме ќе го изградиме целиот автопат.

До почеток на летната сезона ќе пуштиме за сообраќај околу 40 километри од автопатот Кичево - Охрид на потегот од Врбјани до Охрид, а до крај на 2026 година како што ветивме ќе го изградиме целиот автопат, истакна денеска заменик претседателот на Владата и министер за транспорт Александар Николоски, кој заедно со директорот на ЈП за државни патишта Коце Трајановски и градоначланикот на Охрид, Кирил Пецаков извршија увид во зимско асфалтирање на автопатот во непосредна близина на Охрид.

Министерот Николоски, заедно со останатите присутни денеска промовираа асфалтирање во зимски услови, токму на трасата на автопатот Кичево – Охрид, активност која за прв пат се применува после 50 години.

Како што истакнаа, ова е резултат на промена на Законот за изградба на автопатот Кичево - Охрид се со цел да се надминат проблемите со техничките услови со асфлатирањето и да се забрза неговата изградба. Министерот Николоски истакна дека направена е целосна мобилизација на работници и на машини и со тоа се создава услови да се асфалтира и на минусни температури.

“Ова е мое прво појавување на овој проект. Ветивме работа а помалку да зборуваме. Ги решаваме проблемите со автопататот и веќе ги забележуваме резултатите. Правиме историска работа за Охрид и за цел регион. Имаме голема мобилизација за изградба на автопатот и тоа со околу 300 машини и околу 600 вработени кои секојдневно работат на трасата. Денеска промовираме асфалтирање во зимски услови и на минусни температури се со цел да ја забрзаме изградбата и да ги достигнеме роковите што си ги зададовме. Тоа е до почетокот на летната сеозна да пуштиме за сообраќај околу 40 километри од Врбјани до Охрид со еден мал прекин кај Ботун, а до крај на 2026 година да го изградиме целиот автопат. Исто така во преткфалификација е избор на изведувач за автопатот Кичево-Букојчани и очекувам дека на пролет ќе имаме избрано изведувач. Потоа тој автопат ќе се надоврзе на автопатот кој интензивно започна да се гради, а тоа е од Гостивар до Букојчани и понатаму од Гостивар до Тетово, така да граѓаните од Охрид и регионот ќе добијат нов модерен автопат од Охрид до Скопје. Исто така по целата траса ќе има и алтернативен пат”- изјави заменик претседателот на Владата и министер за транспорт Александар Николоски.

Министерот Николоски исто така најави дека ќе се започне и со реконструкција на превојот Пресека.

Директорот на ЈП за државни патишта Коце Трајановски истакна дека интезивно се работи на санација на косините и на завршување на експропријацијата.

“ Работиме со силен интензитет да ги санираме косините што се појавени на потегот од Кичево до Врбјани бидејќи со текот на времето тие биле подложни на многу природни услови. Исто така работиме и на завршување на експропријацијата. Со измени на Законот благодарение на министерот Николоски ја сменивме формулата за асфалтирање и со тоа овозможуваме зимско асфалтирање, нешто што не се правело изминативе педесетина години. Наследивме огромни проблеми, но макотрпно работиме да ги решаваме ден по еден и очекувам дека до крај на 2026 година ќе го завршиме овој автопат” -изјави Коце Трајановски, директор на ЈП за државни патишта.

Министерство за транспорт

Свет

Зеленски: Путин сака да нѐ протера од Курската област до 20 јануари

Украинскиот претседател Володимир Зеленски изјави дека рускиот претседател Владимир Путин поставил задача да ги протера украинските сили од регионот Курск до 20 јануари „бидејќи му е важно да покаже дека наводно ја контролира ситуацијата“.

„За Путин најважно е да нѐ истурка од регионот Курск. Сите овие приказни, сите овие индикатори, удари со нови проектили, сето тоа не е за џабе. Тој си ја постави оваа задача. Сигурен сум дека сака да нѐ протера до 20 јануари. За него е клучно да покаже дека ја контролира ситуацијата“, им рече Зеленски на новинарите за време на Третата меѓународна конференција за безбедност на храната „Жито од Украина“. , пренесува украински Интерфакс.

Зеленски додаде дека средбата со новоизбраниот американски претседател Доналд Трамп зависи од многу работи, особено од легитимноста на нејзиното одржување.

Исто така, наведе тој, можни се и подготвителни средби пред инаугурацијата на Трамп.

Зеленски истакна дека неодамнешниот Самит на Г20 се одржа со многу слаба поддршка за Украина, истакнувајќи дека бразилскиот претседател Луис Инасио Лула да Силва „покажа слаба страна“.

„Бразил е голема земја, знам дека повеќето луѓе ја поддржуваат Украина, сакам да ви се заблагодарам за тоа. За жал, Г-20 се одржа со многу мала поддршка за Украина“, заклучи Зеленски.

Регион

Уапсено е уште едно, 13-то лице поради трагедијата во Нови Сад

Вишото јавно обвинителство во Нови Сад соопшти дека 13-от осомничен е уапсен за уривањето на настрешницата во Нови Сад.

Како што соопштија, уапсен е и приведен 13-от осомничен со иницијали Ј.С.М., кој на денот на акцијата за апсење на останатите осомничени, бил недостапен за надлежните.

Неправилното извршување на градежните работи е кривично дело за кое се товари.

„Откако осомничениот е приведен и извршен распит во Вишото јавно обвинителство во законскиот рок, осомничениот Ј.С.М. е приведен кај судијата на Вишиот суд во Нови Сад за да одлучи по поднесениот предлог на јавниот обвинител за притвор.“ се наведува во соопштението за печатот.

Како што велат, Вишото јавно обвинителство во Нови Сад итно и темелно ќе ги преземе сите доказни дејствија, по што ќе донесат понатамошни одлуки.

Фудбал

Симеоне се расплака среде интервју и си замина (ВИДЕО)

Атлетико Мадрид го победи Алавес со 2:1 во 14. коло од Ла Лига и сега заостанува пет бода зад лидерот Барселона.

Гостите поведоа од пенал на Гуриди во седмата минута. Атлетико се мачеше до 76. минута, а потоа Антоан Гризман погоди за 1:1 од пенал. Победата ја донесе Сорлот во 86. минута. Тренерот на Атлетико, Диего Симеоне (54) беше особено емотивен на крајот од натпреварот, толку многу што мораше да го прекине интервјуто и да си замине во солзи.

"Мирен сум. Не знам што да кажам за годишнината. Го сакам ова место, овој клуб, овој град. Ова место, тоа сум јас... Ништо. Здраво", низ солзи изјави Аргентинецот. За Симеоне ова беше 700. натпревар на клупата на Атлетико. Има 412 победи, 156 нерешени и 131 пораз.

Два пати беше шампион на Шпанија, победник на Лига Европа и Суперкупот на УЕФА. Два пати загуби во финалето на Лигата на шампионите од Реал. Тој е во Атлетико од 23 декември 2011 година и има договор со нив до 30 јуни 2027 година.

притисни ентер